Welcome to Canadian Punjabi Post
Follow us on

29

March 2024
 
ਟੋਰਾਂਟੋ/ਜੀਟੀਏ

ਬਰੈਂਪਟਨ ਵੋਮੈਨ ਸੀਨੀਅਰ ਕਲੱਬ ਵੱਲੋਂ ਕੋ ਬਰਗ ਦਾ ਟੂਰ ਲਾਇਆ ਗਿਆ

September 26, 2022 05:46 PM

ਬਰੈਂਪਟਨ, 18 ਸਿਤੰਬਰ ਦਿਨ ਐਤਵਾਰ ਨੂੰ ਬਰੈਂਪਟਨ ਵੋਮੈਨ ਸੀਨੀਅਰ ਕਲੱਬ ਵੱਲੋਂ ਪ੍ਰਧਾਨ ਕੁਲਦੀਪ ਕੌਰ ਗਰੇਵਾਲ ਦੀ ਅਗਵਾਈ ਅਤੇ ਸਿੰਦਰਪਾਲ ਬਰਾੜ ਵਾਈਸ ਪ੍ਰਧਾਨ, ਕੰਵਲਜੀਤ ਕੌਰ ਤਾਤਲਾ ਕੈਸ਼ੀਅਰ, ਇੰਦਰਜੀਤ ਕੌਰ ਢਿੱਲੋਂ,ਅਵਤਾਰ ਕੌਰ ਰਾਏ, ਹਰਦੀਪ ਕੌਰ ਹੈਲਨ ਡਾਈਰੈਕਟਰਾਂ ਦੇ ਸਹਿਯੋਗ ਅਤੇ ਸਾਥ ਨਾਲ ਇੱਕ ਸਫਲ ਟੂਰ ਕੋ ਬਰਗ ਦਾ ਲਾਇਆ ਗਿਆ। ਬੋਲੇ ਸੋ ਨਿਹਾਲ ਦੇ ਜੈਕਾਰੇ ਅਤੇ ਸ਼ਬਦ ਗਾਇਨ ਨਾਲ ਟੂਰ ਨੇ ਚਾਲੇ ਪਾਏ। ਸਫਰ ਦੌਰਾਨ ਵੀ ਬੀਬੀਆਂ ਗਿੱਧਾ ਅਤੇ ਗੀਤਾਂ ਦਾ ਅਨੰਦ ਮਾਣਦੀਆਂ ਰਹੀਆਂ। ਆਲੇ ਦੁਆਲੇ ਦੇ ਕੁਦਰਤੀ ਦ੍ਰਿਸ਼ ਰੂਹ ਖੁਸ਼ ਕਰ ਰਹੇ ਸਨ। ਲਗਭਗ ਡੇੜ੍ਹ ਘੰਟੇ ਵਿੱਚ ਸੁੰਦਰ ਸਥਾਨ ਕੋ ਬਰਗ ਅਪੜ ਗਏ। ਕੋ ਬਰਗ ਸਿਟੀ ਅਤੇ ਬੀਚ ਧਰਤੀ ਉੱਪਰ ਸਵਰਗ ਦਾ ਨਜਾਰਾ ਪੇਸ਼ ਕਰ ਰਹੇ ਸਨ। ਇੱਕ ਖੁਲ੍ਹੇ ਡੁਲ੍ਹੇ ਅਤੇ ਸਾਫ ਸੁਥਰੇ ਸ਼ੈਡ ਵਿਚ ਬੀਬੀਆਂ ਰਲ ਮਿਲ ਇੱਕ ਦੂਜੇ ਨਾਲ ਸ਼ੇਅਰ ਕਰ ਲੰਚ ਦਾ ਸੁਆਦ ਮਾਣਿਆ। ਇਸ ਉਪਰੰਤ ਘੁੰਮ ਫਿਰ ਆਸ ਪਾਸ ਦੇ ਕੁਦਰਤੀ ਨਜਾਰਿਆਂ ਦਾ ਲੁਤਫ ਲਿਆ ਗਿਆ। ਇੱਕ ਗਰੁਪ ਫੋਟੋ ਸਹਿਤ ਬੋਟਸ ਵਿਚ ਵੀ ਫੋਟੋ ਲਈਆਂ ਗਈਆਂ। 20 ਕੁ ਮਿੰਟ ਬਾਰਸ਼ ਵੀ ਹੋਈ ਜਿਸ ਵਿਚ ਵੀ ਬੀਬੀਆਂ ਨੱਚ ਗਾ ਖੁਸ਼ੀ ਜਤਾਈ। ਮੌਸਮ ਖੁਸ਼ਗਵਾਰ ਰਿਹਾ। ਵਾਪਸੀ ਦੌਰਾਨ ਟਿਮ ਹੌਰਟਨ `ਚ ਚਾਹ ਕੌਫੀ ਦਾ ਦੌਰ ਚੱਲਿਆ। ਮੁੜਦੇ ਸਫਰ ਵਿਚ ਵੀ ਨੱਚਣਾ ਗਾਣਾ ਚਲਦਾ ਰਿਹਾ। ਇਸ ਤਰ੍ਹਾਂ ਹਸਦੇ ਖੇਡਦੇ ਲਗਭਗ 6 ਵਜੇ ਘਰੀਂ ਵਾਪਸ ਪਰਤ ਆਏ ਅਤੇ ਇਹ ਖੁਸ਼ੀਆਂ ਭਰਿਆ ਟੂਰ ਕਲੱਬ ਦੀ ਇੱਕ ਅਭੁੱਲ ਯਾਦ ਬਣ ਗਿਆ।

 
Have something to say? Post your comment