* ਮੁੰਬਈ ਪੁਲਿਸ ਨੇ 1026 ਕਰੋੜ ਤੋਂ ਵੱਧ ਦੇ ਡਰੱਗ ਜ਼ਬਤ ਕੀਤੇ
ਮੁੰਬਈ, 16 ਅਗਸਤ, (ਪੋਸਟ ਬਿਊਰੋ)- ਮੁੰਬਈ ਪੁਲਿਸ ਨੇ ਅੱਜ ਗੁਜਰਾਤ ਵਿੱਚ ਇੱਕ ਡਰੱਗ ਫੈਕਟਰੀ ਦਾ ਪਤਾ ਲਾ ਕੇ 1,026 ਕਰੋੜ ਰੁਪਏ ਦਾ ਮੇਫੇਡ੍ਰੋਨ (ਨਸ਼ੀਲੇ ਪਦਾਰਥ) ਫੜਨ ਦਾ ਦਾਅਵਾ ਕੀਤਾ ਹੈ।
ਇਸ ਬਾਰੇ ਮੁੰਬਈ ਪੁਲਸ ਦੇ ਅਧਿਕਾਰੀਆਂ ਨੇ ਅੱਜ ਮੰਗਲਵਾਰ ਕਿਹਾ ਕਿ 10 ਦਿਨਾਂ ਵਿੱਚਅਸਲ ਵਿੱਚ ਦੂਸਰੀ ਵੱਡੀ ਸਫਲਤਾ ਹੈ। ਦੱਖਣੀ ਗੁਜਰਾਤ ਦੇ ਅੰਕਲੇਸ਼ਵਰ ਵਿੱਚਇਸ ਡਰੱਗ ਫੈਕਟਰੀ ਦਾ ਭੇਦ ਖੁੱਲ੍ਹਣ ਵੇਲੇ ਮੁੰਬਈ ਪੁਲਸ ਨੇ ਇੱਕ ਦੋਸ਼ੀ ਗ੍ਰਿਫਤਾਰ ਕੀਤਾ ਹੈ।ਇਸ ਤੋਂ ਪਹਿਲਾਂ ਮੁੰਬਈ ਪੁਲਿਸ ਨੇ 29 ਮਾਰਚ ਨੂੰ ਗੁਜਰਾਤ ਦੇ ਅੰਕਲੇਸ਼ਵਰ ਦੇ ਨਾਲ ਮੁੰਬਈ ਦੇ ਗੋਵੰਡੀ ਉਪ-ਨਗਰ, ਠਾਣੇ ਦੇ ਅੰਬਰਨਾਥ ਤੇ ਪਾਲਘਰ ਦੇ ਨਾਲਸੋਪਾਰਾ ਵਿੱਚ ਛਾਪੇ ਮਾਰ ਕੇ ਜਾਂਚ ਸ਼ੁਰੂ ਕੀਤੀ ਤਾਂ ਜ਼ਬਤ ਕੀਤੇ ਨਸ਼ੀਲੇ ਪਦਾਰਥਾਂ ਦੀ ਗਿਣਤੀ 2,435 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ।ਇਸਬਾਰੇ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ 13 ਅਗਸਤ ਨੂੰ ਹੋਈ ਕਾਰਵਾਈ ਵੇਲੇ ਵਰਲੀ ਦੀ ਐਂਟੀ ਨਾਰਕੋਟਿਕਸ ਸੈੱਲ ਨੇ 513 ਕਿਲੋ ਮੈਫੇਡ੍ਰੋਨ (ਨਸ਼ੀਲੇ ਪਦਾਰਥ) ਅਤੇ 812 ਕਿਲੋ ਚਿੱਟਾ ਪਾਊਡਰ ਤੇ 397 ਕਿਲੋ ਕੈਮੀਕਲ ਫੜਿਆ ਸੀ, ਜਿਸ ਦੀ ਵਰਤੋਂ ਨਸ਼ੀਲੇ ਪਦਾਰਥ ਬਣਾਉਣ ਲਈ ਹੁੰਦੀ ਹੈ। ਇੱਕ ਅਧਿਕਾਰੀ ਮੁਤਾਬਕ ਅੰਕਲੇਸ਼ਵਰ ਦੇ ਪਨੋਲੀ ਵਿੱਚ ਜੀਆਈਡੀਸੀ ਕੰਪਲੈਕਸਵਾਲੀਇਸ ਫੈਕਟਰੀਤੋਂ 10 ਦਿਨ ਪਹਿਲਾਂ ਗੁਜਰਾਤ ਦੀ ਹੱਦ ਨੇੜਲੇ ਪਾਲਘਰ ਜਿ਼ਲੇ ਦੇ ਨਾਲਸੋਪਾਰਾ ਕਸਬੇ ਤੋਂ 1,403 ਕਰੋੜ ਰੁਪਏ ਦੇ ਪਦਾਰਥ ਫੜੇ ਸਨ। ਇਸ ਕੇਸ ਵਿੱਚ ਸੱਤ ਲੋਕਾਂ ਨੂੰ ਫੜਿਆਗਿਆ ਹੈ, ਜਿਨ੍ਹਾਂ ਵਿੱਚ ਇੱਕ ਔਰਤ ਤੇ ਦੋ ਕੈਮੀਕਲ ਮਾਹਰ ਵੀ ਸਨ, ਜਿਨ੍ਹਾਂ ਨੇ ਨਸ਼ੇ ਬਣਾਉਣ ਲਈ ਕੈਮੀਕਲਜ਼ ਦਾ ਕੰਪਾਊਂਡ ਬਣਾਇਆ ਸੀ।
ਪੁਲਸ ਅਫਸਰ ਨੇ ਦੱਸਿਆ ਕਿ ਬੀਤੀ 4 ਅਗਸਤ ਨੂੰ ਐਂਟੀ ਨਾਰਕੋਟਿਕਸ ਸੈੱਲ (ਏਐਨਸੀ) ਨੇ ਨਾਲਸੋਪਾਰਾ ਤੋਂ ਜਦੋਂ ਦੋ ਨਸ਼ਾ ਤਸਕਰਾਂ ਸਣੇ ਤਿੰਨ ਲੋਕਾਂ ਨੂੰ ਫੜਿਆ ਸੀ ਤਾਂ ਕਰੀਬ 1403 ਕਰੋੜ ਰੁਪਏ ਕੀਮਤ ਦਾ 702 ਕਿੱਲੋ ਮੈਫੇਡ੍ਰੋਨ (ਨਸ਼ੀਲੇ ਪਦਾਰਥ) ਮਿਲਿਆ ਸੀ। ਫਿਰ 29 ਮਾਰਚ ਨੂੰ ਐਂਟੀ ਨਾਰਕੋਟਿਕਸ ਸੈੱਲ (ਏਐਨਸੀ) ਨੇ ਉੱਤਰ-ਪੂਰਬੀ ਮੁੰਬਈ ਦੇ ਗੋਵੰਡੀ ਤੋਂ ਇੱਕ ਔਰਤ ਸਣੇ ਤਿੰਨ ਨਸ਼ਾ ਤਸਕਰ ਫੜੇ ਤੇ ਅੰਬਰਨਾਥ ਸ਼ਹਿਰ ਦੇ ਇੱਕ ਕੈਂਪਸ ਵਿੱਚ ਛਾਪਾ ਮਾਰਿਆ ਤਾਂ 4.50 ਕਰੋੜ ਰੁਪਏ ਤੋਂ ਵੱਧ ਦੀ ਕੀਮਤ ਦਾ 3 ਕਿੱਲੋ ਮੈਫੇਡ੍ਰੋਨ ਮਿਲਣ ਦੇ ਬਾਅਦ ਇਸ ਡਰੱਗ ਚੇਨ ਦੇ ਕੁੰਡੇ ਖੋਲ੍ਹਦੀ ਹੋਈ ਮੁੰਬਈ ਪੁਲਸ ਅੱਜ ਇਸ ਵੱਡੀ ਕਾਮਯਾਬੀ ਤੱਕ ਜਾ ਪਹੁੰਚੀ ਹੈ।