ਬਰਾਜੀਲ, 4 ਅਗਸਤ (ਪੋਸਟ ਬਿਊਰੋ)- ਬਾਡੀ ਬਿਲਡਰ ਲੋਕਾਂ ਵਿੱਚ ਬਾਇਸੈਪਸ ਵਧਾਉਣ ਦਾ ਤਗੜਾ ਚੈਲਿੰਜ ਹੁੰਦਾ ਹੈ। ਇੱਕ-ਇੱਕ ਇੰਚ ਉੱਤੇ ਬਾਜ਼ੀ ਪਲਟ ਜਾਂਦੀ ਹੈ। ਬਰਾਜ਼ੀਲ ਦੇ ਇੱਕ ਮਸ਼ਹੂਰ ਬਾਡੀ ਬਿਲਡਰ ਨੇ ਮਸਲਸ ਵਧਾਉਣ ਵਾਲੇ ਤੇਲ ਦੇ ਕਈ ਵਾਰ ਟੀਕੇ ਲਵਾਏ ਅਤੇ ਡਾਕਟਰਾਂ ਵੱਲੋਂ ਮਨ੍ਹਾ ਕਰਨ ਦੇ ਬਾਵਜੂਦ ਏਦਾਂ ਕੀਤਾ ਸੀ। ਹਾਲ ਹੀ ਵਿੱਚ ਅਚਾਨਕ ਉਸ ਦੀ ਮੌਤ ਹੋ ਗਈ। ਮੌਤ ਵੀ ਉਸ ਦਿਨ ਹੋਈ, ਜਿਸ ਦਿਨ ਉਸ ਦਾ 55ਵੇਂ ਜਨਮ ਦਿਨ ਸੀ।
ਇਸ ਵਿਅਕਤੀ ਦਾ ਨਾਂਅ ਵਲਦੀਰ ਸੇਗਾਟੋ ਹੈ। ਉਸ ਨੇ ਕਈ ਸਾਲ ਆਪਣੀ ਬਾਡੀ ਵਿੱਚ ਸਿੰਥੋਲ ਦੇ ਇੰਜੈਕਸ਼ਨ ਲਾਏ ਹਨ। ਇਸੇ ਕਾਰਨ ਉਸ ਦੇ ਸਰੀਰ ਦੇ ਕਈ ਮਸਲਸ ਫੁੱਲ ਗਏ ਅਤੇ ਉਹ ਝੂਲਣ ਲੱਗੇ ਸਨ। ਬਾਇਸੈਪਸ, ਬੈਕ ਮਸਲਸ ਉੱਤੇ ਇਸ ਦਾ ਕਾਫੀ ਬੁਰਾ ਅਸਰ ਪਿਆ ਸੀ। ਦੇਖਣ ਵਿੱਚ ਉਸ ਦੀ ਬਾਡੀ ਕਾਫੀ ਅਜੀਬ ਲੱਗਦੀ ਸੀ। ਸੇਗਾਟੋ ਨੇ ਆਪਣੇ ਪੁਰਾਣੇ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਉਸ ਨੂੰ ਅਰਨਾਲਡ ਸਵਾਜਨੇਗਰ ਕਾਫੀ ਪਸੰਦ ਹਨ। ਉਹ ਬਾਡੀ ਬਿਲਡਿੰਗ ਬਾਰੇ ਉਨ੍ਹਾਂ ਤੋਂ ਪ੍ਰੇਰਣਾ ਲੈਂਦੇ ਹਨ। ਇੱਥੋਂ ਤਕ ਕਿ ਉਸ ਦੀ ਬਾਡੀ ਦੇ ਕਾਰਨ ਇਲਾਕੇ ਦੇ ਲੋਕ ਉਸ ਨੂੰ ਹਲਕ ਕਹਿ ਕੇ ਬੁਲਾਉਂਦੇ ਸਨ। ਜਿਸ ਦਿਨ ਉਸ ਦੀ ਮੌਤ ਹੋਈ, ਉਸ ਨੂੰ ਸਾਹ ਲੈਣ ਵਿੱਚ ਦਿੱਕਤ ਹੋ ਰਹੀ ਸੀ। ਇਸ ਕਾਰਨ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸ ਦੀ ਮੌਤ ਹੋ ਗਈ।