ਨਵੀਂ ਦਿੱਲੀ, 10 ਜੂਨ (ਪੋਸਟ ਬਿਊਰੋ): ਅੱਜ ਕਾਂਗਰਸ ਆਗੂ ਸੁਪ੍ਰੀਆ ਸ਼੍ਰੀਨੇਟ ਨੇ ਪ੍ਰੈੱਸ ਕਾਨਫਰੰਸ ਕੀਤੀ। ਸੁਪ੍ਰਿਆ ਨੇ ਕਿਹਾ- ਆਰਐੱਸਐੱਸ ਦੇ ਮੈਂਬਰ ਸ਼ਾਂਤਨੂ ਸਿਨਹਾ ਨਾਮ ਦੇ ਵਿਅਕਤੀ ਨੇ ਅਮਿਤ 'ਤੇ ਔਰਤਾਂ ਦਾ ਜਿਨਸੀ ਸ਼ੋਸ਼ਣ ਕਰਨ ਦਾ ਦੋਸ਼ ਲਗਾਇਆ ਹੈ। ਸ਼ਾਂਤਨੂ ਮੁਤਾਬਕ ਅਮਿਤ ਔਰਤਾਂ ਨੂੰ 5 ਤਾਰਾ ਹੋਟਲਾਂ 'ਚ ਲੈ ਜਾਂਦਾ ਹੈ ਅਤੇ ਉਨ੍ਹਾਂ ਦਾ ਸ਼ੋਸ਼ਣ ਕਰਦੇ ਹਨ।
ਇਨਾ ਹੀ ਨਹੀਂ ਅਮਿਤ ਨੇ ਬੰਗਾਲ 'ਚ ਭਾਜਪਾ ਦਫਤਰ 'ਚ ਔਰਤਾਂ ਦਾ ਯੌਨ ਸ਼ੋਸ਼ਣ ਵੀ ਕੀਤਾ। ਸ਼ਾਂਤਨੂ ਬੰਗਾਲ ਵਿੱਚ ਭਾਜਪਾ ਦੇ ਇੱਕ ਅਧਿਕਾਰੀ ਰਾਹੁਲ ਸਿਨਹਾ ਦਾ ਰਿਸ਼ਤੇਦਾਰ ਹੈ।
ਸੁਪ੍ਰੀਆ ਨੇ ਅੱਗੇ ਕਿਹਾ ਕਿ ਅਸੀਂ ਭਾਜਪਾ ਤੋਂ ਬੰਗਾਲ ਵਿੱਚ ਔਰਤਾਂ ਲਈ ਇਨਸਾਫ਼ ਦੀ ਮੰਗ ਕਰਦੇ ਹਾਂ, ਹਾਥਰਸ ਹੋਵੇ, ਲਖੀਮਪੁਰ, ਸਾਡੇ ਸਭ ਤੋਂ ਸਤਿਕਾਰਤ ਖਿਡਾਰੀ ਜਾਂ ਬਿਲਕਿਸ ਬਾਨੋ, ਪ੍ਰਧਾਨ ਮੰਤਰੀ ਨੇ ਲਗਾਤਾਰ ਅਪਰਾਧੀਆਂ ਨੂੰ ਸਿਆਸੀ ਸੁਰੱਖਿਆ ਦਿੱਤੀ ਹੈ।
ਹੁਣ ਸਮਾਂ ਆ ਗਿਆ ਹੈ ਕਿ ਤੁਸੀਂ ਔਰਤਾਂ ਦੇ ਨਾਲ ਖੜੇ੍ਹ ਹੋਵੋ। ਤੁਸੀਂ ਭਾਰਤ ਦੀਆਂ ਧੀਆਂ ਦੇ ਨਾਲ ਖੜੇ੍ਹ ਹੋ ਅਤੇ ਜਦੋਂ ਤੱਕ ਤੁਸੀਂ ਉਨ੍ਹਾਂ ਦੀ ਦੁਰਦਸ਼ਾ ਦਾ ਜਵਾਬ ਨਹੀਂ ਦਿੰਦੇ, ਤੁਹਾਨੂੰ ਸੱਤਾ ਵਿੱਚ ਰਹਿਣ ਦਾ ਕੋਈ ਅਧਿਕਾਰ ਨਹੀਂ ਹੈ।
ਇਸ ਤੋਂ ਬਾਅਦ ਅਮਿਤ ਮਾਲਵੀਆ ਨੇ ਸ਼ਾਂਤਨੂ ਸਿਨਹਾ ਨੂੰ 10 ਕਰੋੜ ਰੁਪਏ ਦਾ ਮਾਣਹਾਨੀ ਨੋਟਿਸ ਭੇਜਿਆ ਹੈ। ਮਾਲਵੀਆ ਨੇ ਸ਼ਾਂਤਨੂ ਨੂੰ ਬਿਨ੍ਹਾਂ ਸ਼ਰਤ ਮੁਆਫੀ ਮੰਗਣ ਅਤੇ ਸੋਸ਼ਲ ਮੀਡੀਆ 'ਤੇ ਉਸ ਬਾਰੇ ਲਿਖੀਆਂ ਪੋਸਟਾਂ ਨੂੰ ਹਟਾਉਣ ਲਈ ਵੀ ਕਿਹਾ ਹੈ।