ਕਿੱਚਾ ਸੁਦੀਪ ਦੀ ਫਿਲਮ ‘ਵਿਕਰਾਂਤ ਰੋਣਾ’ ਦੇ ਹਿੰਦੀ ਰੀਮੇਕ ਨੂੰ ਅਭਿਨੇਤਾ ਸਲਮਾਨ ਖਾਨ ਪੇਸ਼ ਕਰ ਰਹੇ ਹਨ। ਇਸ ਦੇ ਪ੍ਰੋਗਰਾਮ ਮੌਕੇ ਸਲਮਾਨ, ਕਿੱਚਾ ਸੁਦੀਪ, ਜੈਕਲਿਨ ਫਰਨਾਂਡੀਜ਼, ਰਿਤੇਸ਼ ਦੇਸ਼ਮੁਖ ਸਮੇਤ ਕਈ ਸਿਤਾਰੇ ਮੌਜੂਦ ਰਹੇ। ਇਸ ਮੌਕੇ ਫਿਲਮ ਦਾ ਪ੍ਰਮੋਸ਼ਨ ਕਰਨ ਬਾਰੇ ਸਲਮਾਨ ਨੇ ਕਿਹਾ ਕਿ ਉਹ ਨੁਕਸਾਨ ਵਿੱਚ ਨਹੀਂ ਰਹਿਣਾ ਚਾਹੁੰਦੇ ਹਨ। ਇਸ ਪ੍ਰੋਗਰਾਮ ਦੌਰਾਨ ਨਵੋਦਿਤ ਅਭਿਨੇਤਰੀ ਨੀਤਾ ਅਸ਼ੋਕ ਨੇਕਿਹਾ ਕਿ ਉਹ ਹੈਰਾਨ ਸੀ ਕਿ ਸਲਮਾਨ ਨੇ ਉਸ ਦੀ ਫਿਲਮ ਦੇ ਟ੍ਰੇਲਰ ਨੂੰ ਟਵੀਟ ਕੀਤਾ ਹੈ। ਇਸ ਉੱਤੇ ਸਲਮਾਨ ਨੇ ਕਿਹਾ ਕਿ ਮੈਂ ਇਹ ਕਰਨਾ ਚਾਹੁੰਦਾ ਸੀ, ਮੈਂ ਘਾਟੇ ਵਿੱਚ ਨਹੀਂ ਰਹਿਣਾ ਚਾਹੁੰਦਾ। ਸਾਊਥ ਦੀਆਂ ਫਿਲਮਾਂ ਬਹੁਤ ਚੰਗਾ ਕਰ ਰਹੀਆਂ ਹਨ।
ਸਾਊਥ ਸਿਨੇਮਾ ਦੇ ਹਿੰਦੀ ਸਿਨੇਮਾ ਉੱਤੇ ਹਾਵੀ ਹੋਣ ਬਾਰੇ ਪੁੱਛ ਗਏ ਸਵਾਲ ਦੇ ਜਵਾਬ ਵਿੱਚ ਕਿੱਚਾ ਸੁਦੀਪ ਨੇ ਕਿਹਾ ਕਿ ਹਰ ਫਿਲਮ ਸਫਲ ਨਹੀਂ ਹੁੰਦੀ, ਇਸ ਦਾ ਮਤਲਬ ਇਹ ਨਹੀਂ ਕਿ ਅਸੀਂ ਚੀਜ਼ਾਂ ਨੂੰ ਜਨਰਲਾਈਜ਼ ਕਰੀਏ ਕਿ ਇਹ ਉਸ ਉੱਤੇ ਭਾਰੀ ਪੈ ਰਹੀ ਹੈ। ਹਿੰਦੀ ਫਿਲਮ ਇੰਡਸਟਰੀ ਨੇ ਬਹੁਤ ਚੰਗਾ ਕੰਮ ਕੀਤਾ ਹੈ ਤਾਂ ਉਹ ਇੰਨੇ ਲੰਬੇ ਸਮੇਂ ਤੋਂ ਟਿਕੀ ਹੋਈ ਹੈ। ਇਸ ਉੱਤੇ ਸਲਮਾਨ ਨੇ ਉਨ੍ਹਾਂ ਨਾਲ ਸਹਿਮਤੀ ਜਤਾਉਂਦੇ ਹੋਏ ਕਿਹਾ ਕਿ ਅਸੀਂ ਸਭ ਬਿਹਤਰ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ। ਫਿਲਮ ਦੇ ਹਿੱਟ ਹੋਣ ਦਾ ਕੋਈ ਫਾਰਮੂਲਾ ਨਹੀਂ ਹੁੰਦਾ। ਉਥੇ ਮੌਜੂਦ ਰਿਤੇਸ਼ ਦੇਸ਼ਮੁਖ ਨੇ ਜੈਕਲਿਨ ਦੇ ਡਾਂਸ ਦੀ ਤਾਰੀਫ ਵਿੱਚ ਕਿਹਾ ਕਿ ਮੈਂ ਜੈਕਲੀਨ ਨੂੰ ਭਾਰਤੀ ਡਾਂਸ ਸਿੱਖਣ ਲਈ ਮਿਹਨਤ ਕਰਦੇ ਦੇਖਿਆ ਹੈ। ਉਸ ਦੇ ਬਾਅਦ ਉਨ੍ਹਾਂ ਨੇ ਕਈ ਬਿਹਤਰੀਨ ਡਾਂਸ ਵਾਲੇ ਗਾਣੇ ਕੀਤੇ। ਇਸ ਉੱਤੇ ਸਲਮਾਨ ਨੇ ਕਿਹਾ ਕਿ ਕੈਟਰੀਨਾ ਨੇ ਵੀ ਬਹੁਤ ਮਿਹਨਤ ਕੀਤੀ ਹੈ। ਇਸ ਉੱਤੇ ਰਿਤੇਸ਼ ਨੇ ਕਿਹਾ ਕਿ ਤੁਸੀਂ ਕੈਟਰੀਨਾ ਨਾਲ ਕੰਮ ਕੀਤਾ ਹੈ, ਮੈਂ ਜੈਕਲੀਨ ਨਾਲ।