ਓਟਵਾ, 13 ਸਤੰਬਰ (ਪੋਸਟ ਬਿਊਰੋ) : ਸਟੈਟੇਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਦੂਜੀ ਤਿਮਾਹੀ ਵਿੱਚ ਕੈਨੇਡੀਅਨਜ਼ ਦੇ ਸਿਰ ਚੜ੍ਹਿਆ ਕਰਜ਼ਾ ਉਨ੍ਹਾਂ ਦੀ ਆਮਦਨ ਤੋਂ ਜਿ਼ਆਦਾ ਹੈ।
ਏਜੰਸੀ ਨੇ ਆਖਿਆ ਕਿ ਹਾਊਸਹੋਲਡ ਕ੍ਰੈਡਿਟ ਮਾਰਕਿਟ ਦਾ ਕਰਜ਼ਾ ਹਾਊਸਹੋਲਡ ਆਮਦਨ ਨਾਲੋਂ 181·7 ਫੀ ਸਦੀ ਜਿ਼ਆਦਾ ਹੈ, ਜੋ ਕਿ ਪਹਿਲੀ ਤਿਮਾਹੀ ਨਾਲੋਂ 179·7 ਫੀ ਸਦੀ ਵੱਧ ਹੈ। ਦੂਜੇ ਲਫਜ਼ਾਂ ਵਿੱਚ ਦੂਜੀ ਤਿਮਾਹੀ ਦੀ ਹਾਊਸਹੋਲਡ ਡਿਸਪੋਜੇ਼ਬਲ ਇਨਕਮ ਦੇ ਹਰੇਕ ਡਾਲਰ ਪਿੱਛੇ 1·82 ਡਾਲਰ ਕ੍ਰੈਡਿਟ ਮਾਰਕਿਟ ਡੈਬਟ ਸੀ।
ਇਹ ਵਾਧਾ ਇਸ ਲਈ ਹੋਇਆ ਕਿਉਂਕਿ ਹਾਊਸਹੋਲਡ ਡਿਸਪੋਜ਼ੇਬਲ ਆਮਦਨ ਵਿੱਚ 1·0 ਫੀ ਸਦੀ ਦਾ ਵਾਧਾ ਹੋਇਆ, ਪਰ ਹਾਊਸਹੋਲਡ ਕ੍ਰੈਡਿਟ ਮਾਰਕਿਟ ਕਰਜ਼ਾ 2·1 ਫੀ ਸਦੀ ਵਾਧਾ ਹੋਇਆ ਹੈ।ਸਟੈਟੇਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਸੀਜ਼ਨ ਦੇ ਹਿਸਾਬ ਨਾਲ ਕੀਤੇ ਗਈ ਐਡਜਸਟਮੈਂਟ ਦੇ ਅਧਾਰ ਉੱਤੇ ਹਾਊਸਹੋਲਡ ਦੇ ਕਰਜ਼ੇ ਵਿੱਚ 56·3 ਬਿਲੀਅਨ ਡਾਲਰ ਦਾ ਵਾਧਾ ਹੋਇਆ ਜਿਸ ਵਿੱਚ 48·7 ਬਿਲੀਅਨ ਡਾਲਰ ਦੀ ਮਾਰਗੇਜ ਸੀ।