ਓਟਵਾ, 5 ਅਗਸਤ (ਪੋਸਟ ਬਿਊਰੋ) : ਅੱਜ ਸਵੇਰੇ ਸਟੈਟੇਸਟਿਕਸ ਕੈਨੇਡਾ ਵੱਲੋਂ ਲੇਬਰ ਫੋਰਸ ਦੇ ਆਪਣੇ ਸਰਵੇਖਣ ਦੀ ਰਿਪੋਰਟ ਜਾਰੀ ਕੀਤੀ ਜਾਵੇਗੀ।
ਫੈਡਰਲ ਏਜੰਸੀ ਨੇ ਇਸ ਤੋਂ ਪਹਿਲਾਂ ਇਹ ਜਾਣਕਾਰੀ ਦਿੱਤੀ ਸੀ ਕਿ ਜੂਨ ਵਿੱਚ ਬੇਰੋਜ਼ਗਾਰੀ ਦਰ 4·9 ਫੀ ਸਦੀ ਰਹੀ ਸੀ। ਇਸ ਸਮੇਂ ਕੈਨੇਡਾ ਵਿੱਚ ਇੱਕ ਮਿਲੀਅਨ ਤੋਂ ਵੀ ਵੱਧ ਨੌਕਰੀਆਂ ਹਨ ਤੇ ਦੇਸ਼ ਨੂੰ ਲੇਬਰ ਦੀ ਘਾਟ ਨਾਲ ਵੀ ਵੱਡੇ ਪੱਧਰ ਉੱਤੇ ਨਜਿੱਠਣਾ ਪੈ ਰਿਹਾ ਹੈ। ਭੱਤਿਆਂ ਵਿੱਚ ਵੀ ਵਾਧਾ ਹੋਇਆ ਹੈ ਤੇ ਸਾਲ ਦਰ ਸਾਲ ਦੇ ਹਿਸਾਬ ਨਾਲ ਵੱਧ ਕੇ ਇਹ 5·2 ਫੀ ਸਦੀ ਤੱਕ ਪਹੁੰਚ ਗਏ ਹਨ। ਪਰ ਅਜੇ ਵੀ ਮਹਿੰਗਾਈ ਦੀ ਰਫਤਾਰ ਨਾਲੋਂ ਇਹ ਕਾਫੀ ਘੱਟ ਹਨ।
ਜੁਲਾਈ ਦੇ ਮਹੀਨੇ ਆਰਬੀਸੀ ਦੇ ਅਰਥਸ਼ਾਸਤਰੀਆਂ ਵੱਲੋਂ ਕੀਤੀ ਗਈ ਪੇਸ਼ੀਨਿਗੋਈ ਅਨੁਸਾਰ ਅਰਥਚਾਰੇ ਵਿੱਚ 1500 ਰੋਜ਼ਗਾਰ ਦੇ ਮਾਮਲੇ ਹੋਰ ਜੁੜੇ ਤੇ ਬੇਰੋਜ਼ਗਾਰੀ ਦਰ ਵੀ ਪੰਜ ਫੀ ਸਦੀ ਦੇ ਆਲੇ ਦੁਆਲੇ ਗੇੜੇ ਲਾ ਰਹੀ ਹੈ।