ਹਲਦਾਨੀ, 18 ਅਗਸਤ (ਪੋਸਟ ਬਿਊਰੋ)- 38 ਸਾਲ ਪਹਿਲਾਂ ਆਪਰੇਸ਼ਨ ਮੇਘਦੂਤ ਵਿੱਚ ਸਿਆਚਿਨ ਦੀਆਂ ਬਰਫਾਨੀ ਪਹਾੜੀਆਂ ਵਿੱਚ ਗੁਆਚ ਗਏ ਉਤਰਾਖੰਡ ਦੇ ਹਲਦਾਨੀ ਦੇ ਜਵਾਨ ਲਾਂਸ ਨਾਇਕ ਚੰਦਰਸ਼ੇਖਰ ਨੂੰ ਕੱਲ੍ਹ ਆਪਣੇ ਪਿੰਡ ਦੀ ਮਿੱਟੀ ਨਸੀਬ ਹੋਈ।ਰੱਖਿਆ ਮੰਤਰਾਲੇ ਦੇ ਬੁਲਾਰੇ ਨੇ ਦੱਸਿਆ ਕਿ ਜਵਾਨਾਂ ਦਾ ਇੱਕ ਪੈਟਰੋਲ ਪਾਰਟੀ ਮੇਜਰ ਨਵੀਨ ਦੀ ਅਗਵਾਈ ਵਿੱਚ ਬੀਤੇ ਹਫਤੇ ਸ਼ੰਕਰ ਟਾਪ ਵੱਲ ਜਾ ਰਹੀ ਸੀ ਤਾਂ ਰਸਤੇ ਵਿੱਚ ਉਨ੍ਹਾਂ ਨੂੰ ਬਰਫ ਦੇ ਹੇਠਾਂ ਇੱਕ ਸ਼ੈੱਡ ਨਜ਼ਰ ਆਇਆ, ਜੋ ਕਿਸੇ ਬਰਫੀਲੇ ਤੂਫਾਨ ਵਿੱਚ ਨਸ਼ਟ ਹੋ ਗਿਆ ਸੀ।
ਮੇਜਰ ਨਵੀਨ ਅਤੇ ਸਾਥੀਆਂ ਨੇ ਸ਼ੈੱਡ ਦੇ ਨੇੜਲਾਖੇਤਰ ਫੋਲਿਆ। ਥੋੜ੍ਹੀਪੁਟਾਈ ਕੀਤੀ ਤਾਂ ਉਥੇ ਇੱਕ ਜਵਾਨ ਦੀ ਮ੍ਰਿਤਕ ਦੇਹ ਮਿਲੀ ਅਤੇ ਫੌਜੀ ਡਿਸਕ ਅਤੇ ਕੁਝ ਪਾਟੇ ਕੱਪੜੇ ਮਿਲੇ। ਉਸ ਫੌਜੀ ਡਿਸਕ ਉੱਤੇਜਵਾਨ ਦਾ ਨਾਂਅ ਅਤੇ ਨੰਬਰ ਲਿਖਿਆ ਸੀ, ਜਿਸ ਨਾਲ ਪਛਾਣ ਹੋਈ ਕਿ ਉਹ ਚੰਦਰਸ਼ੇਖਰ ਹੈ। ਉਨ੍ਹਾਂ ਨੇ ਉਚ ਅਧਿਕਾਰੀਆਂ ਨੂੰ ਸੂਚਿਤ ਕਰ ਕੇ ਮ੍ਰਿਤਕ ਦੇਹ ਨੂੰ ਪੂਰੇ ਸਨਮਾਨ ਨਾਲ ਬੇਸ ਕੈਂਪ ਲਿਆਂਦਾ। ਦੁਨੀਆ ਦੇ ਸਭ ਤੋਂ ਔਖੇ ਅਤੇ ਉਚੇ ਜੰਗੀ ਸਥਾਨ ਸਿਆਚਿਨ ਗਲੇਸ਼ੀਅਰ ਨੂੰ ਬਚਾਉਣ ਲਈ 1984 ਵਿੱਚ ਭਾਰਤੀ ਫੌਜਾਂ ਨੇ ਆਪਰੇਸ਼ਨ ਮੇਘਦੂਤ ਚਲਾਇਆ ਸੀ। ਉਸ ਆਪਰੇਸ਼ਨ ਵਿੱਚ 19 ਕੁਮਾਊਂ ਰੈਜੀਮੈਂਟ ਦੇ 20 ਜਵਾਨਾਂ ਦਾ ਗਸ਼ਤੀ ਦਲ ਸ਼ੰਕਰ ਟਾਪ ਵੱਲ ਵਧਦੇ ਹੋਏ ਬਰਫੀਲੇ ਤੂਫਾਨ ਦੀ ਲਪੇਟ ਵਿੱਚਆ ਗਿਆ ਸੀ। ਇਸ ਪਿੱਛੋਂ 12 ਜਵਾਨਾਂ ਦੀਆਂ ਮ੍ਰਿਤਕ ਦੇਹਾਂ ਮਿਲੀਆਂ ਸਨ। ਬਾਕੀ ਉਥੇ ਬਰਫ ਵਿੱਚ ਦੱਬੇ ਗਏ ਸਨ। ਇਨ੍ਹਾਂ ਵਿੱਚ ਲਾਂਸ ਨਾਇਕ ਚੰਦਰਸ਼ੇਖਰ ਸਿੰਘ ਵੀ ਸ਼ਾਮਲ ਸਨ। ਲਾਂਸ ਨਾਇਕ ਚੰਦਰਸ਼ੇਖਰ ਦੀ ਮ੍ਰਿਤਕ ਦੇਹ ਕੱਲ੍ਹ ਹਲਦਾਨੀ ਵਿੱਚ ਉਨ੍ਹਾਂ ਦੇ ਘਰ ਲਿਆਂਦੀ ਗਈ। ਉਤਰਾਖੰਡ ਦੇ ਮੁੱਖ ਮੰਤਰੀ ਪੁਸ਼ਕਰ ਧਾਮੀ ਨੇ ਸ਼ਰਧਾਂਜਲੀ ਦਿੱਤੀ। ਇਸ ਦੇ ਬਾਅਦ ਸਰਕਾਰੀ ਅਤੇ ਫੌਜੀ ਸਨਮਾਨਾਂ ਨਾਲ ਅੰਤਿਮ ਸੰਸਕਾਰ ਕੀਤਾ ਗਿਆ।