ਅਲਵਰ, 10 ਅਗਸਤ (ਪੋਸਟ ਬਿਊਰੋ)- ਕੱਲ੍ਹ 70 ਸਾਲ ਤੋਂਵੱਧ ਉਮਰ ਦੇ ਬਜ਼ੁਰਗ ਜੋੜੇ ਦੇ ਘਰ ਕਿਲਕਾਰੀ ਗੂੰਜੀ। ਮਾਂ ਦੀ ਉਮਰ 70 ਸਾਲ ਅਤੇ ਪਿਤਾ ਦੀ ਉਮਰ 75 ਸਾਲ ਹੈ।
ਸ਼ਾਦੀ ਦੇ ਕਰੀਬ 54 ਸਾਲ ਬਾਅਦ ਦੋਨਾਂ ਨੂੰ ਪਹਿਲੀ ਸੰਤਾਨ ਹੋਈ ਹੈ।ਡਾਕਟਰ ਦਾ ਦਾਅਵਾ ਹੈ ਕਿ ਰਾਜਸਥਾਨ ਵਿੱਚ ਇਹ ਇਕੱਲਾ ਕੇਸ ਹੈ ਕਿ ਇੰਨੀ ਉਮਰ ਦੀ ਮਹਿਲਾ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ। ਆਈ ਵੀ ਐਫ ਤਕਨੀਕ ਨਾਲ ਦੁਨੀਆ ਵਿੱਚ ਪਹਿਲਾਂ ਵੀ ਕਈ ਬਜ਼ੁਰਗ ਜੋੜੇ 70-75 ਸਾਲ ਦੀ ਉਮਰ ਦੇ ਮਾਤਾ-ਪਿਤਾ ਬਣ ਚੁੱਕੇ ਹਨ। ਬੰਗਲਾਦੇਸ਼ ਦੇ ਯੁੱਧ ਵਿੱਚ ਝੰੁਝੁਨੂ ਦੇ ਨੁਹਨੀਆ ਪਿੰਡ ਦੇ ਸਾਬਕਾ ਸੈਨਿਕ ਗੋਪੀਚੰਦ ਨੂੰ ਪੈਰ ਵਿੱਚ ਗੋਲੀ ਲੱਗੀ ਸੀ। ਦੋਨਾਂ ਨੂੰ ਸੰਤਾਨ ਨਹੀਂ ਸੀ। ਗੋਪੀਚੰਦ ਦਾ ਕਹਿਣਾ ਹੈ ਕਿ ਪਹਿਲੀ ਸੰਤਾਨ ਦੀ ਖੁਸ਼ੀ ਕਿੱਦਾਂ ਜ਼ਾਹਿਰ ਕਰਾਂ, ਪਤਾ ਨਹੀਂ।ਉਸ ਦਾ ਕਹਿਣਾ ਹੈ, ਉਹ ਦੁਨੀਆ ਵਿੱਚ ਸਭ ਦੇ ਬਰਾਬਰ ਹੋ ਗਏ।ਕੁਣਬਾ ਅੱਗੇ ਵਧ ਸਕੇਗਾ। ਚੰਦਰਵਤੀ ਦੀਆਂ ਅੱਖਾਂ ਤੋਂ ਵਾਰ-ਵਾਰ ਖੁਸ਼ੀ ਦੇ ਅੱਥਰੂ ਨਿਕਲਦੇ ਹਨ। ਆਈ ਵੀ ਐਫ (ਇਨ੍ਹਾਂ ਵਿਟ੍ਰੋ ਫਟਿਰਲਾਇਜ਼ੇਸ਼ਨ) ਐਕਸਪਰਟ ਡਾ. ਪੰਕਜ ਗੁਪਤਾ ਕਹਿੰਦੇ ਹਨ, ਦੇਸ਼ ਵਿੱਚ ਇਸ ਉਮਰ ਵਿੱਚ ਬੱਚੇ ਪੈਦਾ ਹੋਣ ਦੇ ਗਿਣੇ-ਚੁਣੇ ਹੀ ਕੇਸ ਹਨ।ਰਾਜਸਥਾਨ ਦਾ ਸ਼ਾਇਦ ਇਹ ਪਹਿਲਾਂ ਕੇਸ ਹੈ, ਜਦੋਂ 75 ਸਾਲ ਦੇ ਪੁਰਸ਼ ਅਤੇ 70 ਸਾਲ ਦੀ ਮਹਿਲਾ ਨੂੰ ਸੰਤਾਨ ਪ੍ਰਾਪਤ ਹੋਈ ਹੈ।