ਨਾਇਗਰਾ, 22 ਮਈ (ਪੋਸਟ ਬਿਊਰੋ) : ਅੱਜ ਇੱਥੇ ਡੱਗ ਫੋਰਡ ਨੇ ਐਲਾਨ ਕੀਤਾ ਕਿ ਸਕਿੱਲਡ ਟਰੇਡਜ਼ ਵਿੱਚ ਚੰਗੀਆਂ ਨੌਕਰੀਆਂ ਵਿੱਚ ਵਧੇਰੇ ਵਰਕਰਜ਼ ਨੂੰ ਪਾਉਣ ਲਈ ਅਗਲੇ ਤਿੰਨ ਸਾਲਾਂ ਵਿੱਚ ਪੀਸੀ ਸਰਕਾਰ ਇੱਕ ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰੇਗੀ।
ਡੱਗ ਫੋਰਡ ਨੇ ਆਖਿਆ ਕਿ ਡੈਲ ਡੂਕਾ-ਵਿੰਨ ਦੇ ਲਿਬਰਲਾਂ ਨੇ ਅਜਿਹਾ ਭੰਬਲਭੂਸੇ ਵਾਲਾ ਸਿਸਟਮ ਤਿਆਰ ਕੀਤਾ ਕਿ ਓਨਟਾਰੀਓ ਦੇ 1·2 ਮਿਲੀਅਨ ਸਕਿੱਲਡ ਟਰੇਡਜ਼ ਵਰਕਰਜ਼ ਨੂੰ ਨੌਕਰੀਆਂ ਦੀ ਤਲਾਸ਼ ਵਿੱਚ ਪ੍ਰੋਵਿੰਸ ਤੋਂ ਬਾਹਰ ਜਾਣਾ ਪਿਆ।ਉਨ੍ਹਾਂ ਆਖਿਆ ਕਿ ਹੌਰਵਥ ਤੇ ਐਨਡੀਪੀ ਨੇ ਵਿਚਾਰਧਾਰਕ ਕਾਰਕੁੰਨਾਂ ਦੇ ਪੱਖ ਵਿੱਚ ਬਲੂ ਕਾਲਰ ਵਰਕਰਾਂ ਨੂੰ ਛੱਡ ਦਿੱਤਾ।
ਡੈਲ ਡੂਕਾ-ਵਿੰਨ ਦੇ ਲਿਬਰਲਾਂ ਦੀ ਅਗਵਾਈ ਵਿੱਚ 2013 ਤੇ 2018 ਦਰਮਿਆਨ ਓਨਟਾਰੀਓ 75000 ਰਜਿਸਟਰਡ ਅਪਰੈਂਟਿਸਿਜ਼ ਤੋਂ ਹੱਥ ਧੁਆ ਬੈਠਿਆ। ਪਰ ਡੱਗ ਫੋਰਡ ਦੀ ਯੋਗ ਅਗਵਾਈ ਤੇ ਮਦਦ ਨਾਲ ਲੋਕਾਂ ਨੇ ਇੱਕ ਵਾਰੀ ਫਿਰ ਸਕਿੱਲਡ ਟਰੇਡਜ਼ ਵਿੱਚ ਦਾਖਲ ਹੋਣਾ ਸ਼ੁਰੂ ਕੀਤਾ ਹੈ। ਇਸ ਦਾ ਪਤਾ ਓਨਟਾਰੀਓ ਦੀ ਪੀਸੀ ਪਾਰਟੀ ਨੂੰ ਵੱਧ ਤੋਂ ਵੱਧ ਯੂਨੀਅਨਾਂ ਦੇ ਮਿਲ ਰਹੇ ਸਮਰਥਨ ਤੋਂ ਚੱਲਦਾ ਹੈ। ਪੀਸੀ ਪਾਰਟੀ ਨੂੰ ਸਮਰਥਨ ਦੇਣ ਵਾਲਿਆਂ ਵਿੱਚ ਹੇਠ ਲਿਖੀਆਂ ਯੂਨੀਅਨਾਂ ਸ਼ਾਮਲ ਹਨ : ‘
· ਲਿਊਨਾ
· ਦ ਓਨਟਾਰੀਓ ਪਾਈਪ ਟਰੇਡਜ਼ ਕਾਊਂਸਲ
· ਦ ਇੰਟਰਨੈਸ਼ਨਲ ਬ੍ਰਦਰਹੁੱਡ ਆਫ ਬੁਆਇਲਰਮੇਕਰਜ਼
· ਦ ਇੰਟਰਨੈਸ਼ਨਲ ਬ੍ਰਦਰਹੁੱਡ ਆਫ ਇਲੈਕਟ੍ਰੀਕਲ ਵਰਕਰਜ਼ ਕੰਸਟ੍ਰਕਸ਼ਨ ਕਾਊਂਸਲ ਆਫ ਓਨਟਾਰੀਓ
· ਦ ਇੰਟਰਨੈਸ਼ਨਲ ਯੂਨੀਅਨ ਆਫ ਪੇਂਟਰਜ਼ ਐਂਡ ਅਲਾਈਡ ਟਰੇਡਜ਼
· ਦ ਇੰਟਰਨੈਸ਼ਨਲ ਐਸੋਸਿਏਸ਼ਨ ਆਫ ਸ਼ੀਟ ਮੈਟਲ, ਏਅਰ, ਰੇਲ ਐਂਡ ਟਰਾਂਸਪੋਰਟੇਸ਼ਨ ਵਰਕਰਜ਼ ਲੋਕਲ 285
ਲੰਮੇਂ ਸਮੇਂ ਤੱਕ ਅਣਗੌਲੇ ਰਹਿਣ ਤੋਂ ਬਾਅਦ ਪੀਸੀ ਪਾਰਟੀ ਇਨ੍ਹਾਂ ਮਿਹਨਤੀ ਵਰਕਰਜ਼ ਨੂੰ ਚੰਗੇ ਸਕਿੱਲਡ ਟਰੇਡਜ਼ ਵਿੱਚ ਚੰਗੀਆਂ ਨੌਕਰੀਆਂ ਦਿਵਾਏਗੀ ਤਾਂ ਕਿ ਉਹ ਵੱਡੇ ਪੇਅਚੈੱਕ ਹਾਸਲ ਕਰ ਸਕਣ।