ਵਾਅਨ, 30 ਸਤੰਬਰ (ਪੋਸਟ ਬਿਊਰੋ) : ਵਾਅਨ ਵਿੱਚ ਤੜ੍ਹਕੇ ਵਾਪਰੇ ਇੱਕ ਹਾਦਸੇ ਦੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਹਾਦਸੇ ਨੂੰ ਹਿੱਟ ਐਂਡ ਰੰਨ ਦਾ ਮਾਮਲਾ ਦੱਸਿਆ ਜਾ ਰਿਹਾ ਹੈ ਤੇ ਇਸ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਇਹ ਘਟਨਾ ਹਾਈਵੇਅ 400 ਉੱਤੇ ਵਾਪਰੀ।
ਇਹ ਹਾਦਸਾ ਤੜ੍ਹਕੇ 3:00 ਵਜੇ ਬਾਸ ਪ੍ਰੋਮਿੱਲਜ਼ ਡਰਾਈਵ ਦੇ ਨੇੜੇ ਹਾਈਵੇਅ ਦੀਆਂ ਦੱਖਣ ਵਾਲੀਆਂ ਲੇਨਜ਼ ਉੱਤੇ ਵਾਪਰਿਆ। ਪੁਲਿਸ ਨੇ ਦੱਸਿਆ ਕਿ ਲਾਲ ਰੰਗ ਦੀ ਵੋਕਸਵੈਗਨ ਜੈਟਾ ਤੇਜ਼ ਰਫਤਾਰ ਨਾਲ ਹਾਈਵੇਅ ਉੱਤੇ ਜਾ ਰਹੀ ਸੀ ਤੇ ਚਾਰ ਵਿਅਕਤੀਆਂ ਨੂੰ ਲਿਜਾ ਰਹੀ ਮਿਨੀਵੈਨ ਨਾਲ ਜਾ ਟਕਰਾਈ। ਵੈਨ ਵਿੱਚ ਸਵਾਰ ਵਿਅਕਤੀਆਂ ਵਿੱਚੋਂ ਤਿੰਨ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਏ ਤੇ ਇੱਕ ਮਹਿਲਾ ਦੀ ਮੌਤ ਹੋ ਗਈ। ਜ਼ਖ਼ਮੀਆਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ।
ਜੈਟਾ ਦੇ ਡਰਾਈਵਰ ਨੂੰ ਮੌਕੇ ਤੋਂ ਫਰਾਰ ਹੁੰਦਿਆਂ ਵੇਖਿਆ ਗਿਆ। ਪੁਲਿਸ ਵੱਲੋਂ ਡਰਾਈਵਰ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਰੁਦਰਫੋਰਡ ਤੋਂ ਲੈਂਗਸਟਾਫ ਦੇ ਦੱਖਣ ਦੀਆਂ ਲੇਨਜ਼ ਬੰਦ ਕਰ ਦਿੱਤੀਆਂ ਗਈਆਂ ਹਨ ਤੇ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਓਪੀਪੀ ਦੇ ਅੰਦਾਜ਼ੇ ਮੁਤਾਬਕ ਹਾਈਵੇਅ ਸਵੇਰੇ 9:00 ਵਜੇ ਤੱਕ ਖੁੱਲ੍ਹਣ ਦੀ ਉਮੀਦ ਹੈ।