Welcome to Canadian Punjabi Post
Follow us on

10

June 2023
ਬ੍ਰੈਕਿੰਗ ਖ਼ਬਰਾਂ :
ਪੀ.ਆਰ.ਟੀ.ਸੀ. ਡਰਾਈਵਰ ਮਨਜੀਤ ਸਿੰਘ ਦੇ ਪਰਿਵਾਰ ਨੂੰ ਮੁੱਖ ਮੰਤਰੀ ਨੇ ਦਿੱਤਾ ਚੈੱਕ, ਲਾਕਡਾਊਨ ਸਮੇਂ ਹਜ਼ੂਰ ਸਾਹਿਬ ਤੋਂ ਆਉਂਦੇ ਮਨਜੀਤ ਸਿੰਘ ਦੀ ਹੋਈ ਸੀ ਮੌਤਮੁੱਖ ਮੰਤਰੀ ਗਭਵੰਤ ਮਾਨ ਨੇ ਕਿਹਾ: ਸਰਕਾਰ ਗੋਇੰਦਵਾਲ ਥਰਮਲ ਪਲਾਂਟ ਖਰੀਦਣ ਦੀ ਤਿਆਰੀ ਵਿਚ ਪੰਜਾਬ ਰਾਜ ਤਕਨੀਕੀ ਸਿੱਖਿਆ ਅਤੇ ਉਦਯੋਗਿਕ ਸਿਖਲਾਈ ਬੋਰਡ ਨੇ ਪ੍ਰੀਖਿਆ ਸੁਧਾਰਾਂ ਨੂੰ ਕੀਤਾ ਲਾਗੂਗੈਂਗਸਟਰ ਦਿਲਪ੍ਰੀਤ ਸਿੰਘ ਬਾਬਾ ਦੇ ਸਾਥੀ ਦਵਿੰਦਰ ਸਿੰਘ ਤੋਂ ਰੂਪਨਗਰ ਪੁਲਿਸ ਨੇ 4 ਪਿਸਤੌਲਾਂ ਕੀਤੀਆਂ ਬਰਾਮਦਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਲੁਧਿਆਣਾ ਨੇੜੇ ਅਤਿ ਸੁਰੱਖਿਅਤ ਡਿਜ਼ੀਟਲ ਜੇਲ੍ਹ ਬਣਾਉਣ ਦਾ ਐਲਾਨਪਟਿਆਲਾ ਵਿੱਚ ਬਾਲ ਮਜ਼ਦੂਰੀ ਖਿਲਾਫ ਸਫਲ ਛਾਪੇਮਾਰੀਆਬਕਾਰੀ ਵਿਭਾਗ ਵੱਲੋਂ ਵਿਆਪਕ ਤਲਾਸ਼ੀ ਮੁਹਿੰਮ ਦੌਰਾਨ 17000 ਕਿਲੋ ਲਾਹਣ, 320 ਲੀਟਰ ਨਾਜਾਇਜ਼ ਸ਼ਰਾਬ ਬਰਾਮਦਵਿਜੀਲੈਂਸ ਬਿਊਰੋ ਵੱਲੋਂ ਸਹਾਇਕ ਸਬ ਇੰਸਪੈਕਟਰ 35,000 ਰੁਪਏ ਰਿਸ਼ਵਤ ਲੈਂਦਾ ਕਾਬੂ
 
ਅੰਤਰਰਾਸ਼ਟਰੀ

ਜ਼ੈਲੈਂਸਕੀ ਨਾਲ ਮੁਲਾਕਾਤ ਸਮੇਂ ਟਰੂਡੋ ਨੇ ਯੂਕਰੇਨ ਦੀ ਮਦਦ ਕਰਦੇ ਰਹਿਣ ਦਾ ਦੁਹਰਾਇਆ ਤਹੱਈਆ

May 21, 2023 11:38 PM

ਹਿਰੋਸਿ਼ਮਾ, ਜਾਪਾਨ, 21 ਮਈ (ਪੋਸਟ ਬਿਊਰੋ) : ਜੀ-7 ਆਗੂਆਂ ਦੀ ਹਿਰੋਸਿ਼ਮਾ, ਜਾਪਾਨ ਵਿੱਚ ਕਰਵਾਈ ਗਈ ਸਿਖਰ ਵਾਰਤਾ ਦੇ ਆਖਰੀ ਦਿਨ ਪ੍ਰਧਾਨ ਮੰ਼ਤਰੀ ਜਸਟਿਨ ਟਰੂਡੋ ਨੇ ਰੂਸ ਉੱਤੇ ਜੰਮ ਕੇ ਨਜ਼ਲਾ ਝਾੜਿਆ। ਇਸ ਸਿਖਰ ਵਾਰਤਾ ਦੌਰਾਨ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੈਲੈਂਸਕੀ ਵੀ ਪਹੁੰਚੇ ਤੇ ਉਨ੍ਹਾਂ ਆਪਣੇ ਦੇਸ਼ ਨੂੰ ਹੋਰ ਸਮਰਥਨ ਮਿਲਣ ਦੀ ਆਸ ਪ੍ਰਗਟਾਈ।
ਐਤਵਾਰ ਨੂੰ ਹਿਰੋਸਿ਼ਮਾ, ਜਾਪਾਨ ਵਿੱਚ ਟਰੂਡੋ ਨੇ ਆਖਿਆ ਕਿ ਰੂਸ ਵੱਲੋਂ ਕੀਤੀ ਗਈ ਚੜ੍ਹਾਈ ਦੌਰਾਨ ਪੈਰ ਜਮਾਈ ਰੱਖਣ ਲਈ ਯੂਕਰੇਨ ਨੂੰ ਹੋਰਨਾਂ ਭਾਈਵਾਲ ਦੇਸ਼ਾਂ ਦੇ ਸਮਰਥਨ ਦੀ ਕਾਫੀ ਲੋੜ ਹੈ।ਉਨ੍ਹਾਂ ਅੱਗੇ ਆਖਿਆ ਕਿ ਜਿਹੜੇ ਲੋਕ ਜੰਗਬੰਦੀ ਲਈ ਜ਼ੋਰ ਲਾ ਰਹੇ ਹਨ ਉਹ ਇਹ ਵੀ ਚੇਤੇ ਰੱਖਣ ਕਿ ਇਹ ਸੱਭ ਕੁੱਝ ਰੂਸ ਦਾ ਕੀਤਾ ਕਰਾਇਆ ਹੈ। ਐਨੀ ਵੱਡੀ ਜੰਗ ਲਈ ਸਿਰਫ ਤੇ ਸਿਰਫ ਰੂਸ ਹੀ ਜਿੰ਼ਮੇਵਾਰ ਹੈ। ਜੀ-7 ਸਿਖਰ ਵਾਰਤਾ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਟਰੂਡੋ ਨੇ ਨਿਊਜ਼ ਕਾਨਫਰੰਸ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਆਖਿਆ ਕਿ ਜੇ ਅਸੀਂ ਸਾਰੇ ਦੇਸ਼ ਰਲ ਕੇ ਫੌਜੀ ਮਦਦ ਮੁਹੱਈਆ ਨਾ ਕਰਵਾਉਂਦੇ ਤਾਂ ਯੂਕਰੇਨ ਦਾ ਇਸ ਤਰ੍ਹਾਂ ਸਿਰੜ ਨਾਲ ਰੂਸ ਦਾ ਟਾਕਰਾ ਕਰਦੇ ਰਹਿਣਾ ਸੰਭਵ ਨਹੀਂ ਸੀ। ਟਰੂਡੋ ਨੇ ਇਹ ਵੀ ਆਖਿਆ ਕਿ ਅਸੀਂ ਇਹ ਯਕੀਨੀ ਬਣਾਉਣ ਵਿੱਚ ਵੀ ਕੋਈ ਕਸਰ ਨਹੀਂ ਛੱਡਾਂਗੇ ਕਿ ਰੂਸ ਅੱਗੇ ਤੋਂ ਅਜਿਹਾ ਕਦਮ ਚੁੱਕਣ ਦਾ ਹੀਆ ਨਾ ਕਰ ਸਕੇ।
ਸ਼ਨਿੱਚਰਵਾਰ ਨੂੰ ਜ਼ੈਲੈਂਸਕੀ ਉਸ ਸਮੇਂ ਹਿਰੋਸਿ਼ਮਾ ਪਹੁੰਚੇ ਜਦੋਂ ਜੀ-7 ਮੁਲਕਾਂ ਵੱਲੋਂ ਰੂਸ ਖਿਲਾਫ ਨਵੀਆਂ ਪਾਬੰਦੀਆਂ ਦਾ ਐਲਾਨ ਕੀਤਾ ਗਿਆ ਤੇ ਸਿਖਰ ਵਾਰਤਾ ਵਿੱਚ ਗਲੋਬਲ ਸਾਊਥ ਤੋਂ ਭਾਈਵਾਲ ਮੁਲਕਾਂ ਦੇ ਆਗੂਆਂ ਨੂੰ ਸਿਖਰ ਵਾਰਤਾ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਗਿਆ।ਤਿੰਨ ਰੋਜ਼ਾ ਸਿਖਰ ਵਾਰਤਾ ਦੌਰਾਨ ਅਮਰੀਕਾ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਉਹ ਆਪਣੇ ਪੱਛਮੀ ਭਾਈਵਾਲਾਂ ਨੂੰ ਅਮਰੀਕਾ ਵਿੱਚ ਤਿਆਰ ਫਾਈਟਰ ਜਹਾਜ਼ਾਂ ਨੂੰ ਯੂਕਰੇਨ ਦੀ ਮਦਦ ਲਈ ਭੇਜਣ ਦੀ ਖੁੱਲ੍ਹ ਦੇਵੇਗਾ।
ਇਹ ਪੁੱਛੇ ਜਾਣ ਉੱਤੇ ਕਿ ਕੈਨੇਡਾ ਇਸ ਸੱਭ ਕਾਸੇ ਵਿੱਚ ਕਿਸ ਤਰ੍ਹਾਂ ਮਦਦ ਕਰੇਗਾ ਤਾਂ ਟਰੂਡੋ ਨੇ ਆਖਿਆ ਕਿ ਕੈਨੇਡਾ ਵੱਲੋਂ ਪਾਇਲਟਾਂ ਨੂੰ ਟਰੇਨਿੰਗ ਦੇ ਕੇ ਮਦਦ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਆਖਿਆ ਕਿ ਅਸੀਂ ਵੱਖ ਵੱਖ ਢੰਗ ਨਾਲ ਯੂਕਰੇਨ ਦੀ ਕੀਤੀ ਜਾ ਰਹੀ ਮਦਦ ਦੇ ਕਿਸੇ ਵੀ ਤਰ੍ਹਾਂ ਖਿਲਾਫ ਨਹੀਂ ਹਾਂ। ਐਤਵਾਰ ਸਵੇਰੇ ਟਰੂਡੋ ਨੇ ਜ਼ੈਲੈਂਸਕੀ ਨਾਲ ਵੀ ਮੁਲਾਕਾਤ ਕੀਤੀ। ਉਨ੍ਹਾਂ ਆਖਿਆ ਕਿ ਹਿਰੋਸਿ਼ਮਾ ਵਿੱਚ ਜ਼ੈਲੈਂਸਕੀ ਦੀ ਮੌਜੂਦਗੀ ਨਾਲ ਸਾਰੇ ਮੁਲਕਾਂ ਉੱਤੇ ਕਾਫੀ ਪ੍ਰਭਾਵ ਪਿਆ ਹੈ।
ਜੀ-7 ਮੁਲਕਾਂ ਵਿੱਚ ਕੁੱਝ ਉੱਭਰ ਰਹੇ ਅਰਥਚਾਰਿਆਂ ਜਿਵੇਂ ਕਿ ਭਾਰਤ, ਬ੍ਰਾਜ਼ੀਲ ਤੇ ਇੰਡੋਨੇਸ਼ੀਆ ਦੇ ਨੁਮਾਇੰਦਿਆਂ ਨੇ ਖੁੱਲ੍ਹ ਕੇ ਰੂਸ ਦੀ ਨੁਕਤਾਚੀਨੀ ਕਰਨ ਤੋਂ ਟਾਲਾ ਵੱਟੀ ਰੱਖਿਆ। ਇੱਥੇ ਦੱਸਣਾ ਬਣਦਾ ਹੈ ਕਿ ਇਨ੍ਹਾਂ ਵਿੱਚੋਂ ਕੁੱਝ ਦੇਸ਼ ਆਰਥਿਕ ਪੱਖੋਂ ਰੂਸ ਉੱਤੇ ਨਿਰਭਰ ਕਰਦੇ ਹਨ ਤੇ ਉਸ ਦੀਆਂ ਗਤੀਵਿਧੀਆਂ ਦੀ ਨਿਖੇਧੀ ਕਰਨ ਤੋਂ ਗੁਰੇਜ਼ ਕਰਦੇ ਹਨ।

 

 

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਅਫਗਾਨਿਸਤਾਨ 'ਚ ਡਿਪਟੀ ਗਵਰਨਰ ਦੀ ਮੌਤ ਦੇ ਸ਼ੋਕ ਪ੍ਰੋਗਰਾਮ ਦੌਰਾਨ ਹੋਇਆ ਬੰਬ ਧਮਾਕਾ, 11 ਦੀ ਮੌਤ ਫਰਾਂਸ 'ਚ ਵਿਅਕਤੀ ਵਲੋਂ ਚਾਕੂ ਨਾਲ ਬੱਚਿਆਂ ਉਤੇ ਹਮਲਾ, 8 ਬੱਚੇ ਜ਼ਖਮੀ ਕੈਨੇਡਾ ਦੇ ਜੰਗਲਾਂ 'ਚ ਲੱਗੀ ਅੱਗ ਕਾਰਣ ਅਮਰੀਕਾ ਵਿਚ ਛਾਇਆ ਧੂੰਆਂ ਟੀਟੀਪੀ ਅੱਤਵਾਦੀਆਂ ਵਲੋਂ ਖੈਬਰ ਪਖਤੂਨਖਵਾ ਵਿੱਚ ਸੁਰੱਖਿਆ ਬਲਾਂ 'ਤੇ ਹਮਲਾ, ਤਿੰਨ ਦੀ ਮੌਤ ਈਰਾਨ ਨੇ ਬਣਾਈ ਆਵਾਜ਼ ਦੀ ਰਫ਼ਤਾਰ ਤੋਂ 15 ਗੁਣਾ ਤੇਜ਼ ਚੱਲਣ ਵਾਲੀ ਹਾਈਪਰਸੋਨਿਕ ਮਿਜ਼ਾਈਲ ਅਮਰੀਕਾ 'ਚ ਫਿਰ ਹੋਈ ਗੋਲੀਬਾਰੀ, ਕਾਮਨਵੈਲਥ ਯੂਨੀਵਰਸਿਟੀ ਨੇੜੇ ਤੇਜ਼ ਫਾਇਰਿੰਗ 'ਚ ਕਈ ਗੰਭੀਰ ਜਖਮੀ ਤੋਸ਼ਾਖਾਨਾ ਮਾਮਲੇ 'ਚ ਇਮਰਾਨ ਤੇ ਬੁਸ਼ਰਾ ਖਿਲਾਫ ਇਕ ਹੋਰ ਮਾਮਲਾ ਦਰਜ ਬੰਗਲਾਦੇਸ਼ 'ਚ ਟਰੱਕ-ਵੈਨ ਦੀ ਟੱਕਰ 'ਚ 15 ਲੋਕਾਂ ਦੀ ਹੋਈ ਮੌਤ ਹੈਤੀ ਵਿੱਚ ਭਿਆਨਕ ਹੜ੍ਹਾਂ ਕਾਰਨ 42 ਲੋਕਾਂ ਦੀ ਮੌਤ, ਹਜ਼ਾਰਾਂ ਹੋਏ ਬੇਘਰ ਅਦਾਲਤ ਵਲੋਂ ਕਤਲ ਕੇਸ ਵਿੱਚ ਇਮਰਾਨ ਖਾਨ ਦੀ ਅਗਾਊਂ ਜ਼ਮਾਨਤ ਮਨਜ਼ੂਰ