ਓਨਟਾਰੀਓ, 15 ਨਵੰਬਰ (ਪੋਸਟ ਬਿਊਰੋ) : ਓਨਟਾਰੀਓ ਡਿਸਐਬਿਲਿਟੀ ਸਪੋਰਟ ਪ੍ਰੋਗਰਾਮ (ਓਡੀਐਸਪੀ) ਨਾਲ ਜੁੜੇ ਵਿਅਕਤੀਆਂ ਲਈ ਪ੍ਰੋਵਿੰਸ ਵੱਲੋਂ ਰਕਮ ਵਿੱਚ ਵਾਧਾ ਕੀਤਾ ਗਿਆ ਹੈ। ਪਰ ਜਿਹੜੇ ਵਰਕਫੋਰਸ ਵਿੱਚ ਦਾਖਲ ਨਹੀਂ ਹੋ ਸਕਦੇ ਉਨ੍ਹਾਂ ਲਈ ਫੰਡਿੰਗ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ ਹੈ।
ਇਸ ਸਬੰਧੀ ਐਲਾਨ ਸੋਮਵਾਰ ਨੂੰ ਪ੍ਰੋਵਿੰਸ ਵੱਲੋਂ ਜਾਰੀ ਕੀਤੇ ਗਏ ਆਪਣੇ ਆਰਥਿਕ ਬਿਆਨ ਵਿੱਚ ਕੀਤਾ ਗਿਆ। ਇਸ ਦਸਤਾਵੇਜ਼ ਵਿੱਚ ਸਰਕਾਰ ਨੇ ਆਖਿਆ ਕਿ ਓਡੀਐਸਪੀ ਨਾਲ ਜੁੜਿਆ ਵਿਅਕਤੀ ਮਹੀਨੇ ਵਿੱਚ ਜਿੰਨੀ ਰਕਮ ਕਮਾ ਸਕਦਾ ਹੈ ਉਸ ਦੇ 200 ਡਾਲਰ ਘਟਾ ਕੇ 1000 ਡਾਲਰ ਕਰਨ ਤੋਂ ਪਹਿਲਾਂ ਨਾਲੋਂ ਉਹ ਉਸ ਨਾਲੋਂ ਇਹ ਰਕਮ ਵਧਾਉਣ ਜਾ ਰਹੇ ਹਨ। ਇਸ ਤੋਂ ਬਾਅਦ ਓਡੀਐਸਪੀ ਜਿਹੜਾ ਇੱਕ ਵੀ ਡਾਲਰ ਹਾਸਲ ਕਰੇਗਾ, ਉਨ੍ਹਾਂ ਦੇ ਬੈਨੇਫਿਟਸ 25 ਸੈਂਟ ਦੇ ਹਿਸਾਬ ਨਾਲ ਘਟਦੇ ਜਾਣਗੇ।
ਇਸ ਤਬਦੀਲੀ ਤੋਂ ਪਹਿਲਾਂ 200 ਡਾਲਰ ਤੋਂ ਬਾਅਦ ਹਰੇਕ ਹਾਸਲ ਕੀਤੇ ਜਾਣ ਵਾਲੇ ਡਾਲਰ ਉੱਤੇ ਪੇਅਮੈਂਟਸ 50 ਸੈਂਟ ਤੱਕ ਘਟ ਜਾਵੇਗੀ।ਇਕਨੌਮਿਕ ਸਟੇਟਮੈਂਟ ਵਿੱਚ ਆਖਿਆ ਗਿਆ ਕਿ ਇਨ੍ਹਾਂ ਤਬਦੀਲੀਆਂ ਨਾਲ ਵਰਕਫੋਰਸ ਵਿੱਚ ਇਸ ਸਮੇਂ ਮੌਜੂਦ 25,000 ਵਿਅਕਤੀਆਂ ਨੂੰ ਆਪਣੀ ਕਮਾਈ ਸਹੇਜ ਕੇ ਰੱਖਣ ਦੀ ਖੁੱਲ੍ਹ ਮਿਲੇਗੀ ਤੇ 25000 ਹੋਰਨਾਂ ਨੂੰ ਵਰਕਫੋਰਸ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲ ਸਕੇਗਾ। ਇਨ੍ਹਾਂ ਅੰਕੜਿਆਂ ਦੇ ਆਧਾਰ ਉੱਤੇ ਇਨ੍ਹਾਂ ਨਵੀਆਂ ਤਬਦੀਲੀਆਂ ਨਾਲ ਓਡੀਐਸਪੀ ਹਾਸਲ ਕਰਨ ਵਾਲੇ ਪ੍ਰੋਵਿੰਸ ਦੇ ਅੱਧਾ ਮਿਲੀਅਨ ਲੋਕਾਂ ਵਿੱਚੋਂ 10 ਫੀ ਸਦੀ ਪ੍ਰਭਾਵਿਤ ਹੋਣਗੇ।