ਬਰੈਂਪਟਨ, 23 ਜਨਵਰੀ (ਪੋਸਟ ਬਿਊਰੋ) : ਸੋਮਵਾਰ ਸਵੇਰੇ ਬਰੈਂਪਟਨ ਵਿੱਚ ਡੰਪ ਟਰੱਕ ਦੇ ਹਾਈਡਰੋ ਤਾਰਾਂ (ਬਿਜਲੀ ਦੀਆਂ ਤਾਰਾਂ) ਨਾਲ ਉਲਝ ਜਾਣ ਕਾਰਨ ਕਈ ਘਰਾਂ ਤੇ ਕਾਰੋਬਾਰੀ ਅਦਾਰਿਆਂ ਦੀ ਬਿਜਲੀ ਗੁੱਲ ਹੋ ਗਈ।
ਇਹ ਘਟਨਾ ਸਵੇਰੇ 6:30 ਵਜੇ ਹਾਈਵੇਅ 410 ਤੇ ਰੁਦਰਫੋਰਡ ਰੋਡ ਦਰਮਿਆਨ ਕਲਾਰਕ ਬੁਲੇਵਾਰਡ ਉੱਤੇ ਵਾਪਰੀ। ਪੀਲ ਪੁਲਿਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਹ ਡੰਪ ਟਰੱਕ ਜਦੋਂ ਇਸ ਰਸਤੇ ਤੋਂ ਲੰਘ ਰਿਹਾ ਸੀ ਤਾਂ ਉਸ ਦਾ ਪਿਛਲਾ ਹਿੱਸਾ ਉੱਪਰ ਚੁੱਕਿਆ ਹੋਇਆ ਸੀ ਜਿਸ ਕਾਰਨ ਬਿਜਲੀ ਦੀਆਂ ਤਾਰਾਂ ਉਸ ਵਿੱਚ ਉਲਝ ਕੇ ਟੁੱਟ ਗਈਆਂ।
ਇਸ ਘਟਨਾ ਵਿੱਚ ਸ਼ਾਮਲ ਟਰੱਕ ਮੌਕੇ ਉੱਤੇ ਹੀ ਮੌਜੂਦ ਰਿਹਾ ਤੇ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਕੋਈ ਖਬਰ ਨਹੀਂ ਹੈ।