* ਰੋਜ਼ਾਨਾ ਅੱਠ ਤੋਂ ਦਸ ਮੌਤਾਂ ਹੋਣ ਦੀ ਖਬਰ
ਨਵੀਂ ਦਿੱਲੀ, 16 ਅਗਸਤ, (ਪੋਸਟ ਬਿਊਰੋ)- ਦਿੱਲੀ ਵਿੱਚ ਕੋਵਿਡ-19 ਦੇ ਕੇਸਾਂ ਨੇ ਫਿਰ ਜ਼ੋਰ ਫੜ ਲਿਆ ਹੈ। ਪਿਛਲੇ ਕਈ ਦਿਨਾਂ ਤੋਂ ਰੋਜ਼ 2 ਹਜ਼ਾਰ ਜਾਂ ਇਸ ਤੋਂ ਵੱਧ ਕੇਸ ਆ ਰਹੇ ਹਨ ਅਤੇ ਕੋਰੋਨਾ ਨਾਲ ਰੋਜ਼ 8 ਤੋਂ 10 ਮਰੀਜ਼ ਮਰ ਰਹੇ ਹਨ। ਇਸ ਦੇ ਨਾਲ ਹਸਪਤਾਲਾਂ ਵਿੱਚਕੋਰੋਨਾ ਮਰੀਜ਼ਾਂ ਦੇ ਦਾਖ਼ਲੇ ਵਿੱਚ ਵੀ ਵਾਧਾ ਹੋਇਆ ਹੈ।
ਇਸ ਦੌਰਾਨ ਦਿੱਲੀ ਦੇ ਲੈਫਟੀਨੈਂਟ ਗਵਰਨਰ ਓ ਪੀ ਸਕਸੈਨਾ ਨੇ ਟਵੀਟ ਵਿੱਚ ਕਿਹਾ, ‘ਅਸੀਂ ਕੋਰੋਨਾ ਦੇ ਕੇਸਾਂ, ਇਨਫੈਕਸ਼ਨ ਰੇਟ ਅਤੇ ਦੋਬਾਰਾ ਇਨਫੈਕਸ਼ਨ ਦੇ ਕੇਸਾਂ ਵਿੱਚ ਲਗਾਤਾਰ ਵਾਧਾ ਦੇਖ ਰਹੇ ਹਾਂ। ਇਹ ਜ਼ਰੂਰੀ ਹੈ ਕਿ ਅਸੀਂ ਸਮਝੀਏ ਕਿ ਮਹਾਮਾਰੀ ਖਤਮ ਨਹੀਂ ਹੋਈ। ਮੈਂ ਸਭ ਨੂੰ ਕੋਰੋਨਾ ਪਰੋਟੋਕੋਲ ਦੀ ਸਖਤੀ ਨਾਲ ਪਾਲਣਾ ਦੀ ਅਪੀਲ ਕਰਦਾ ਹਾਂ।’ ਸਿਹਤ ਮਾਹਿਰ ਡਾ. ਸੁਨੀਲਾ ਗਰਗ ਮੁਤਾਬਕ ਕੋਵਿਡ-19 ਤੋਂ ਠੀਕ ਹੋਣ ਦੀ ਦਰ ਚੰਗੀ ਹੈ, ਪਰ ਹਸਪਤਾਲਾਂ ਵਿੱਚ ਦਾਖਲ ਮਰੀਜ਼ਾਂ ਦੀ ਗਿਣਤੀਵਧੀ ਹੈ।ਦਿੱਲੀ ਵਿੱਚ ਇਸ ਸਮੇਂ 9,000 ਤੋਂ ਵੱਧ ਕੋਵਿਡ ਬੈੱਡ ਹਨ ਅਤੇ 2,129 ਆਈਸੀਯੂ ਬੈੱਡਾਂ ਵਿੱਚੋਂ 20 ਮਰੀਜ਼ ਹਨ ਅਤੇ 65 ਮਰੀਜ਼ ਵੈਂਟੀਲੇਸ਼ਨ ਉੱਤੇ ਹਨ।ਸੁਨੀਲਾ ਗਰਗ ਨੇ ਕਿਹਾ ਕਿ ਘਬਰਾਉਣ ਦੀ ਲੋੜ ਨਹੀਂ, ਸਾਵਧਾਨੀ ਦੀ ਲੋੜ ਹੈ।ਅੱਜ ਸੋਮਵਾਰ ਨੂੰ ਰਾਜਧਾਨੀਦਿੱਲੀ ਵਿੱਚ ਕੋਵਿਡ ਦੇ 1,227 ਨਵੇਂ ਕੇਸ 14.57 ਫ਼ੀਸਦੀ ਦੀ ਇਨਫੈਕਸ਼ਨ ਰੇਟ ਨਾਲ ਆਏ ਅਤੇ ਪਿਛਲੇ 24 ਘੰਟਿਆਂ ਵਿੱਚ 8 ਮੌਤਾਂ ਹੋਈਆਂ ਹਨ।