ਓਟਵਾ, 31 ਅਗਸਤ (ਪੋਸਟ ਬਿਊਰੋ) : ਸਟਾਰਬੱਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਦੇਸ਼ ਭਰ ਵਿੱਚ ਕੰਪਨੀ ਦੀਆਂ ਲੋਕੇਸ਼ਨਜ਼ ਉੱਤੇ ਵਿਜ਼ਿਟ ਦੌਰਾਨ ਕਸਟਮਰਜ਼ ਨੂੰ ਫੇਸ਼ੀਅਲ ਕਵਰਿੰਗਜ਼ ਪਾਉਣੀਆਂ ਲਾਜ਼ਮੀ ਹੋਣਗੀਆਂ|
ਇਹ ਨਿਯਮ 14 ਸਤੰਬਰ ਤੋਂ ਰਸਮੀ ਤੌਰ ਉੱਤੇ ਲਾਗੂ ਹੋ ਜਾਵੇਗਾ| ਮਈ ਵਿੱਚ ਸਟਾਰਬੱਕਸ ਕੈਨੇਡਾ ਨੇ ਐਲਾਨ ਕੀਤਾ ਸੀ ਕਿ ਉਨ੍ਹਾਂ ਵੱਲੋਂ ਬੜੇ ਸਤਿਕਾਰ ਸਹਿਤ ਆਪਣੇ ਕਸਟਮਰਜ਼ ਨੂੰ ਇਹ ਬੇਨਤੀ ਕੀਤੀ ਜਾਂਦੀ ਹੈ ਕਿ ਸਾਰੇ ਫੇਸ਼ੀਅਲ ਕਵਰਿੰਗ ਦੀ ਵਰਤੋਂ ਕਰਨ| ਉਸ ਸਮੇਂ ਦੌਰਾਨ ਇੰਪਲੌਈਜ਼ ਨੂੰ ਕੰਮ ਸਮੇਂ ਮਾਸਕ ਪਾਉਣੇ ਲਾਜ਼ਮੀ ਕੀਤੇ ਗਏ ਸਨ|
15 ਜੁਲਾਈ ਨੂੰ ਅਮਰੀਕਾ ਵਿਚਲੀਆਂ ਸਟਾਰਬੱਕਸ ਲੋਕੇਸ਼ਨਜ਼ ਵੱਲੋਂ ਇੰਪਲੌਈਜ਼ ਤੇ ਆਪਣੇ ਕਸਟਮਰਜ਼ ਲਈ ਫੇਸ਼ੀਅਲ ਕਵਰਿੰਗਜ਼ ਲਾਜ਼ਮੀ ਕੀਤੀਆਂ ਗਈਆਂ ਸਨ| ਉਸ ਸਮੇਂ ਕੰਪਨੀ ਨੇ ਆਖਿਆ ਸੀ ਕਿ ਉਹ ਹੈਲਥ ਤੇ ਸਰਕਾਰੀ ਅਧਿਕਾਰੀਆਂ ਦੀ ਮਦਦ ਲਈ ਤੇ ਕੋਵਿਡ-19 ਦੇ ਪਸਾਰ ਨੂੰ ਰੋਕਣ ਲਈ ਅਹਿਮ ਭੂਮਿਕਾ ਨਿਭਾਉਣ ਲਈ ਵਚਨਬੱਧ ਹਨ|