ਕਿਊਬਿਕ, 29 ਜੁਲਾਈ (ਪੋਸਟ ਬਿਊਰੋ) : ਪੋਪ ਫਰਾਂਸਿਸ ਵੱਲੋਂ ਆਪਣੇ ਛੇ ਰੋਜ਼ਾ ਦੌਰੇ ਨੂੰ ਕਿਊਬਿਕ ਸਿਟੀ ਤੇ ਇਕੁਆਲੁਇਟ ਵਿੱਚ ਮੂਲਵਾਸੀ ਲੋਕਾਂ ਨਾਲ ਮੀਟਿੰਗਾਂ ਕਰਨ ਤੋਂ ਬਾਅਦ ਖ਼ਤਮ ਕੀਤਾ ਜਾਵੇਗਾ।
ਪੋਪ ਫਰਾਂਸਿਸ ਵੱਲੋਂ ਅੱਜ ਦਿਨ ਦੀ ਸ਼ੁਰੂਆਤ ਆਰਚਬਿਸ਼ਪ ਆਫ ਕਿਊਬਿਕ ਵਾਸੀਆਂ ਨਾਲ ਪ੍ਰਾਈਵੇਟ ਮੀਟਿੰਗਾਂ ਕਰਨ ਤੇ ਫਿਰ ਇੰਡੀਜੀਨਸ ਲੋਕਾਂ ਦੇ ਵਫਦ ਨਾਲ ਮੀਟਿੰਗ ਕਰਕੇ ਖ਼ਤਮ ਕੀਤਾ ਜਾਵੇਗਾ। ਇਨ੍ਹਾਂ ਮੀਟਿੰਗਾਂ ਤੋਂ ਬਾਅਦ ਫਰਾਂਸਿਸ ਇਕੁਆਲੁਇਟ ਦਾ ਦੌਰਾ ਕਰਨਗੇ ਜਿੱਥੇ ਉਹ ਰੈਜ਼ੀਡੈਂਸ਼ੀਅਲ ਸਕੂਲ ਸਰਵਾਈਵਰਜ਼ ਨਾਲ ਪ੍ਰਾਈਵੇਟ ਮੀਟਿੰਗਾਂ ਕਰਨਗੇ। ਫਿਰ ਵੈਟੀਕਨ ਰਵਾਨਾ ਹੋਣ ਤੋਂ ਪਹਿਲਾਂ ਪੋਪ ਫਰਾਂਸਿਸ ਨੌਜਵਾਨਾਂ ਤੇ ਬਜ਼ੁਰਗਾਂ ਨਾਲ ਵੱਖਰੀ ਆਊਟਡੋਰ ਮੀਟਿੰਗ ਕਰਨਗੇ।
ਅਲਬਰਟਾ ਸਮੇਤ ਆਪਣੇ ਸਮੁੱਚੇ ਦੌਰੇ ਦੌਰਾਨ ਪੋਪ ਨੇ ਰੈਜ਼ੀਡੈਂਸ਼ੀਅਲ ਸਕੂਲ ਸਿਸਟਮ ਵਿੱਚ ਰੋਮਨ ਕੈਥੋਲਿਕ ਇੰਸਟੀਚਿਊਸ਼ਨਜ਼ ਵੱਲੋਂ ਨਿਭਾਈ ਭੂਮਿਕਾ ਲਈ ਮੁਆਫੀ ਮੰਗੀ।