ਬਠਿੰਡਾ, 18 ਅਪ੍ਰੈਲ (ਪੋਸਟ ਬਿਊਰੋ)- ਪਰਸੋਂ ਸਵੇਰੇ ਕਰੀਬ ਪੰਜ ਵਜੇ ਹਨੂਮਾਨ ਚੌਕ ਵਿਚਲੇ ਹੋਟਲ ਵਿੱਚ 42 ਲੱਖ ਰੁਪਏ ਦੀ ਲੁੱਟ ਦਾ ਮਾਮਲਾ ਬਠਿੰਡਾ ਪੁਲਸ ਨੇ ਕੁਝ ਘੰਟਿਆਂ ਵਿੱਚ ਟ੍ਰੇਸ ਕਰ ਲਿਆ ਹੈ। ਲੁੱਟ ਦਾ ਮੁੱਖ ਦੋਸ਼ੀ ਹੋਰ ਨਹੀਂ, ਜੈਪੁਰ ਤੋਂ ਦੋ ਵਿਅਕਤੀਆਂ ਨੂੰ ਕੈਨੇਡਾ ਭੇਜਣ ਵਾਲੇ ਏਜੰਟ ਜਗਦੀਸ਼ ਲੱਕੀ ਤੇ ਨਿਸ਼ਾਨ ਸਿੰਘ ਨਿਕਲੇ। ਫਿਲਮੀ ਸਟਾਈਲ ਵਿੱਚ ਹੋਈ ਇਸ ਲੁੱਟ ਵਿੱਚ ਪੁਲਸ ਨਕਲੀ ਨਹੀਂ, ਅਸਲੀ ਸੀ। ਅੰਮ੍ਰਿਤਸਰ ਵਿੱਚ ਤੈਨਾਤ ਏ ਐਸ ਆਈ ਨੇ ਆਪਣੇ ਬੇਟੇ ਨੂੰ ਪੁਲਸ ਦੀ ਵਰਦੀ ਪਾ ਕੇ ਗੈਂਗ ਦੇ ਬਾਕੀ ਮੈਂਬਰਾਂ ਨਾਲ ਮਿਲ ਕੇ ਲੁੱਟ ਕੀਤੀ ਸੀ। ਬਠਿੰਡਾ ਪੁਲਸ ਦੀ ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਤਾਂਇਸ ਦੇ ਅੱਧੇ ਦੋਸ਼ੀਆਂ ਦੀ ਪਛਾਣ ਹੋ ਗਈ ਹੈ।
ਵਰਨਣ ਯੋਗ ਹੈ ਕਿ ਏਜੰਟ ਨਿਸ਼ਾਨ ਸਿੰਘ ਹੋਟਲ ਵਿੱਚ ਠਹਿਰੇ ਦੋ ਦੋਸਤਾਂ ਗੁਰਪ੍ਰੀਤ ਸਿੰਘ ਤੇ ਵਰਿੰਦਰ ਸਿੰਘ ਦੇ ਨਾਲ ਵਾਲੇ ਕਮਰੇ ਵਿੱਚ ਠਹਿਰਿਆ ਸੀ। ਏਜੰਟੀ ਲੱਕੀ ਨੇ ਗੁਰਪ੍ਰੀਤ ਸਿੰਘ ਅਤੇ ਵਰਿੰਦਰ ਸਿੰਘ ਦੇ ਦੋਸਤ ਸ਼ਵਿੰਦਰਪ੍ਰੀਤ ਤੇ ਦੀਪਕ ਸ਼ਰਮਾ ਨੂੰ ਜੈਪੁਰ ਤੋਂ ਕੈਨੇਡਾ ਭੇਜਣ ਲਈ 42 ਲੱਖ ਰੁਪਏ ਲੈਣੇ ਸਨ। ਤੈਅ ਸੀ ਕਿ ਸ਼ਵਿੰਦਰਪ੍ਰੀਤ ਤੇ ਦੀਪਕ ਸ਼ਰਮਾ ਦੇ ਕੈਨੇਡਾ ਪਹੁੰਚਣ ਦੇ ਬਾਅਦ ਹੋਟਲ ਵਿੱਚ ਠਹਿਰੇ ਗੁਰਪ੍ਰੀਤ ਤੇ ਵਰਿੰਦਰ 42 ਲੱਖ ਰੁਪਏ ਨਿਸ਼ਾਨ ਸਿੰਘ ਨੂੰ ਦੇ ਦੇਣਗੇ, ਪਰ ਇਸ ਤੋਂ ਪਹਿਲਾਂ ਏਜੰਟ ਲੱਕੀ ਤੇ ਏਜੰਟ ਨਿਸ਼ਾਨ ਸਿੰਘ ਨੇ ਇਹ ਲੁੱਟ ਦੀ ਵਾਰਦਾਤ ਕਰ ਦਿੱਤੀ। ਲੱਕੀ ਦੇ ਪ੍ਰੋਗਰਾਮ ਅਨੁਸਾਰ ਦੋਵੇਂ ਦੋਸਤ ਬਠਿੰਡਾ ਦੇ ਹੋਟਲ ਪਹੁੰਚੇ ਤੇ ਲੱਕੀ ਉਨ੍ਹਾਂ ਦੇ ਦੋਸਤਾਂ ਸ਼ਵਿੰਦਰਪ੍ਰੀਤ ਤੇ ਦੀਪਕ ਨੂੰ ਲੈ ਕੇ ਜੈਪੁਰ ਚਲਾ ਗਿਆ, ਕਿਉਂਕਿ ਉਥੋਂ ਕੈਨੇਡਾ ਦੀ ਫਲਾਈਟ ਸੀ। ਲੱਕੀ ਦਾ ਭੇਜਿਆ ਏਜੰਟ ਨਿਸ਼ਾਨ ਉਨ੍ਹਾਂ ਨੂੰ ਬਠਿੰਡਾ ਵਿੱਚ ਮਿਲ ਗਿਆ, ਜੋ ਉਨ੍ਹਾਂ ਦੇ ਕਮਰੇ ਦੇ ਨਾਲ ਵਾਲੇ ਕਮਰੇ ਵਿੱਚ ਠਹਿਰਿਆ। 15 ਅਪ੍ਰੈਲ ਦੀ ਰਾਤ ਨਿਸ਼ਾਨ ਉਨ੍ਹਾਂ ਦੇ ਕਮਰੇ ਵਿੱਚ ਆਇਆ ਤੇ ਰੁਪਏ ਚੈਕ ਕਰਨ ਪਿੱਛੋਂ ਆਪਣੇ ਕਮਰੇ ਵਿੱਚ ਚਲਾ ਗਿਆ। ਸਵੇਰੇ ਪੰਜ ਵਜੇ ਦਰਵਾਜ਼ਾ ਖੜਕਾਉਣ ਉੱਤੇ ਨਿਸ਼ਾਨ ਦੀ ਆਵਾਜ਼ ਸੁਣ ਕੇ ਦਰਵਾਜ਼ਾ ਖੋਲ੍ਹਿਆ ਤਾਂ ਸਾਹਮਣੇ ਦੋ ਜਣੇ ਪੁਲਸ ਵਰਦੀ ਵਿੱਚ ਖੜੇ ਸਨ। ਇੱਕ ਪੁਲਸ ਮੁਲਾਜ਼ਮ ਨੇ ਕਿਹਾ ਕਿ ਤੁਸੀਂ ਲੋਕ ਚਿੱਟਾ ਵੇਚਦੇ ਹੋ ਅਤੇ ਤੁਹਾਡੇ ਕੋਲ ਡਰੱਗ ਮਨੀ ਹੈ। ਉਕਤ ਲੋਕਾਂ