ਅਮਰੀਕਾ, 30 ਨਵੰਬਰ (ਪੋਸਟ ਬਿਊਰੋ)- ਅਮਰੀਕਾ 'ਚ ਇਕ ਫਲਾਈਟ ਦੀ ਐਮਰਜੈਂਸੀ ਲੈਂਡਿੰਗ ਤੋਂ ਬਾਅਦ ਇਕ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਇਸ ਔਰਤ ਨੇ 37 ਹਜਾਰ ਫੁੱਟ ਦੀ ਉਚਾਈ 'ਤੇ ਉੱਡਦੇ ਜਹਾਜ਼ ਦਾ ਦਰਵਾਜ਼ਾ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ। ਯੂਐਸ ਡਿਸਟ੍ਰਿਕਟ ਕੋਰਟ ਦੁਆਰਾ ਜਾਰੀ ਕੀਤੇ ਗਏ ਦਸਤਾਵੇਜ਼ਾਂ ਤੋਂ ਪਤਾ ਚੱਲਦਾ ਹੈ ਕਿ 34 ਸਾਲਾ ਇਲੋਮ ਐਗਬੇਡਨੀਨੋ ਨੇ ਦਾਅਵਾ ਕੀਤਾ ਕਿ ਉਸਨੇ ਅਜਿਹਾ ਇਸ ਲਈ ਕੀਤਾ ਕਿਉਂਕਿ "ਯਿਸੂ ਮਸੀਹ ਨੇ ਉਸਨੂੰ ਹਵਾਈ ਜਹਾਜ਼ ਦਾ ਦਰਵਾਜ਼ਾ ਖੋਲ੍ਹਣ ਦਾ ਹੁਕਮ ਦਿੱਤਾ ਸੀ"ਜਹਾਜ ਮੱਧ-ਉਡਾਣ ਵਿਚ ਸੀ। ਇਹ ਘਟਨਾ ਸ਼ਨੀਵਾਰ ਨੂੰ ਹਿਊਸਟਨ, ਟੈਕਸਾਸ ਤੋਂ ਕੋਲੰਬਸ, ਉਹੀਉ ਜਾਣ ਵਾਲੀ ਸਾਊਥਵੈਸਟ ਫਲਾਈਟ 192 'ਤੇ ਵਾਪਰੀ।
ਇਲੋਮ ਨੇ ਫਲਾਈਟ ਦਾ ਦਰਵਾਜ਼ਾ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ ਜਦੋਂ ਉਹ ਕਥਿਤ ਤੌਰ 'ਤੇ ਪ੍ਰੇਸ਼ਾਨ ਸੀ ਕਿ ਫਲਾਈਟ ਦੇ ਅਮਲੇ ਨੇ ਉਸ ਨੂੰ ਐਮਰਜੈਂਸੀ ਐਗਜ਼ਿਟ ਤੱਕ ਪਹੁੰਚਣ ਤੋਂ ਰੋਕਿਆ।
ਇਕ ਹੈਰਾਨ ਹੋਏ ਸਾਥੀ ਯਾਤਰੀ ਨੇ ਦਖਲ ਦਿੱਤਾ ਅਤੇ ਇਲੋਮ ਨੂੰ ਰੋਕਿਆ ਪਰ ਇਲੋਮ ਨੇ ਉਸ ਨੂੰ ਪੱਟ 'ਤੇ ਕੱਟ ਲਿਆ। ਅਦਾਲਤੀ ਦਸਤਾਵੇਜ਼ਾਂ ਦੇ ਅਨੁਸਾਰ, ਔਰਤ ਫਿਰ ਜਹਾਜ਼ ਦੇ ਪਿਛਲੇ ਪਾਸੇ ਚਲੀ ਗਈ ਜਿੱਥੇ ਉਹ ਬਾਹਰ ਜਾਣ ਦੇ ਦਰਵਾਜ਼ੇ 'ਤੇ "ਘੁੰਮ ਰਹੀ ਸੀ"। ਇੱਕ ਫਲਾਈਟ ਅਟੈਂਡੈਂਟ ਉਸ ਕੋਲ ਆਇਆ ਅਤੇ ਉਸ ਨੂੰ ਜਾਂ ਤਾਂ ਬਾਥਰੂਮ ਵਰਤਣ ਜਾਂ ਬੈਠਣ ਲਈ ਕਿਹਾ। ਇਕ ਹੋਰ ਫਲਾਈਟ ਅਟੈਂਡੈਂਟ ਨੇ ਦੱਸਿਆ ਕਿ ਇਲੋਮ ਨੇ ਐਗਜ਼ਿਟ ਦਰਵਾਜ਼ੇ ਦਾ ਹੈਂਡਲ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ।
ਅਦਾਲਤ ਦੇ ਦਸਤਾਵੇਜ਼ਾਂ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ "ਉਸ ਔਰਤ ਨੇ ਫਿਰ ਜਹਾਜ਼ ਦੇ ਫਰਸ਼ 'ਤੇ ਆਪਣਾ ਸਿਰ ਮਾਰਨਾ ਸ਼ੁਰੂ ਕਰ ਦਿੱਤਾ ਅਤੇ ਬਾਅਦ ਵਿੱਚ ਕਿਹਾ ਕਿ ਯਿਸੂ ਨੇ ਉਸਨੂੰ ਉਹੀਉ ਜਾਣ ਅਤੇ ਜਹਾਜ਼ ਦਾ ਦਰਵਾਜ਼ਾ ਖੋਲ੍ਹਣ ਲਈ ਕਿਹਾ ਸੀ।" ਇਸ ਘਟਨਾ ਕਾਰਨ ਪਾਇਲਟ ਨੂੰ ਜਹਾਜ਼ ਦੀ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ ਅਤੇ ਲਿਟਲ ਰੌਕ ਸਥਿਤ ਬਿਲ ਅਤੇ ਹਿਲੇਰੀ ਕਲੰਿਟਨ ਹਵਾਈ ਅੱਡੇ 'ਤੇ ਐਮਰਜੈਂਸੀ ਲੈਂਡਿੰਗ ਕੀਤੀ ਗਈ।