ਇਸਲਾਮਾਬਾਦ, 11 ਅਗਸਤ, (ਪੋਸਟ ਬਿਊਰੋ)- ਇਮਰਾਨ ਖਾਨ ਦੀ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ ਪਾਰਟੀ (ਪੀ ਟੀ ਆਈ) ਨੂੰ ਇਸਲਾਮਾਬਾਦ ਹਾਈ ਕੋਰਟ ਤੋਂ ਵੱਡਾ ਝਟਕਾ ਲੱਗਾ ਹੈ। ਕੋਰਟ ਨੇ ਪਾਕਿਸਤਾਨ ਦੇ ਚੋਣ ਕਮਿਸ਼ਨ ਵੱਲੋਂ 9 ਨੈਸ਼ਨਲ ਅਸੈਂਬਲੀ ਸੀਟਾਂ ਉੱਤੇਕਰਾਈਆਂ ਜਾ ਰਹੀਆਂ ਉਪ ਚੋਣਾਂ ਰੱਦ ਕਰਨ ਦੀ ਪੀ ਟੀ ਆਈ ਦੀ ਪਟੀਸ਼ਨ ਰੱਦ ਕਰ ਦਿੱਤੀ ਹੈ, ਜਿਸ ਨਾਲ ਚੋਣਾਂ ਹੋਣ ਦਾ ਰਾਹ ਖੁੱਲ੍ਹ ਗਿਆ ਹੈ।ਦਿ ਨਿਊਜ਼ ਇੰਟਰਨੈਸ਼ਨਲ ਦੀ ਰਿਪੋਰਟ ਮੁਤਾਬਕ ਪਟੀਸ਼ਨਰ ਨੂੰ ਸੰਬੋਧਨ ਕਰ ਕੇ ਹਾਈ ਕੋਰਟ ਨੇ ਕਿਹਾ ਕਿ ਚੋਣ ਪ੍ਰਕਿਰਿਆ ਜਾਰੀ ਰਹਿਣੀ ਚਾਹੀਦੀ ਹੈ ਅਤੇ ਬਾਕੀ 123 ਹਲਕਿਆਂ ਵਿੱਚ ਉਪ ਚੋਣਾਂ ਦੀ ਪ੍ਰਕਿਰਿਆ ਬਾਅਦ ਵਿੱਚ ਪੂਰੀ ਕੀਤੀ ਜਾਵੇਗੀ।
ਪੀ ਟੀ ਆਈ ਵੱਲੋਂ ਨੌਂ ਹਲਕਿਆਂ ਵਿੱਚ ਉਪ ਚੋਣਾਂ ਨੂੰ ਚੁਣੌਤੀ ਦੇਣ ਵਾਲੇ ਇਸ ਕੇਸ ਦੀ ਸੁਣਵਾਈਹਾਈ ਕੋਰਟ ਦੇ ਕਾਰਜਕਾਰੀ ਚੀਫ਼ ਜਸਟਿਸ ਆਮਿਰ ਫਾਰੂਕ ਨੇ ਕੀਤੀ, ਜਿੱਥੇਪੀ ਟੀ ਆਈ ਦੇ ਵਕੀਲ ਫੈਜ਼ਲ ਚੌਧਰੀ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਅਦਾਲਤ ਉਪ ਚੋਣ ਪ੍ਰੋਗਰਾਮ ਨੂੰ ਰੋਕੇ। ਅਦਾਲਤ ਨੇ ਵਕੀਲ ਨੂੰ ਇਸਦਾ ਕਾਨੂੰਨੀ ਕਾਰਨ ਦੱਸਣ ਨੂੰ ਕਿਹਾ। ਵਕੀਲ ਨੇ ਕਿਹਾ ਕਿ ਪੀ ਟੀ ਆਈ ਵੱਲੋਂਐੱਮ ਐੱਨ ਏ ਦੇ ਅਸਤੀਫ਼ੇ ਪੜਾਅਵਾਰ ਮਨਜ਼ੂਰ ਕਰਨ ਵਿਰੁੱਧ ਹਾਈ ਕੋਰਟ ਵਿੱਚਅਰਜ਼ੀ ਪੈਂਡਿੰਗ ਹੈ, ਜਿਸ ਵਿੱਚਦੱਸਿਆ ਹੈ ਕਿ ਪੀ ਟੀ ਆਈ ਦੇ 123 ਐੱਮ ਐੱਨ ਏ ਨੇ ਅਸਤੀਫਾ ਦਿੱਤਾ ਤਾਂ ਉੱਪ ਚੋਣਸਿਰਫ਼ ਨੌਂ ਸੀਟਾਂ ਦੀ ਨਹੀਂ,ਸਭ ਸੀਟਾਂ ਦੀ ਹੋਣੀ ਚਾਹੀਦੀ ਹੈ।ਕਾਰਜਕਾਰੀ ਚੀਫ਼ ਜਸਟਿਸ ਆਮਿਰ ਫਾਰੂਕ ਨੇ ਇਹ ਦਲੀਲ ਨਹੀਂ ਮੰਨੀ ਅਤੇ ਅਪੀਲ ਰੱਦ ਕਰ ਦਿੱਤੀ ਹੈ।
ਪਿਛਲੇ ਹਫਤੇ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ ਪਾਰਟੀ ਨੇ ਇਸਲਾਮਾਬਾਦ ਹਾਈ ਕੋਰਟ ਨੂੰ ਪਹੁੰਚ ਕੀਤੀ ਅਤੇ ਸਿਰਫ ਨੌਂ ਨੈਸ਼ਨਲ ਅਸੈਂਬਲੀ ਸੀਟਾਂ ਦਾ ਉਪ ਚੋਣ ਪ੍ਰੋਗਰਾਮ ਮੁਲਤਵੀ ਕਰਨ ਦੀ ਮੰਗ ਕੀਤੀ ਸੀ।