1971 ਵਿੱਚ ਆਈ ਰਿਸ਼ੀਕੇਸ਼ ਮੁਖਰਜੀ ਦੇ ਨਿਰਦੇਸ਼ਨ ਵਾਲੀ ਕਲਾਸਿਕ ਫਿਲਮ ‘ਆਨੰਦ’ ਦਾ ਰੀਮੇਕ ਬਣ ਰਿਹਾ ਹੈ। ਹਾਲੇ ਤੈਅ ਨਹੀਂ ਕਿ ਇਸ ਵਿੱਚ ਰਾਜੇਸ਼ ਖੰਨਾ ਨੇ ਆਨੰਦ ਸਹਿਗਲ ਦਾ ਜੋ ਕਿਰਦਾਰ ਨਿਭਾਇਆ ਸੀ, ਉਸ ਨੂੰ ਇਸ ਰੀਮੇਕ ਵਿੱਚ ਕੌਣ ਨਿਭਾਏਗਾ। ਫਿਲਮ ਪ੍ਰੋਡਿਊਸਰ ਸਮੀਰ ਸਿੱਪੀ ਦੇ ਡੈਡੀ ਰਾਜ ਸਿੱਪੀ ਨੂੰ ਲੱਗਦਾ ਹੈ ਕਿ ਆਯੁਸ਼ਮਾਨ ਖੁਰਾਣਾ ਰਾਜੇਸ਼ ਖੰਨਾ ਵੱਲੋਂ ਨਿਭਾਏ ਉਸ ਰੋਲ ਨੂੰ ਇਕਦਮ ਪ੍ਰਫੈਕਟ ਰੂਪ ਦੇ ਸਕਦੇ ਹਨ। ਰਾਜ ਸਿੱਪੀ ਦਾ ਕਹਿਣਾ ਹੈ ਕਿ ਇਸ ਰੀਮੇਕ ਨਾਲ ਜੁੜੇ ਸਾਰੇ ਫੈਸਲੇ ਉਹੀ ਲਵੇਗਾ। ਉਹ ਪਿਤਾ ਵਜੋਂ ਉਸ ਨੂੰ ਸਿਰਫ ਗਾਈਡ ਕਰਨਗੇ, ਕਿਉਂਕਿ ਰਾਜ ਸਿੱਪੀ ਖਾਹਿਸ਼ ਦੱਸ ਚੁੱਕੇ ਹਨ, ਇਸ ਲਈ ਆਯੁਸ਼ਮਾਨ ਖੁਰਾਣਾ ਦਾ ਨਾਂਅ ਲਿਸਟ ਵਿੱਚ ਟੌਪ ਉੱਤੇ ਮੰਨਿਆ ਗਿਆ ਹੈ।
ਆਯੁਸ਼ਮਾਨ ਖੁਰਾਣਾ ਦੀਆਂ ਫਿਲਮਾਂ ਅੱਜ ਦੀ ਪੀੜ੍ਹੀ ਨੂੰ ਖੂਬ ਆਕਰਸ਼ਿਤ ਕਰਦੀਆਂ ਹਨ। ਬਾਕਸ ਆਫਿਸ ਉੱਤੇ ਉਹ ਦੂਸਰੇ ਵੱਡੇ ਸਟਾਰਾਂ ਦੀਆਂ ਫਿਲਮਾਂ ਮੁਕਾਬਲੇ ਕਮਾਲ ਕਰਦੀਆਂ ਹਨ। ਹਰ ਕਿਸੇ ਨੂੰ ਆਯੁਸ਼ਮਾਨ ਦੀਆਂ ਫਿਲਮਾਂ ਅਤੇ ਕੰਮ ਪਸੰਦ ਆ ਰਿਹਾ ਹੈ। ਉਹ ਜਿੱਦਾਂ ਦੇ ਅਨੋਖੇ ਸਬਜੈਕਟ ਵਾਲੀਆਂ ਫਿਲਮਾਂ ਕਰ ਰਹੇ ਹਨ ਉਹ ਵਾਕਈ ਕਾਬਿਲੇ ਤਾਰੀਫ ਹੈ। ਇੱਕ ਐਕਟਰ ਵਜੋਂ ਉਨ੍ਹਾਂ ਦਾ ਕੋਈ ਜਵਾਬ ਨਹੀਂ। ਮੌਜੂਦਾ ਸਮੇਂ ਹਾਲਤ ਵਿੱਚ ਕਿਸੇ ਪੁਰਾਣੀ ਕਲਾਸਿਕ ਦਾ ਰੀਮੇਕ ਬਣਾਉਣਾ ਸਭ ਤੋਂ ਵੱਧ ਚੁਣੌਤੀ ਪੂਰਨ ਮੰਨਿਆ ਜਾਂਦਾ ਹੈ। ਸਭ ਤੋਂ ਵੱਡੀ ਚੁਣੌਤੀ ਤਾਂ ਇਹੀ ਹੁੰਦੀ ਹੈ ਕਿ ਫਿਲਮ ਨੂੰ ਪੁਰਾਣੀ ਤੋਂ ਬਿਹਤਰ ਨਹੀਂ ਤਾਂ ਘੱਟ ਤੋਂ ਘੱਟ ਉਸ ਵਰਗਾ ਤਾਂ ਉਸ ਨੂੰ ਬਣਾਇਆ ਹੀ ਜਾਏ। ਸਾਊਥ ਦੀਆਂ ਫਿਲਮਾਂ ਦੇ ਰੀਮੇਕ ਖੂਬ ਚੱਲ ਰਹੇ ਹਨ, ਪ੍ਰੰਤੂ ਪੁਰਾਣੀਆਂ ਬਾਲੀਵੁੱਡ ਦੀਆਂ ਕਲਟ ਅਤੇ ਕਲਾਸਿਕ ਫਿਲਮਾਂ ਦੇ ਰੀਮੇਕ ਨੂੰ ਓਨਾ ਪਸੰਦ ਨਹੀਂ ਕੀਤਾ ਜਾਂਦਾ। ਇਸ ਦੀ ਵਜ੍ਹਾ ਇਹ ਵੀ ਹੈ ਕਿ ਅੱਜ ਦੀ ਕੋਈ ਨਵੀਂ ਜਨਰੇਸ਼ਨ ਪੁਰਾਣੀਆਂ ਕਲਟ ਫਿਲਮਾਂ ਨੂੰ ਲੱਭ-ਲੱਭ ਕੇ ਦੇਖ ਚੁੱਕੀ ਹੈ। ਇਸ ਕਾਰਨ ਉਹ ਉਨ੍ਹਾਂ ਫਿਲਮਾਂ ਦੇ ਬਾਰੇ ਸਾਰੀ ਜਾਣਕਾਰੀ ਰੱਖਦੇ ਹਨ।
ਆਯੁਸ਼ਮਾਨ ਖੁਰਾਣਾ ਨੇ ਆਪਣੇ ਬ੍ਰਾਂਡ ਸਿਨੇਮਾ ਨਾਲ ਆਪਣੀਆਂ ਗੱਲਾਂ ਨੂੰ ਵੱਧ ਤੋਂ ਵੱਧ ਦਰਸ਼ਕਾਂ ਤੱਕ ਪੁਚਾਉਂਦੇ ਹੋਏ ਉਨ੍ਹਾਂ ਇੰਟਰਟੇਨ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਆਯੁਸ਼ਮਾਨ ਖੁਰਾਣਾ ਦੀਆਂ ਫਿਲਮਾਂ ਨੂੰ ਜੋੜਨ ਵਾਲੀਆਂ ਕਹਾਣੀਆਂ ਹੀ ਦਿਖਾਈ ਜਾ ਰਹੀਆਂ ਹਨ। ਉਨ੍ਹਾਂ ਨੇ ਹਮੇਸ਼ਾ ਏਦਾਂ ਦੇ ਸਬਜੈਕਟ ਚੁਣੇ ਹਨ, ਜੋ ਲੋਕਾਂ ਨੂੰ ਇਕਜੁੱਟ ਕਰਦੇ ਹਨ। ਉਨ੍ਹਾਂ ਆਉਣ ਵਾਲੀਆਂ ਫਿਲਮਾਂ ਵਿੱਚ ‘ਅਨੇਕ’ ਅਤੇ ‘ਡਾਕਟਰ ਜੀ’ ਸ਼ਾਮਲ ਹਨ। ਆਯੁਸ਼ਮਾਨ ਖੁਰਾਣਾ ਕੁਝ ਦਿਨ ਪਹਿਲਾਂ ਹੀ ਲੰਡਨ ਤੋਂ ‘ਐਨ ਐਕਸ਼ਨ ਹੀਰੋ’ ਦੀ ਸ਼ੂਟਿੰਗ ਕਰ ਕੇ ਆਏ ਹਨ। ਇਸ ਵਿੱਚ ਪਹਿਲੀ ਵਾਰ ਉਹ ਐਕਸ਼ਨ ਕਿਰਦਾਰ ਨਿਭਾ ਰਹੇ ਹਨ। ਉਨ੍ਹਾਂ ਨੂੰ ਯਕੀਨ ਹੈ ਕਿ ਇਸ ਫਿਲਮ ਨੂੰ ਵੀ ਸਮਾਜ ਦੇ ਹਰ ਵਰਗ ਦਾ ਸਮਰਥਨ ਮਿਲੇਗਾ। ‘ਆਨੰਦ’ ਦੇ ਰੀਮੇਕ ਵਿੱਚ ਰਾਜੇਸ਼ ਖੰਨਾ ਵਾਲਾ ਕਿਰਦਾਰ ਚਾਹੇ ਕੋਈ ਕਰੇ, ਇਹ ਤੈਅ ਹੈ ਕਿ ਸ਼ਾਇਦ ਹੀ ਕੋਈ ਰਾਜੇਸ਼ ਖੰਨਾ ਵਰਗਾ ਚਾਰਮ ਪੈਦਾ ਕਰ ਸਕੇਗਾ। ਆਯੁਸ਼ਮਾਨ ਖੁਰਾਣਾ ਦੇ ਮੁਤਾਬਕ ਰਾਜੇਸ਼ ਖੰਨਾ ਦੀ ਹੀਰੋਇਜ਼ਮ ਨੂੰ ਪਰਦੇ ਉੱਤੇ ਉਤਾਰਨ ਬੇਹੱਦ ਮੁਸ਼ਕਲ ਕਰਨਾ ਹੋਵੇਗਾ, ਪਰੰਤੂ ਉਨ੍ਹਾਂ ਨੂੰ ਮੌਕਾ ਮਿਲਿਆ ਤਾਂ ਉਹੇ ਇਸ ਦੀ ਕੋਸ਼ਿਸ਼ ਜ਼ਰੂਰ ਕਰਨਗੇ।