ਓਨਟਾਰੀਓ, 15 ਅਗਸਤ (ਪੋਸਟ ਬਿਊਰੋ) : ਸੀਐਨਈ ਚਾਰ ਦਿਨ ਦੀ ਦੂਰੀ ਉੱਤੇ ਹੈ ਤੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੇਫਟੀ ਇੰਸਪੈਕਟਰਜ਼ ਦੇ ਹੜਤਾਲ ਉੱਤੇ ਹੋਣ ਦੇ ਬਾਵਜੂਦ ਮਿੱਡਵੇਅ ਰਾਈਡਜ਼ ਤੇ ਮੇਲੇ ਦੇ ਹਰ ਇਲਾਕੇ ਸੁਰੱਖਿਅਤ ਹਨ।
ਜਿ਼ਕਰਯੋਗ ਹੈ ਕਿ ਇਸ ਸਾਲ 21 ਜੁਲਾਈ ਨੂੰ ਟੈਕਨੀਕਲ ਸਟੈਂਡਰਡਜ਼ ਐਂਡ ਸੇਫਟੀ ਅਥਾਰਟੀ (ਟੀਐਸਐਸਏ) ਦੇ 170 ਸੇਫਟੀ ਇੰਸਪੈਕਟਰਾਂ ਦੇ ਹੜਤਾਲ ਉੱਤੇ ਜਾਣ ਨਾਲ ਸਥਿਤੀ ਕਾਫੀ ਭੰਬਲਭੂਸੇ ਵਾਲੀ ਹੈ। ਇਸ ਸਬੰਧ ਵਿੱਚ ਗੱਲਬਾਤ ਨਵੰਬਰ 2021 ਤੋਂ ਚੱਲ ਰਹੀ ਹੈ।ਐਤਵਾਰ ਨੂੰ ਓਨਟਾਰੀਓ ਪਬਲਿਕ ਸਰਵਿਸਿਜ਼ ਇੰਪਲੌਈਜ਼ ਯੂਨੀਅਨ (ਓਪੀਐਸਈਯੂ) ਦੇ ਮੈਂਬਰਾਂ ਨੇ ਐਗਜ਼ੀਬਿਸ਼ਨ ਗ੍ਰਾਊਂਡ ਦੇ ਸਾਹਮਣੇ ਧਰਨਾ ਦਿੱਤਾ। ਉਨ੍ਹਾਂ ਟੀਐਸਐਸਏ ਨੂੰ ਗੱਲਬਾਤ ਸੁ਼ਰੂ ਕਰਨ ਲਈ ਵੀ ਆਖਿਆ। ਉਨ੍ਹਾਂ ਚਿੰਤਾ ਪ੍ਰਗਟਾਉਂਦਿਆਂ ਆਖਿਆ ਕਿ ਹੜਤਾਲ ਉੱਤੇ ਗਏ ਮੈਂਬਰਾਂ ਕਾਰਨ ਸਬੰਧਤ ਰਾਈਡਜ਼ ਤੇ ਸਾਜ਼ੋਸਮਾਨ ਚੰਗੀ ਤਰ੍ਹਾਂ ਜਾਂਚੇ ਨਹੀਂ ਜਾ ਸਕੇ ਹੋਣਗੇ।
ਪਰ ਅਜਿਹੇ ਵਿੱਚ ਟੀਐਸਐਸਏ ਨੇ ਆਖਿਆ ਕਿ ਰਾਈਡਜ ਨੂੰ ਜਾਂਚਣ ਤੇ ਮੇਲੇ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਹੋਰ ਵਰਕਰ ਲਿਆਂਦੇ ਗਏ ਹਨ।