ਟੋਰਾਂਟੋ, 29 ਸਤੰਬਰ (ਪੋਸਟ ਬਿਊਰੋ) : ਕਾਊਂਸਲੇਟ ਜਨਰਲ ਆਫ ਇੰਡੀਆ, ਟੋਰਾਂਟੋ ਵੱਲੋਂ ਆਪਣੇ ਅਧਿਕਾਰ ਖੇਤਰ ਵਿੱਚ ਆਉਣ ਵਾਲੇ ਮੁੱਦਿਆਂ ਨੂੰ ਹੱਲ ਕਰਨ ਲਈ ਪਹਿਲੀ ਅਕਤੂਬਰ, 2022 ਨੂੰ ਬਰੈਂਪਟਨ ਵਿੱਚ ਕਾਊਂਸਲਰ ਕੈਂਪ ਲਾਏ ਜਾ ਰਹੇ ਹਨ। ਇਸ ਦੌਰਾਨ ਕਾਊਂਸਲਰ ਸਬੰਧਤ ਕਈ ਤਰ੍ਹਾਂ ਦੇ ਮੁੱਦੇ ਜਿਵੇਂ ਕਿ ਪਾਸਪੋਰਟ,ਵੀਜ਼ਾ, ਓਸੀਆਈ,ਪੀਸੀਸੀ,ਸਰੈਂਡਰ ਸਰਟੀਫਿਕੇਟ, ਅਟੈਸਟੇਸ਼ਨ, ਲਾਈਫ ਸਰਟੀਫਿਕੇਟ ਆਦਿ ਹੱਲ ਕੀਤੇ ਜਾਣਗੇ। ਇਨ੍ਹਾਂ ਦੇ ਵੇਰਵੇ ਹੇਠ ਲਿਖੇ ਅਨੁਸਾਰ ਹਨ :
ਕਾਊਂਸਲਰ ਕੈਂਪ ਦੀ ਥਾਂ ਮਿਤੀ ਸਮਾਂ
ਟੈਰੀ ਮਿਲਰ ਰੀਕ੍ਰੀਏਸ਼ਨ ਸੈਂਟਰ 1295 ਵਿਲੀਅਮਜ਼ ਪਾਰਕਵੇਅ, ਬਰੈਂਪਟਨ, ਓਨਟਾਰੀਓ ਐਲ6ਐਸ3ਜੇ8 1ਅਕਤੂਬਰ, 2022 ਦਿਨ ਸ਼ਨਿੱਚਰਵਾਰ ਸਵੇਰੇ 10:00 ਤੋਂ ਦੁਪਹਿਰ ਦੇ 1:30 ਵਜੇ ਤੱਕ
2· ਇਹ ਕਾਊਂਸਲਰ ਕੈਂਪ ਲੰਮੇਂ ਸਮੇਂ ਤੋਂ ਪੈਂਡਿੰਗ ਮੁੱਦਿਆਂ ਨੂੰ ਹੱਲ ਕਰਨ ਲਈ ਲਾਏ ਜਾ ਰਹੇ ਹਨ ਤੇ ਇਹ ਇਨ੍ਹਾਂ ਥਾਂਵਾਂ ਉੱਤੇ ਕਾਊਂਸਲਰ ਸੇਵਾਵਾਂ ਦੇਣ ਲਈ ਨਹੀਂ ਲਾਏ ਜਾ ਰਹੇ। ਫਿਰ ਵੀ ਸਰੈਂਡਰ ਸਰਟੀਫਿਕੇਟ ਅਤੇ ਅਟੈਸਟੇਸ਼ਨ ਸੇਵਾਵਾਂ ਲਈ ਅਰਜ਼ੀਆਂ ਸਹੀ ਤਰਤੀਬ ਵਿੱਚ ਪਾਈਆਂ ਜਾਂਦੀਆਂ ਹਨ ਤਾਂ ਉਨ੍ਹਾਂ ਨੂੰ ਸਵੀਕਾਰ ਕੀਤਾ ਜਾਵੇਗਾ।
3· ਸਰੈਂਡਰ ਸਰਟੀਫਿਕੇਟ ਲਈ ਫੀਸ ਡੈਬਿਟ ਕਾਰਡ/ਡਿਮਾਂਡ ਡਰਾਫਟ ਰਾਹੀਂ ਬੀਐਲਐਸ ਇੰਟਰਨੈਸ਼ਨਲ ਸਰਵਿਸਿਜ਼ ਕੈਨੇਡਾ ਦੇ ਪੱਖ ਵਿੱਚ ਅਦਾਇਗੀ ਯੋਗ ਹੋਵੇਗੀ। ਅਟੈਸਟੇਸ਼ਨ ਸੇਵਾਵਾਂ ਲਈ ਫੀਸ ਕਾਊਂਸਲੇਟ ਜਨਰਲ ਆਫ ਇੰਡੀਆ, ਟੋਰਾਂਟੋ ਦੇ ਪੱਖ ਵਿੱਚ ਸਿਰਫ ਡਿਮਾਂਡ ਡਰਾਫਟ ਰਾਹੀਂ ਅਦਾਇਗੀ ਯੋਗ ਹੋਵੇਗੀ। ਅਟੈਸਟੇਸ਼ਨ ਸੇਵਾ ਲਈ ਬਿਨੈਕਾਰ ਨੂੰ ਆਪਣੇ ਦਸਤਾਵੇਜ਼ ਮੁੜ ਹਾਸਲ ਕਰਨ ਲਈ ਆਪਣੇ ਪਤੇ ਵਾਲਾ ਪ੍ਰੀਪੇਡ ਐਨਵੈਲਪ ਅਰਜ਼ੀ ਦੇ ਨਾਲ ਨੱਥੀ ਕਰਨਾ ਹੋਵੇਗਾ। ਇਸ ਲਈ ਬਿਨੈਕਾਰਾਂ ਨੂੰ ਦਸਤਾਵੇਜ਼ੀ ਲੋੜਾਂ ਤੇ ਢੁਕਵੀ ਫੀਸ ਨੂੰ ਸਮਝਣ ਵਾਸਤੇ ਅੱਗੇ ਲਿਖੇ ਪਤੇ ਉੱਤੇ ਵਿਜਿ਼ਟ ਕਰਨਾ ਹੋਵੇਗਾ :
1: https://www.cgitoronto.gov.in/ Link 2: https://www.blsindia-canada.com/toronto-jurisdiction/index.php
4· ਅਰਜ਼ੀਆਂ ਉਸ ਹਾਲ ਵਿੱਚ ਹੀ ਅੱਗੇ ਵੱਧ ਸਕਣਗੀਆਂ ਜੇ ਪੂਰੇ ਦਸਤਾਵੇਜ਼ ਤੇ ਫਾਰਮ ਜਮ੍ਹਾਂ ਕਰਵਾਏ ਜਾਣਗੇ।ਬਿਨੈਕਾਰਾਂ ਨੂੰ ਸਾਰੇ ਦਸਤਾਵੇਜ਼ਾਂ ਤੇ ਫਾਰਮਜ਼ ਦੀਆਂ ਅਸਲ ਅਤੇ ਫੋਟੋਕਾਪੀਆਂ ਉੱਤੇ ਦੱਸੇ ਗਏ ਲਿੰਕ ਮੁਤਾਬਕ ਜਮ੍ਹਾਂ ਕਰਵਾਉਣੀਆਂ ਹੋਣਗੀਆਂ।ਕਿਸੇ ਵੀ ਦਸਤਾਵੇਜ਼ ਦੀ ਸਾਫਟ ਕਾਪੀ ਸਵੀਕਾਰ ਨਹੀਂ ਕੀਤੀ ਜਾਵੇਗੀ।
5· ਕੈਂਪ ਵਿਖੇ ਕੋਵਿਡ-19 ਸਬੰਧੀ ਦਿਸ਼ਾ ਨਿਰਦੇਸ਼ਾਂ ਦਾ ਸਖ਼ਤੀ ਨਾਲ ਪਾਲਣ ਕੀਤਾ ਜਾਣਾ ਜ਼ਰੂਰੀ ਹੈ।