ਬਮਿਆਲ, 17 ਅਗਸਤ (ਪੋਸਟ ਬਿਊਰੋ)- ਨਾਜਾਇਜ਼ ਮਾਈਨਿੰਗ ਕੇਸ ਵਿੱਚ ਫਰਾਰ ਹੋਏ ਕਾਂਗਰਸੀ ਕੌਂਸਲਰ ਅਮਿਤ ਕੁਮਾਰ ਨੂੰ ਬਮਿਆਲ ਪੁਲਸ ਨੇ ਪੁਲਸ ਨੇ ਕੱਲ੍ਹ ਰਾਤ ਮਾਮੂਨ ਤੋਂ ਫੜਿਆ ਹੈ।ਉਹ ਪਠਾਨਕੋਟ ਨਗਰ ਨਿਗਮ ਦੇ ਵਾਰਡ ਨੰਬਰ 10 ਮਾਮੂਨ ਦਾ ਕੌਂਸਲਰ ਅਤੇ ਸੁਜਾਨਪੁਰ ਤੋਂ ਕਾਂਗਰਸੀ ਵਿਧਾਇਕ ਨਰੇਸ਼ਪੁਰੀ ਦਾ ਕਰੀਬੀ ਹੈ।
ਵਰਨਣ ਯੋਗ ਹੈ ਕਿ ਇਸ ਕੌਂਸਲਰ ਉੱਤੇਸੁਜਾਨਪੁਰ ਵਿੱਚ ਕਰੀਬ ਚਾਰਮਹੀਨੇ ਪਹਿਲਾਂ ਨਾਜਾਇਜ਼ ਮਾਈਨਿੰਗ ਦਾ ਕੇਸ ਦਰਜ ਹੋਇਆ ਸੀ, ਜਿਸ ਤੋਂ ਬਾਅਦ ਵਿਧਾਇਕ ਨਰੇਸ਼ ਪੁਰੀ ਨੇ ਪਾਰਟੀ ਸਮਰਥਕਾਂ ਦੇ ਬਾਹਰ ਧਰਨਾ ਦਿੱਤਾ ਸੀ। ਮਿਲੀ ਜਾਣਕਾਰੀ ਮੁਤਾਬਕ ਸੱਤ ਅਗਸਤ ਨੂੰ ਪੁਲਸ ਚੌਕੀ ਬਮਿਆਲ ਨੂੰ ਸੂਚਨਾ ਮਿਲੀ ਕਿ ਪਿੰਡ ਸਰੋਟਾ ਨੇੜੇ ਕੁਝ ਲੋਕ ਦਰਿਆ ਕਿਨਾਰੇ ਨਾਜਾਇਜ਼ ਮਾਈਨਿੰਗ ਕਰ ਰਹੇ ਹਨ। ਇਸ ਪਿੱਛੋਂ ਮਾਈਨਿੰਗ ਵਿਭਾਗ ਦੇ ਜੂਨੀਅਰ ਇੰਜੀਨੀਅਰ ਸੁਖਦੀਪ ਸਿੰਘ ਤੇ ਪੁਲਸ ਨੇ ਰਾਤ 8.45 ਵਜੇ ਪਿੰਡ ਸਰੋਟਾ ਵਿੱਚ ਉਸ ਥਾਂਛਾਪਾ ਮਾਰਿਆ। ਪੁਲਸ ਤੇ ਮਾਈਨਿੰਗ ਟੀਮ ਨੂੰ ਆਉਂਦੇ ਦੇਖ ਕੇ ਨਾਜਾਇਜ਼ ਮਾਈਨਿੰਗ ਕਰਦੇ ਲੋਕ ਭੱਜ ਗਏ, ਪਰ ਪੁਲਸ ਨੇ ਮੌਕੇ ਤੋਂ ਦੋ ਟਿੱਪਰ ਕਬਜ਼ੇ ਵਿੱਚ ਲੈ ਲਏ ਸਨ। ਜਾਂਚ ਪਿੱਛੋਂ ਪੁਲਸ ਨੇ ਜੇ ਈ ਸੁਖਦੀਪ ਸਿੰਘ ਦੀ ਸ਼ਿਕਾਇਤ ਉੱਤੇ ਜੈਸ਼ੰਕਰ ਸਟੋਰ ਕਰੱਸ਼ਰ ਦੇ ਖਿਲਾਫ ਕੇਸ ਦਰਜ ਕੀਤਾ ਅਤੇ ਕੌਂਸਲਰ ਅਮਿਤ ਕੁਮਾਰ ਦੀ ਪਛਾਣ ਮਗਰੋਂ ਉਸ ਦੀ ਗ੍ਰਿਫਤਾਰੀ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ।