ਮਿਸਰ, 21 ਨਵੰਬਰ (ਪੋਸਟ ਬਿਊਰੋ)- ਮਿਸਰ 'ਚ ਲਾਲ ਸਾਗਰ ਤੱਟ 'ਤੇ ਬੱਸ-ਟਰੱਕ ਹਾਦਸੇ 'ਚ 12 ਲੋਕਾਂ ਦੀ ਮੌਤ ਹੋ ਗਈ ਅਤੇ 30 ਹੋਰ ਜ਼ਖਮੀ ਹੋ ਗਏ। ਰਿਪੋਰਟਾਂ ਮੁਤਾਬਕ ਲਾਲ ਸਾਗਰ ਸੂਬੇ ਦੇ ਰਾਸ ਘਰੇਬ ਅਤੇ ਜਾਫਰਾਨਾ ਸ਼ਹਿਰ ਵਿਚਕਾਰ ਬੱਸ ਅਤੇ ਟਰੱਕ ਦੀ ਇਹ ਟੱਕਰ ਹੋਈ।
ਮਿਸਰ ਦੀ ਸਰਕਾਰ ਦੁਆਰਾ ਸੜਕ ਨੈਟਵਰਕ ਨੂੰ ਬਿਹਤਰ ਬਣਾਉਣ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ, ਆਵਾਜਾਈ ਪ੍ਰਣਾਲੀ ਅਜੇ ਵੀ ਬਹੁਤ ਮਾੜੀ ਹੈ। ਸਰਕਾਰੀ ਅੰਕੜਾ ਏਜੰਸੀ ਕੈਪਮਾਸ ਦੇ ਅਨੁਸਾਰ, ਸਾਲ 2021 ਵਿੱਚ ਮਿਸਰ ਵਿੱਚ ਸੜਕ ਹਾਦਸਿਆਂ ਵਿੱਚ 51,511 ਲੋਕਾਂ ਦੀ ਜਾਨ ਚਲੀ ਗਈ।
ਸਥਾਨਕ ਅਖਬਾਰ ਅਨੁਸਾਰ, ਇਹ ਹਾਦਸਾ ਲਾਲ ਸਾਗਰ ਖੇਤਰ ਵਿੱਚ ਰਾਸ ਘਰੇਬ ਤੋਂ 40 ਕਿਲੋਮੀਟਰ ਉੱਤਰ ਵਿੱਚ ਇਕ ਬੱਸ ਦੇ ਇੱਕ ਭਾਰੀ ਟਰਾਂਸਪੋਰਟ ਟਰੱਕ ਨਾਲ ਟਕਰਾਉਣ ਤੋਂ ਬਾਅਦ ਵਾਪਰਿਆ।