ਨਿਊਜਰਸੀ, 28 ਸਤੰਬਰ (ਪੋਸਟ ਬਿਊਰੋ): ਅਮਰੀਕਾ ਦੇ ਨਿਊਜਰਸੀ 'ਚ ਹਾਲ ਹੀ 'ਚ ਹੋਈ ਪਰੇਡ 'ਚ ਪ੍ਰਧਾਨ ਮੰਤਰੀ ਮੋਦੀ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੀ ਤਸਵੀਰ ਲਗਾ ਕੇ ਬੁਲਡੋਜ਼ਰ ਸੜਕ `ਤੇ ਚਲਾਇਆ ਗਿਆ।ਇਸ ਕਾਰਨ ਨਾਗਰਿਕ ਅਧਿਕਾਰ ਸਮੂਹ ਇਸ ਦਾ ਵਿਰੋਧ ਕਰ ਰਹੇ ਹਨ। ਇਸ ਪਰੇਡ ਦੇ ਆਯੋਜਕ ਇੰਡੀਅਨ ਬਿਜ਼ਨਸ ਐਸੋਸੀਏਸ਼ਨ ਦੇ ਪ੍ਰਧਾਨ ਨੂੰ ਭਾਰਤੀ-ਅਮਰੀਕੀ ਘੱਟ ਗਿਣਤੀ ਸਮੂਹ ਅਤੇ ਦੇਸ਼ ਅਤੇ ਦੁਨੀਆ ਦੇ ਖਾਸ ਕਰਕੇ ਮੁਸਲਮਾਨਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਲਈ ਮੁਆਫੀ ਮੰਗਣੀ ਪਈ।ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਪਰੇਡ ਵਿਚ ਵੰਡਣ ਵਾਲੇ ਚਿੰਨ੍ਹ ਦੀ ਵਰਤੋਂ ਨਹੀਂ ਹੋਣੀ ਚਾਹੀਦੀ।
ਬੁਲਡੋਜ਼ਰ ਭਾਰਤ ਵਿੱਚ ਵਿਰੋਧ ਪ੍ਰਦਰਸ਼ਨਾਂ ਵਿਰੁੱਧ ਕਾਰਵਾਈ ਦਾ ਪ੍ਰਤੀਕ ਬਣ ਗਏ ਹਨ। ਇਨ੍ਹਾਂ ਵਿੱਚ ਮੁਸਲਿਮ ਨਾਗਰਿਕਾਂ ਦੇ ਕੁਝ ਹਾਈ-ਪ੍ਰੋਫਾਈਲ ਕੇਸ ਵੀ ਸ਼ਾਮਲ ਹਨ।ਅਮਰੀਕੀ ਸੜਕਾਂ 'ਤੇ ਬੁਲਡੋਜ਼ਰ ਦੇਖ ਕੇ ਕੁਝ ਭਾਰਤੀ ਪ੍ਰਵਾਸੀ ਗੁੱਸੇ 'ਚ ਆ ਗਏ। ਉਨ੍ਹਾਂ ਨੇ ਇਸ ਨੂੰ ਸਭ ਨੂੰ ਗਲੇ ਲਗਾਉਣ ਵਾਲੇ ਦੇਸ਼ ਦੇ ਸਿਧਾਂਤਾਂ ਲਈ ਖ਼ਤਰਾ ਦੱਸਿਆ।ਪਰ ਵਿਦੇਸ਼ ਮੰਤਰੀ ਡਾਕਟਰ ਜੈਸ਼ੰਕਰ ਨੇ ਅਮਰੀਕੀ ਮੀਡੀਆ ਦੀ ਨਿੰਦਾ ਕਰਦਿਆਂ ਇਸ ਨੂੰ ਪੱਖਪਾਤੀ ਕਵਰੇਜ ਦੱਸਿਆ।
ਬ੍ਰਿਟੇਨ ਦੇ ਲੈਂਕੈਸਟਰ 'ਚ ਕਈ ਦਹਾਕਿਆਂ ਤੋਂ ਹਿੰਦੂ ਅਤੇ ਮੁਸਲਿਮ ਭਾਈਚਾਰਾ ਇਕੱਠੇ ਰਹਿੰਦੇ ਹਨ ਪਰ ਹੁਣ ਉਨ੍ਹਾਂ ਵਿਚਾਲੇ ਤਣਾਅ ਵਧਦਾ ਜਾ ਰਿਹਾ ਹੈ।ਹਾਲ ਹੀ ਵਿੱਚ, ਮਾਸਕ ਪਹਿਨੇ ਲਗਭਗ 300 ਨੌਜਵਾਨਾਂ (ਕਥਿਤ ਤੌਰ 'ਤੇ ਹਿੰਦੂ ਨੌਜਵਾਨ) ਨੇ ਮੁਸਲਿਮ ਪ੍ਰਭਾਵ ਵਾਲੇ ਖੇਤਰ ਵਿੱਚ ਮਾਰਚ ਕੀਤਾ ਅਤੇ ਨਾਅਰੇ ਲਗਾਏ। ਰਿਪੋਰਟਾਂ ਮੁਤਾਬਕ ਭਾਰਤ-ਪਾਕਿਸਤਾਨ ਕ੍ਰਿਕਟ ਪ੍ਰੇਮੀਆਂ ਵਿਚਾਲੇ ਝੜਪ ਹੌਲੀ-ਹੌਲੀ ਫਿਰਕੂ ਹਿੰਸਾ 'ਚ ਬਦਲ ਗਈ।