* ਲਾਲੂ ਦੇ ਪੁੱਤਰ ਤੇਜੱਸਵੀ ਯਾਦਵ ਨੇ ਮੰਤਰੀ ਵਜੋਂ ਸਹੁੰ ਚੁੱਕੀ
ਪਟਨਾ, 10 ਅਗਸਤ, (ਪੋਸਟ ਬਿਊਰੋ)- ਨਿਤੀਸ਼ ਕੁਮਾਰ ਰਿਕਾਰਡ ਅੱਠਵੀਂ ਵਾਰ ਬਿਹਾਰ ਰਾਜ ਦੇ ਮੁੱਖ ਮੰਤਰੀ ਬਣ ਗਏ ਹਨ।ਅੱਜ ਬੁੱਧਵਾਰ ਉਨ੍ਹਾ ਨੇ ਇੱਕ ਵਾਰ ਫਿਰ ਇਸ ਰਾਜ ਦੇ ਮੁੱਖ ਮੰਤਰੀ ਦੀ ਸਹੁੰ ਚੁੱਕੀ।ਗਵਰਨਰ ਫਾਗੂ ਚੌਹਾਨ ਨੇ ਪਟਨਾ ਦੇ ਰਾਜ ਭਵਨ ਵਿੱਚਹੋਏ ਸਮਾਰੋਹ ਵਿੱਚ ਨਿਤੀਸ਼ ਕੁਮਾਰ ਨੂੰ ਅਹੁਦੇ ਤੇ ਗੁਪਤਤਾ ਦੀ ਸਹੁੰ ਚੁਕਾਈ। ਨਿਤੀਸ਼ ਕੁਮਾਰ ਦੇ ਨਾਲਲਾਲੂ ਪ੍ਰਸਾਦ ਯਾਦਵ ਦੇ ਛੋਟੇ ਪੁੱਤਰ ਤੇਜੱਸਵੀ ਯਾਦਵ, ਜੋ ਪਹਿਲਾਂ ਬਿਹਾਰ ਦੇ ਉੱਪ ਮੁੱਖ ਮੰਤਰੀ ਸਨ, ਨੇ ਵੀਮੰਤਰੀ ਵਜੋਂ ਅਹੁਦੇ ਅਤੇ ਗੁਪਤਤਾ ਦੀ ਸਹੁੰ ਚੁੱਕੀ ਹੈ।
ਪਟਨਾ ਦੇ ਰਾਜ ਭਵਨ ਵਿੱਚ ਇਸ ਸਮਾਗਮ ਵਿੱਚ ਮਹਾਗਠਜੋੜ ਦੀਆਂ ਸਭਧਿਰਾਂ ਦੇ ਨੇਤਾ ਸਨ, ਪਰ ਭਾਜਪਾ ਦਾ ਕੋਈ ਵੱਡਾ ਨੇਤਾ ਨਹੀਂ ਆਇਆ। ਸਮਾਗਮ ਪਿੱਛੋਂ ਦੋਵਾਂ ਆਗੂਆਂ ਨੇ ਉੱਥੇ ਮੌਜੂਦ ਲੋਕਾਂ ਦਾ ਸਵਾਗਤ ਕੀਤਾ ਤੇ ਲੋਕਾਂ ਨੇ ਦੋਵਾਂ ਨੂੰ ਵਧਾਈ ਦਿੱਤੀ। ਸਮਾਗਮ ਵਿੱਚ ਸਾਬਕਾ ਮੁੱਖ ਮੰਤਰੀ ਰਾਬੜੀ ਦੇਵੀ ਤੋਂ ਇਲਾਵਾ ਲਾਲੂ ਪ੍ਰਸਾਦ ਯਾਦਵ ਦੇ ਵੱਡੇ ਪੁੱਤਰ ਤੇਜ ਪ੍ਰਤਾਪ ਯਾਦਵ ਅਤੇ ਤੇਜੱਸਵੀ ਯਾਦਵ ਦੀ ਪਤਨੀ ਰਾਜਸ਼੍ਰੀ ਯਾਦਵ ਮੌਜੂਦ ਸਨ। ਨਵੀਂ ਸਰਕਾਰ ਬਣਦੇ ਸਾਰ ਮੰਤਰੀ ਬਣਨ ਵਾਲਿਆਂ ਦੀ ਚਰਚਾ ਛਿੜ ਗਈ ਹੈ। ਇਸ ਮੌਕੇਖ਼ਬਰਾਂ ਹਨ ਕਿ ਗ੍ਰਹਿ ਵਿਭਾਗ ਨਿਤੀਸ਼ ਕੁਮਾਰ ਦੇ ਕੋਲ ਰਹੇਗਾ, ਜਿਸ ਦਾ ਰਸਮੀ ਐਲਾਨ ਹੋਣਾ ਬਾਕੀ ਹੈ ਅਤੇ ਤੇਜੱਸਵੀ ਯਾਦਵ ਨੂੰ ਹੋਰ ਪ੍ਰਮੁੱਖ ਵਿਭਾਗ ਮਿਲਣਗੇ।