ਜਲੰਧਰ, 18 ਅਗਸਤ (ਪੋਸਟ ਬਿਊਰੋ)- ਕਮਿਸ਼ਨਰੇਟ ਦੇ ਸੀ ਆਈ ਏ ਸਟਾਫ ਨੇ ਫਗਵਾੜਾ ਗੇਟ ਦੇ ਇੱਕ ਘਰ ਵਿੱਚ ਚੱਲਦੀਸੱਟੇ ਦੀ ਦੁਕਾਨ ਦਾ ਪਰਦਾ ਫਾਸ਼ ਕਰਦੇ ਹੋਏ ਚਾਰ ਸੱਟੇਬਾਜ਼ਾਂ ਨੂੰ 7640 ਰੁਪਏ ਦੀ ਨਗਦੀ, ਦੜੇ-ਸੱਟੇ ਦੀਆਂ ਪਰਚੀਆਂ ਅਤੇ ਦੋ ਮੋਬਾਈਲਾਂ ਸਮੇਤ ਗ੍ਰਿਫਤਾਰ ਕੀਤਾ ਹੈ।
ਸੀ ਆਈ ਏ ਇੰਚਾਰਜ ਸਬ ਇੰਸਪੈਕਟਰ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਪੁਲਸ ਟੀਮ ਫਗਵਾੜਾ ਗੇਟ ਦੇ ਨੇੜੇ ਨਾਕਾਬੰਦੀ ਉੱਤੇ ਸੀ ਤਾਂ ਮੁਖਬਰ ਦੀ ਸੂਚਨਾ ਆਈ ਕਿ ਫਗਵਾੜਾ ਗੇਟ ਮੁਹੱਲੇ ਦੇ ਘਰ ਵਿੱਚ ਲਾਟਰੀ ਦੇਓਹਲੇ ਵਿੱਚ ਸੱਟੇਬਾਜ਼ੀ ਚੱਲਦੀ ਹੈ। ਪੁਲਸ ਟੀਮ ਨੇ ਸਮੇਂ ਉੱਤੇ ਹੀ ਛਾਪਾ ਮਾਰ ਕੇ ਸੱਟੇਬਾਜ਼ੀ ਦੀ ਖੇਡ ਦਾ ਪਰਦਾ ਫਾਸ਼ ਕਰਦੇ ਹੋਏ ਮੌਕੇ ਉੱਤੇ ਹਰਮਿੰਦਰ ਸਿੰਘ ਉਰਫ ਮੋਨੂੰ ਪੁੱਤਰ ਹਰਦੀਪ ਸਿੰਘ ਵਾਸੀ ਰਸਤਾ ਮੁਹੱਲਾ ਫਗਵਾੜਾ ਗੇਟ, ਵਿਪਨ ਦੁਆ ਪੁੱਤਰ ਮੰਗਤ ਰਾਮ ਵਾਸੀ ਬਸਤੀ ਸ਼ੇਖ ਘਾਹ ਮੰਡੀ, ਨਿਤਿਨ ਕੁਮਾਰ ਪੁੱਤਰ ਕੁਲਦੀਪ ਸਿੰਘ ਵਾਸੀ ਏਕਤਾ ਨਗਰ, ਰਾਮਾਮੰਡੀ, ਸਤਪਾਲ ਪੁੱਤਰ ਬਨਾਰਸੀ ਦਾਸ ਵਾਸੀ ਨਿਊ ਦੇਵਨਗਰ ਅਤੇ ਸੁਮਿਤ ਕੁਮਾਰ ਪੁੱਤਰ ਵਿਜੇ ਕੁਮਾਰ ਵਾਸੀ ਅਮਨ ਨਗਰ, ਗੁਲਾਬ ਦੇਵੀ ਰੋਡ ਨੂੰ ਗ੍ਰਿਫਤਾਰ ਕਰ ਕੇ ਇਨ੍ਹਾਂ ਦੇ ਕਬਜ਼ੇ ਵਿੱਚੋਂ 7640 ਦੀ ਨਗਦੀ, ਦੋ ਮੋਬਾਈਲ ਤੇ ਦੜੇ-ਸੱਟੇ ਦੀਆਂ ਪਰਚੀਆਂ ਬਰਾਮਦ ਕੀਤੀਆਂ ਹਨ। ਇਨ੍ਹਾਂ ਦੇ ਖਿਲਾਫ ਥਾਣਾ ਤਿੰਨ ਵਿੱਚ ਕੇਸ ਦਰਜ ਕੀਤਾ ਗਿਆ।