ਤਰਨ ਤਾਰਨ, 13 ਮਈ (ਪੋਸਟ ਬਿਊਰੋ)- ਢਾਈ ਸਾਲ ਤੋਂ ਬਰਾਜ਼ੀਲ ਵਿੱਚ ਰਹਿੰਦੇ ਤਰਨ ਤਾਰਨ ਦੇ ਜਤਿੰਦਰਪਾਲ ਸਿੰਘ ਲਵਲੀ ਦੀ ਅਮਰੀਕਾ ਜਾਣ ਮੌਕੇ ਪਨਾਮਾ ਦੇ ਜੰਗਲਾਂ ਵਿੱਚ ਸਿਹਤ ਖਰਾਬ ਹੋਣ ਨਾਲ ਮੌਤ ਹੋ ਗਈ ਹੈ।ਦੱਸਿਆ ਜਾ ਰਿਹਾ ਹੈ ਕਿ ਲਵਲੀ ਦੀ ਦੇਹ ਨੂੰ ਜੰਗਲ ਵਿੱਚ ਦਫਨਾ ਕੇ ਬਾਕੀ ਲੋਕ ਅੱਗੇ ਨਿਕਲ ਗਏ।
ਮਿਲੀ ਜਾਣਕਾਰੀ ਅਨੁਸਾਰ 2019 ਵਿੱਚ ਲਵਲੀ (45) ਪੁੱਤਰ ਹਰਬੰਸ ਸਿੰਘ ਵਾਸੀ ਰੋਹੀ ਵਾਲਾ ਕੰਡਾ ਤਰਨ ਤਾਰਨ ਚੰਗੇ ਭਵਿੱਖ ਲਈ ਬਰਾਜ਼ੀਲ ਗਿਆ ਸੀ, ਜਿੱਥੇ ਉਸ ਦੀ ਮਜ਼ਦੂਰੀ ਨਾਲ ਪਰਵਾਰ ਦਾ ਗੁਜ਼ਾਰਾ ਚੱਲਣ ਲੱਗ ਪਿਆ ਸੀ। ਕੁਝ ਦਿਨ ਪਹਿਲਾਂ ਲਵਲੀਦੀ ਆਪਣੇ ਕੁਝ ਹੋਰ ਸਾਥੀਆਂ ਨਾਲ ਜੰਗਲ ਰਸਤੇ ਅਮਰੀਕਾ ਜਾਂਦਿਆਂਂ ਰਸਤੇ ਵਿੱਚ ਹੀ ਸਿਹਤ ਖਰਾਬ ਹੋ ਗਈ। ਸਿਹਤ ਸਹੂਲਤ ਨਾ ਮਿਲਣ ਕਾਰਨ ਉਹ ਅਮਰੀਕਾ ਦੀ ਸਰਹੱਦ ਪਾਰ ਕਰਨ ਤੋਂ ਪਹਿਲਾਂ ਮੌਤ ਦੇ ਮੂੰਹਚਲਾ ਗਿਆ। ਲਵਲੀ ਦੇ ਭਰਾ ਸਤਪਾਲ ਸਿੰਘ ਨੇ ਦੱਸਿਆ ਕਿ ਲਵਲੀ ਦੀ ਪਤਨੀ ਨੇ ਉਨ੍ਹਾਂ ਨੂੰ ਜਾਣਕਾਰੀ ਦਿੱਤੀ ਸੀ ਕਿ ਕੁਝ ਦਿਨ ਤੋਂ ਲਵਲੀ ਨਾਲ ਸੰਪਰਕ ਨਹੀਂ ਹੋ ਰਿਹਾ। ਜਦੋਂ ਲਵਲੀ ਨਾਲ ਜਾ ਰਹੇ ਇੱਕ ਹੋਰ ਵਿਅਕਤੀ ਦਾ ਫੋਨ ਨੰਬਰ ਹੱਥ ਲੱਗਣ ਉੱਤੇਉਸ ਨਾਲ ਸੰਪਰਕ ਕੀਤਾ ਤਾਂ ਪਤਾ ਲੱਗਾ ਕਿ 29 ਅਪ੍ਰੈਲ ਨੂੰ ਪਨਾਮਾ ਦੇ ਜੰਗਲਾਂ ਵਿੱਚ ਸਿਹਤ ਖਰਾਬ ਹੋਣ ਕਰ ਕੇ ਉਸ ਦੀ ਮੌਤ ਹੋ ਗਈ ਸੀ ਤੇ ਉਸ ਦੀ ਦੇਹ ਨੂੰ ਉਥੇ ਹੀ ਦਫਨਾ ਦਿੱਤਾ ਗਿਆ।