ਪਤੀ, ‘‘ਜੇ ਤੂੰ ਇਸੇ ਤਰ੍ਹਾਂ ਫਜ਼ੂਲ ਖਰਚੀ ਕਰਦੀ ਰਹੀ ਤਾਂ ਇੱਕ ਦਿਨ ਭੀਖ ਮੰਗਣ ਦੀ ਨੌਬਤ ਆ ਜਾਵੇਗੀ।''
ਪਤਨੀ, ‘‘ਕੋਈ ਗੱਲ ਨਹੀਂ ਵੈਸੇ ਵੀ ਸਵੇਰੇ-ਸ਼ਾਮ ਤੁਹਾਡੇ ਤੋਂ ਪੈਸੇ ਮੰਗਣ ਨਾਲ ਮੈਨੂੰ ਭੀਖ ਮੰਗਣ ਦੀ ਪ੍ਰੈਕਟਿਸ ਹੋ ਗਈ ਹੈ।''
********
ਇੱਕ ਦੁਕਾਨਦਾਰ ਆਪਣੇ ਗਾਹਕ ਦੇ ਵਿਆਹ ਵਿੱਚ ਗਿਆ, ਖਾਣਾ ਖਾਣ ਤੋਂ ਬਾਅਦ ਸ਼ਗਨ ਦਾ ਲਿਫਾਫਾ ਫੜਾ ਕੇ ਆ ਗਿਆ, ਅਗਲੇ ਦਿਨ ਗਾਹਕ ਨੇ ਸਾਰੇ ਸ਼ਗਨ ਦੇ ਲਿਫਾਫੇ ਖੋਲ੍ਹੇ, ਦੁਕਾਨਦਾਰ ਦੇ ਲਿਫਾਫੇ ਵਿੱਚੋਂ ਸ਼ਗਨ ਦੀ ਜਗ੍ਹਾ ਇੱਕ ਪਰਚੀ ਨਿਕਲੀ, ਉਸ ਉੱਤੇ ਲਿਖਿਆ ਹੋਇਆ ਸੀ, ‘‘ਤੁਹਾਡਾ ਪਿਛਲਾ ਬਕਾਇਆ 1845 ਰੁਪਏ, ਵਿਆਹ ਦਾ ਸ਼ਗਨ ਜਮ੍ਹਾ 500 ਰੁਪਏ, ਬਾਕੀ ਟੋਟਲ 1345 ਰੁਪਏ ਬਕਾਇਆ ਜਲਦੀ ਦੇ ਜਾਣਾ।”
*********
ਇੱਕ ਲੜਕੀ ਬਾਬੇ ਕੋਲ ਗਈ ਤੇ ਬੋਲੀ, ‘‘ਬਾਬਾ ਜੀ, ਮੇਰਾ ਵਿਆਹ ਕਦੋਂ ਹੋਵੇਗਾ?''
ਬਾਬਾ, ‘‘ਬੇਟਾ, ਤੇਰਾ ਨਾਂ ਮੀਨਾ ਹੈ ਅਤੇ ਤੂੰ 12ਵੀਂ ਕਲਾਸ ਵਿੱਚ ਪੜ੍ਹਦੀ ਹੈਂ।''
ਲੜਕੀ, ‘‘ਹਾਂ ਬਾਬਾ ਜੀ, ਤੁਸੀਂ ਤਾਂ ਅੰਤਰਯਾਮੀ ਹੋ, ਅੱਗੇ ਦੱਸੋ।''
ਬਾਬਾ, ‘‘ਅੱਗੇ ਕੀ ਦੱਸਾਂ, ਅਗਲੀ ਵਾਰੀ ਜਨਮ ਕੁੰਡਲੀ ਲਿਆਈਂ, ਸਕੂਲ ਦਾ ਰਿਪੋਰਟ ਕਾਰਡ ਨਹੀਂ।''