ਕਾਮੇਡੀਅਨ ਅਮਿਤ ਟੰਡਨ ਇੱਕ ਵੈੱਬ ਸੀਰੀਜ਼ ਲਿਖ ਰਹੇ ਹਨ। ਇਹ ਸੀਰੀਜ਼ ਦਿੱਲੀ ਵਿੱਚ ਰੀਅਲ ਅਸਟੇਟ ਘੋਟਾਲਿਆਂ ਉੱਤੇ ਆਧਾਰਤ ਹੈ, ਜੋ ਇੱਕ ਕਾਮੇਡੀ ਡਰਾਮਾ ਹੋਵੇਗੀ। ਸਕ੍ਰਿਪਟ ਲਗਭਗ ਪੂਰੀ ਹੋ ਗਈ ਹੈ। ਕਈ ਓ ਟੀ ਟੀ ਪਲੇਟਫਾਰਮ ਦੇ ਨਾਲ ਗੱਲਬਾਤ ਚੱਲ ਰਹੀ ਹੈ।
ਅਮਿਤ ਕਹਿੰਦੇ ਹਨ, ‘ਮੇਰੇ ਦਰਸ਼ਕਾਂ ਨੇ ਸੋਸ਼ਲ ਮੀਡੀਆ ਰਾਹੀਂ ਮੇਰੇ ਕੰਮ ਨੂੰ ਦੇਖਿਆ ਹੈ। ਆਪਣੇ ਸ਼ਬਦਾਂ ਨਾਲ ਉਨ੍ਹਾਂ ਦਾ ਮਨੋਰੰਜਨ ਕਰਨ ਲਈ ਉਤਸ਼ਾਹਤ ਹਾਂ, ਜੋ ਜਲਦੀ ਹੀ ਸਟ੍ਰੀਮਿੰਗ ਪਲੇਟਫਾਰਮ ਉੱਤੇ ਵੀ ਸੀਰੀਜ਼ ਦੀ ਸ਼ਕਲ ਵਿੱਚ ਨਜ਼ਰ ਆਏਗਾ। ਮੈਂ ਆਪਣਾ ਕੰਟੈਂਟ ਖੁਦ ਲਿਖਦਾ ਹਾਂ, ਇਸ ਲਈ ਸੋਚਿਆ ਕਿ ਕਿਉਂ ਨਾ ਪੂਰੀ ਕਹਾਣੀ ਲਿਖਣ ਦਾ ਅਗਲਾ ਕਦਮ ਉਠਾਇਆ ਜਾਏ। ਵੈੱਬ ਸੀਰੀਜ਼ ਦੀ ਕਹਾਣੀ ਦਿੱਲੀ ਉਤੇ ਆਧਾਰਤ ਹੈ। ਮੈਂ ਇਸ ਵਿੱਚ ਆਪਣੇ ਪ੍ਰਸਨਲ ਕੁਮੈਂਟਸ ਵੀ ਜੋੜਾਂਗਾ। ਮੈਂ ਹਮੇਸ਼ਾ ਜੋਕਸ ਨਾਲ ਲੋਕਾਂ ਦਾ ਮਨੋਰੰਜਨ ਕੀਤਾ ਹੈ। ਮੈਂ ਡਿਜੀਟਲ ਕਹਾਣੀ ਦੀਆਂ ਬਰੀਕੀਆਂ ਨੂੰ ਸਮਝਦੇ ਹੋਏ ਵੈਬ ਸੀਰੀਜ਼ ਲਿਖ ਰਿਹਾ ਹਾਂ। ਜਲਦੀ ਹੀ ਇਹ ਸੀਰੀਜ਼ ਸ਼ੂਟ ਦੇ ਲਈ ਤਿਆਰ ਹੋਵੇਗੀ।”