ਜੈਪੁਰ, 17 ਅਗਸਤ, (ਪੋਸਟ ਬਿਊਰੋ)- ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਜਿ਼ਲ੍ਹੇ ਦੇ ਰਾਏਸਰ ਪਿੰਡ ਵਿੱਚ ਬਦਮਾਸ਼ਾਂ ਨੇ ਇੱਕ ਮਹਿਲਾ ਟੀਚਰ ਨੂੰ ਜਿ਼ੰਦਾ ਸਾੜ ਦਿੱਤਾ। ਸੱਤ ਦਿਨ ਪਹਿਲਾਂ ਦੀ ਇਸ ਘਟਨਾ ਦਾ ਵੀਡੀਓ ਬੁੱਧਵਾਰ ਨੂੰ ਵਾਇਰਲ ਹੋਇਆ। ਮਹਿਲਾ ਟੀਚਰ ਇੱਕ ਦੋਸ਼ੀ ਤੋਂ ਇੱਕ ਸਾਲ ਪਹਿਲਾਂ ਉਧਾਰ ਦਿੱਤੇ ਪੈਸਿਆਂ ਦੀ ਮੰਗ ਕਰਦੀ ਸੀ। ਦੋਸ਼ੀਆਂ ਨੇ ਪੈਟਰੋਲ ਪਾ ਕੇ ਉਸ ਨੂੰ ਅੱਗ ਲਾ ਦਿੱਤੀ। ਬੁਰੀ ਤਰ੍ਹਾਂ ਝੁਲਸ ਗਈ ਮਹਿਲਾ ਅਧਿਆਪਕਾ ਦੀ ਮੰਗਲਵਾਰ ਦੇਰ ਰਾਤ ਐਸਐਮਐਸ ਹਸਪਤਾਲ ਵਿੱਚ ਮੌਤ ਹੋਣ ਦੇ ਬਾਅਦ ਪੁਲਸ ਹਰਕਤ ਵਿੱਚ ਆਈ ਹੈ।
ਰੇਗਰ ਕਲੋਨੀ ਦੇ ਵੀਨਾ ਮੈਮੋਰੀਅਲ ਸਕੂਲ ਵਿੱਚ ਪੜ੍ਹਾਉਂਦੀ ਅਨੀਤਾ ਰੇਗਰ (32) 10 ਅਗਸਤ ਸਵੇਰੇ ਆਪਣੇ ਲੜਕੇ ਰਾਜਵੀਰ (6) ਨਾਲ ਸਕੂਲ ਚੱਲੀਤਾਂ ਅੱਧੀ ਦਰਜਨ ਬਦਮਾਸ਼ਾਂ ਨੇ ਉਸਉੱਤੇ ਹਮਲਾ ਕਰ ਦਿੱਤਾ।ਉਹ ਬਚਣ ਲਈ ਨੇੜੇ ਕਾਲੂਰਾਮ ਦੇ ਘਰ ਜਾ ਵੜੀ ਤੇ ਪੁਲੀਸ ਦੇ 100 ਨੰਬਰ ਉੱਤੇ ਫੋਨ ਕੀਤਾ। ਪੁਲਿਸ ਨਾ ਆਈ ਤਾਂ ਬਦਮਾਸ਼ਾਂ ਨੇ ਅਨੀਤਾ ਨੂੰ ਪੈਟਰੋਲ ਪਾ ਕੇ ਅੱਗ ਲਾ ਦਿੱਤੀ। ਉਹ ਚੀਕਦੀ ਰਹੀ ਤੇ ਬਦਮਾਸ਼ ਇਸ ਘਟਨਾ ਦੀ ਵੀਡੀਓ ਬਣਾਉਂਦੇ ਰਹੇ। ਪਤਾ ਲੱਗਾ ਹੈ ਕਿ ਬਦਮਾਸ਼ਾਂ ਤੋਂ ਡਰਦੇ ਲੋਕਾਂ ਨੇ ਅਨੀਤਾ ਦੀ ਮਦਦ ਨਹੀਂ ਕੀਤੀ। ਘਟਨਾ ਦਾ ਪਤਾ ਲੱਗਾ ਤਾਂ ਅਨੀਤਾ ਦੇ ਪਤੀ ਤਾਰਾਚੰਦ ਆਪਣੇ ਰਿਸ਼ਤੇਦਾਰਾਂ ਨਾਲ ਗਏ ਤੇ 70 ਫੀਸਦੀ ਝੁਲਸ ਚੁੱਕੀ ਅਨੀਤਾ ਨੂੰ ਸਰਕਾਰੀ ਹਸਪਤਾਲਭਰਤੀ ਕਰਵਾਇਆ, ਜਿੱਥੇ ਮੰਗਲਵਾਰ ਰਾਤ ਉਸ ਦੀ ਮੌਤ ਹੋ ਗਈ।ਇਸ ਤੋਂ ਪਹਿਲਾਂ ਅਨੀਤਾ ਨੇ ਆਪਣੇ ਪਤੀ ਨੂੰ ਦੋਸ਼ੀਆਂ ਦੇ ਨਾਂ ਦੱਸੇ ਸਨ।ਉਸ ਨੇ ਦੋਸ਼ੀਆਂ ਨੂੰ ਢਾਈ ਲੱਖ ਰੁਪਏ ਉਧਾਰ ਦਿੱਤੇ ਸਨ। ਜਦੋਂ ਉਹ ਵਾਰ-ਵਾਰ ਪੈਸੇ ਮੰਗਦੀ ਤਾਂ ਇਹ ਲੋਕ ਗਾਲੀ-ਗਲੋਚ ਅਤੇ ਕੁੱਟ-ਮਾਰ ਕਰਦੇ ਸਨ। ਇਸ ਬਾਰੇ ਥਾਣਾ ਰਾਏਸਰ ਵਿਖੇ 7 ਮਈ ਨੂੰ ਕੇਸ ਦਰਜ ਕੀਤਾ ਗਿਆ ਸੀ।ਤਾਰਾਚੰਦ ਨੇ ਦੱਸਿਆ ਕਿ ਪੁਲਿਸ ਨੇ ਉਸ ਨੂੰ ਕੇਸ ਦਰਜ ਕਰਨ ਪਿੱਛੋਂ ਭਜਾ ਦਿੱਤਾ ਸੀ।ਉਸ ਨੇਦੱਸਿਆ ਕਿ ਪਿੰਡ ਦੇ ਗੋਕੁਲ, ਆਨੰਦੀ, ਰਾਮਕਰਨ, ਬਾਬੂਲਾਲ, ਪ੍ਰਹਿਲਾਦ ਰੇਗਰ, ਮੂਲਚੰਦ, ਸੁਰੇਸ਼ ਚੰਦ, ਸੁਲੋਚਨਾ, ਸਰਸਵਤੀ, ਵਿਮਲਾ ਨੇ ਪੈਟਰੋਲ ਪਾ ਕੇ ਅੱਗ ਲਾਈ ਤਾਂ ਉਸ ਦੀ ਪਤਨੀ ਨੇ ਲੋਕਾਂ ਨੂੰ ਜਾਨ ਬਚਾਉਣ ਲਈ ਮਿੰਨਤਾਂ ਕੀਤੀਆਂ, ਪਰ ਬਦਮਾਸ਼ਾਂ ਦੇ ਡਰ ਕਾਰਨ ਕਿਸੇ ਨੇ ਉਸ ਦੀ ਮਦਦ ਨਹੀਂ ਕੀਤੀ। ਇਸ ਪਿੱਛੋਂ 12 ਅਗਸਤ ਨੂੰ ਤਾਰਾਚੰਦ ਨੇ ਪੁਲਿਸ ਡਾਇਰੈਕਟਰ ਜਨਰਲ (ਡੀ ਜੀ ਪੀ) ਨਾਲ ਮੁਲਾਕਾਤ ਕੀਤੀ, ਪਰ ਹਾਲੇ ਤਕ ਕੋਈ ਠੋਸ ਕਾਰਵਾਈ ਨਹੀਂ ਕੀਤੀ ਗਈ।