ਟੋਰਾਂਟੋ, 16 ਅਗਸਤ (ਪੋਸਟ ਬਿਊਰੋ) : ਟੋਰਾਂਟੋ ਦੇ ਪੂਰਬੀ ਸਿਰੇ ਉੱਤੇ ਹਾਈਵੇਅ 401 ਉੱਤੇ ਇੱਕ ਵ੍ਹੀਕਲ ਵਿੱਚੋਂ ਡਿੱਗੇ ਟੋਟ ਕੰਟੇਨਰ ਨਾਲ ਟਕਰਾ ਜਾਣ ਕਾਰਨ ਇੱਕ ਮੋਟਰਸਾਈਕਲਿਸਟ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਿਆ।
ਮੰਗਲਵਾਰ ਨੂੰ ਦੁਪਹਿਰੇ 12:30 ਵਜੇ ਦੇ ਨੇੜੇ ਤੇੜੇ ਪੋਰਟ ਯੂਨੀਅਨ ਦੇ ਹਾਈਵੇਅ ਈਸਟ ਉੱਤੇ ਪੁਲਿਸ ਨੂੰ ਸੱਦਿਆ ਗਿਆ। ਓਪੀਪੀ ਸਾਰਜੈਂਟ ਕੈਰੀ ਸ਼ਮਿਡਟ ਨੇ ਆਖਿਆ ਕਿ ਕੰਟੇਨਰ 4¿4 ਦਾ ਸੀ ਤੇ ਉਸ ਨੂੰ ਸਹੀ ਢੰਗ ਨਾਲ ਬੰਨ੍ਹ ਕੇ ਨਹੀਂ ਸੀ ਰੱਖਿਆ ਗਿਆ।ਪੁਲਿਸ ਨੇ ਆਖਿਆ ਕਿ ਦੂਜਾ ਵ੍ਹੀਕਲ ਵੀ ਲੋਕੇਟ ਕਰ ਲਿਆ ਗਿਆ ਹੈ।
ਹਾਈਵੇਅ 401 ਦੀਆਂ ਮੀਡੋਵਾਲ ਤੋਂ ਬੌ੍ਰਕ ਰੋਡਜ਼ ਤੱਕ ਐਕਸਪ੍ਰੈੱਸ ਲੇਨਜ਼ ਨੂੰ ਬੰਦ ਕੀਤਾ ਗਿਆ ਹੈ। ਪੁਲਿਸ ਵੱਲੋਂ ਭਾਰੀ ਸਮਾਨ ਢੋਣ ਵਾਲੇ ਡਰਾਈਵਰਾਂ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ਉਹ ਆਪਣੇ ਸਮਾਨ ਨੂੰ ਚੰਗੀ ਤਰ੍ਹਾਂ ਬੰਨ੍ਹ ਕੇ ਤੇ ਸਾਂਭ ਕੇ ਲੈ ਕੇ ਜਾਣ।