ਕੋਲੰਬੋ, 20 ਸਤੰਬਰ (ਪੋਸਟ ਬਿਊਰੋ)- ਸ੍ਰੀਲੰਕਾ ਸੋਲਰ ਪੈਨਲਾਂ ਦੀ ਖਰੀਦ ਲਈ ਭਾਰਤ ਜਾਂ ਚੀਨ ਤੋਂ ਕਰਜ਼ਾ ਸਹਾਇਤਾ ਦੀ ਤਲਾਸ਼ ਕਰ ਰਿਹਾ ਹੈ।ਬਿਜਲੀ ਅਤੇ ਊਰਜਾ ਮੰਤਰੀ ਕੰਚਨਾ ਵਿਜੇਸੇਕਰਾ ਨੇ ਮੰਗਲਵਾਰ ਨੂੰ ਕਿਹਾ ਕਿ ਇਹ ਫੈਸਲਾ ਬਿਜਲੀ ਦੀ ਬਹੁਤ ਜਿ਼ਆਦਾ ਲਾਗਤ ਨੂੰ ਘਟਾਉਣ ਲਈ ਲਿਆ ਗਿਆ ਹੈ।ਇਸ ਤੋਂ ਪਹਿਲਾਂ ਦੇਸ਼ ਦੇ ਪ੍ਰਭਾਵਸ਼ਾਲੀ ਬੋਧੀ ਭਿਕਸ਼ੂਆਂ ਨੇ ਬਿਜਲੀ ਦੀਆਂ ਵਧਦੀਆਂ ਕੀਮਤਾਂ ਦੇ ਖਿਲਾਫ ਪ੍ਰਦਰਸ਼ਨ ਦਾ ਸੱਦਾ ਦਿੱਤਾ ਸੀ।ਵਿਜੇਸੇਕਰਾ ਨੇ ਸੰਸਦ ਨੂੰ ਦੱਸਿਆ, ''ਅਸੀਂ ਵਿਦੇਸ਼ੀ ਮੁਦਰਾ ਦੀ ਕਮੀ ਦਾ ਸਾਹਮਣਾ ਕਰ ਰਹੇ ਹਾਂ, ਜਿਸ ਕਾਰਨ ਆਯਾਤ ਲਈ ਭੁਗਤਾਨ ਕਰਨਾ ਮੁਸ਼ਕਲ ਹੋ ਗਿਆ ਹੈ।ਸਾਨੂੰ ਇੱਕ ਹੱਲ ਸੋਚਣਾ ਹੋਵੇਗਾ ਕਿ ਭਾਰਤ ਜਾਂ ਚੀਨ ਤੋਂ ਕਰਜ਼ਾ ਸਹਾਇਤਾ ਪ੍ਰਾਪਤ ਕੀਤੀ ਜਾਵੇ ਅਤੇ ਇਸ ਤੋਂ ਸੋਲਰ ਪੈਨਲ ਆਯਾਤ ਕੀਤੇ ਜਾਣ।
ਸ੍ਰੀਲੰਕਾ ਨੇ ਨੌਂ ਸਾਲਾਂ ਬਾਅਦ ਅਗਸਤ ਵਿੱਚ ਬਿਜਲੀ ਦਰਾਂ ਵਿੱਚ ਔਸਤਨ 75 ਫੀਸਦੀ ਦਾ ਵਾਧਾ ਕੀਤਾ।ਇਸ ਫੈਸਲੇ ਨੂੰ ਲੈ ਕੇ ਸਰਕਾਰ ਨੂੰ ਬੋਧੀ ਭਿਕਸ਼ੂਆਂ ਦੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਉਨ੍ਹਾਂ ਰੋਸ ਵਜੋਂ ਲੋਕਾਂ ਨੂੰ ਬਿਜਲੀ ਦੇ ਬਿੱਲ ਨਾ ਭਰਨ ਲਈ ਕਿਹਾ ਹੈ।