*ਸਵੇਰੇ ਊਂਘਣ ਕਾਰਨ ਸੱਤ ਦੀ ਥਾਂ ਸਾਢੇ ਅੱਠ ਸਕੂਲ ਸ਼ੁਰੂ ਕੀਤਾ
ਬਰਾਜੀਲ, 8 ਅਗਸਤ (ਪੋਸਟ ਬਿਊਰੋ)- ਸਵੇਰੇ ਸਕੂਲ ਲਈ ਤਿਆਰ ਹੁੰਦੇ ਸਮੇਂ ਅਕਸਰ ਬੱਚੇ ਨੂੰ ਸ਼ਿਕਾਇਤ ਹੁੰਦੀ ਹੈ ਕਿ ਉਸ ਦੀ ਨੀਂਦ ਪੂਰੀ ਨਹੀਂ ਹੋਈ। ਕਈ ਵਾਰ ਬੱਚੇ ਚਿੜਚਿੜੇ ਹੋ ਜਾਂਦੇ ਅਤੇ ਸਕੂਲ ਨਾ ਜਾਣ ਦੇ ਬਹਾਨੇ ਬਣਾਉਂਦੇ ਹਨ। ਪਿੱਛੇ ਜਿਹੇ ਵਿੱਚ ਬਰਾਜ਼ੀਲ ਵਿੱਚ ਹੋਈ ਇੱਕ ਰਿਸਰਚ ਵਿੱਚ ਸਕੂਲ ਇੱਕ ਘੰਟਾ ਦੇਰੀ ਨਾਲ ਸ਼ੁਰੂ ਕਰ ਕੇ ਬੱਚਿਆਂ ਨੂੰ ਪੂਰੀ ਨੀਂਦ ਲੈਣ ਲਈ ਕਿਹਾ ਗਿਆ। ਇਸ ਦਾ ਅਸਰ ਇਹ ਰਿਹਾ ਕਿ ਬੱਚਿਆਂ ਦੇ ਰਿਜ਼ਲਟ ਸੁਧਰ ਗਏ।
ਅਸਲ ਵਿੱਚ ਬਰਾਜ਼ੀਲ ਦੇ ਕੁਝ ਮਾਹਰਾਂ ਨੇ ਫੈਡਰਲ ਯੂਨੀਵਰਸਿਟੀ ਆਫ ਅਮਰੀਕਾ ਦੇ ਮਾਹਰਾਂ ਦੀ ਅਗਵਾਈ ਵਿੱਚ ਸਟੱਡੀ ਦੋਰਾਨ ਇੱਕ ਘੰਟਾ ਦੇਰੀ ਨਾਲ ਸਕੂਲ ਸ਼ੁਰੂ ਹੋਣ ਉੱਤੇ ਬੱਚਿਆਂ ਦੀ ਨੀਂਦ ਅਤੇ ਇਮੋਸ਼ਨਲ ਹੈਲਥ ਬਾਰੇ ਮਾਨੀਟਿ੍ਰੰਗ ਕੀਤੀ। ਇਸ ਵਿੱਚ ਸਾਹਮਣੇ ਆਇਆ ਕਿ ਬਾਡੀ ਕਲਾਕ ਵਿੱਚ ਅੱਲੜ੍ਹ ਉਮਰ ਵਿੱਚ ਪਰਿਵਰਤਨ ਹੁੰਦਾ ਹੈ। ਉਨ੍ਹਾਂ ਨੂੰ ਅਕਸਰ ਅੱਠ ਤੋਂ ਨੌਂ ਵਜੇ ਵਿੱਚ ਉਬਾਸੀ ਆਉਂਦੀ ਤੇਉਹ9 ਤੋਂ 10 ਵਜੇ ਊਂਘਣ ਲੱਗਦੇ ਹਨ। ਬਰਾਜ਼ੀਲ ਦੇ ਪੈਲੋਟਿਨਾ ਦੇ ਹਾਈ ਸਕੂਲ ਵਿੱਚ 48 ਵਿਦਿਆਰਥੀਆਂ ਦੇ ਗਰੁੱਪ ਵਿੱਚ ਇਹ ਸਟੱਡੀ ਹੋਈ ਹੈ।ਟੀਮ ਨੇ ਚਾਰ ਵਿੱਚੋਂ ਦੋ ਗਰੁੱਪਾਂ ਦਾ ਸਕੂਲ ਸਾਢੇ ਸੱਤ ਵਜੇ ਸ਼ੁਰੂ ਕੀਤਾ ਅਤੇ ਦੋ ਗਰੁੱਪਾਂ ਦਾ ਇੱਕ ਘੰਟਾ ਲੇਟ ਸਾਢੇ ਅੱਠ ਵਜੇ ਤੋਂ ਸ਼ੁਰੂ ਕੀਤਾ। ਜਿਨ੍ਹਾਂ ਦੋ ਗਰੁੱਪਾਂ ਦਾ ਸਕੂਲ ਇੱਕ ਘੰਟਾ ਦੇਰੀ ਨਾਲ ਸ਼ੁਰੂ ਕੀਤਾ ਸੀ, ਉਨ੍ਹਾਂ ਵਿੱਚ ਪਾਜ਼ੀਟਿਵ ਬਦਲਾਅ ਆਏ। ਉਨ੍ਹਾਂ ਨੇ ਘੱਟ ਗੁੱਸਾ ਕੀਤਾ ਅਤੇ ਉਹ ਘੱਟ ਡਿਪਰੈਸ ਨਜ਼ਰ ਆਏ।