ਕੰਗਨਾ ਰਨੌਤ ਆਪਣੀ ਅਗਲੀ ਫਿਲਮ ‘ਐਮਰਜੈਂਸੀ’ ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਕਿਰਦਾਰ ਵਿੱਚ ਆਉਣ ਵਾਲੀ ਹੈ ਅਤੇ ਮਰਹੂਮ ਨੇਤਾ ਜੈ ਪ੍ਰਕਾਸ਼ ਨਾਰਾਇਣ ਦੇ ਰੋਲ ਵਿੱਚ ਅਨੁਪਮ ਖੇਰ ਆਉਣਗੇ। ਇਸ ਦੌਰਾਨ ਭਾਰਤ ਰਤਨ ਨਾਲ ਸਨਮਾਨਿਤ ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਭਾਜਪਾ ਦੇ ਮਰਹੂਮ ਆਗੂ ਅਟਲ ਬਿਹਾਰੀ ਵਾਜਪਾਈ ਦਾ ਰੋਲ ਨਿਭਾਉਣ ਲਈ ਸ਼੍ਰੇਅਸ ਤਲਪੜੇ ਨੂੰ ਕਾਸਟ ਕੀਤਾ ਗਿਆ ਹੈ।
ਕੰਗਨਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਪੋਸਟ ਪਾ ਕੇ ਸ਼੍ਰੇਅਸ ਦਾ ਫਸਟ ਲੁਕ ਰਿਲੀਜ਼ ਕਰ ਦਿੱਤਾ ਹੈ। ਇਸ ਪੋਸਟਰ ਵਿੱਚ ਅਟਲ ਬਿਹਾਰੀ ਵਾਜਪਾਈ ਦੇ ਯੰਗ ਏਜ਼ ਦੀ ਝਲਕ ਦੇਖਣ ਨੂੰ ਮਿਲ ਰਹੀ ਹੈ। ਸ਼੍ਰੇਅਸ ਦੇ ਲੁਕ ਨੂੰ ਸ਼ੇਅਰ ਕਰਦੇ ਹੋਏ ਕੰਗਨਾ ਨੇ ਲਿਖਿਆ, ‘‘ਪੇਸ਼ ਹੈ ਫਿਲਮ ‘ਐਮਰਜੈਂਸੀ’ ਤੋਂ ਭਾਰਤ ਰਤਨ ਅਟਲ ਬਿਹਾਰੀ ਵਾਜਪਾਈ ਦੇ ਰੂਪ ਵਿੱਚ ਸ਼੍ਰੇਅਸ ਤਲਪੜੇ, ਸੱਚੇ ਰਾਸ਼ਟਰਵਾਦੀ, ਜਿਨ੍ਹਾਂ ਦਾ ਦੇਸ਼ ਲਈ ਪਿਆਰ ਤੇ ਮਾਣ ਅਨੋਖਾ ਸੀ, ਜੋ ਐਮਰਜੈਂਸੀ ਦੇ ਸਮੇਂ ਯੁਵਾ ਆਗਾਮੀ ਨੇਤਾ ਸਨ।” ਸ਼੍ਰੇਅਸ ਨੇ ਵੀ ਆਪਣੇ ਇਸ ਲੁਕ ਨੂੰ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕੀਤਾ ਹੈ।