ਅਭਿਨੇਤਾ ਅਪਾਰਸ਼ਕਤੀ ਖੁਰਾਣਾ ਆਪਣੀ ਨਵੀਂ ਫਿਲਮ ‘ਧੋਖਾ ਰਾਊਂਡ ਦਿ ਕੌਰਨਰ’ ਵਿੱਚ ਕਸ਼ਮੀਰੀ ਅੱਤਵਾਦੀ ਦੀ ਭੂਮਿਕਾ ਵਿੱਚ ਨਜ਼ਰ ਆਵੇਗਾ। ਇਸ ਫਿਲਮ ਵਿੱਚ ਮਨੁੱਖੀ ਰਿਸ਼ਤਿਆਂ ਦੇ ਵੱਖ-ਵੱਖ ਪਹਿਲੂਆਂ ਨੂੰ ਦਰਸਾਇਆ ਗਿਆ ਹੈ। ਇਸ ਬਾਰੇ ਅਪਾਰਸ਼ਕਤੀ ਨੇ ਕਿਹਾ, ‘ਧੋਖਾ’ ਨਾਲ ਮੈਂ ਪਹਿਲੀ ਵਾਰ ਇੱਕ ਵੱਖਰੀ ਸ਼ੈਲੀ ਦੀ ਫਿਲਮ ਕਰ ਰਿਹਾ ਹਾਂ। ਮੈਂ ਕਾਮੇਡੀ ਤੋਂ ਹਟ ਕੇ ਕੁਝ ਵੱਖਰਾ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ, ਮੇਰੇ ਵਿੱਚ ਭਰੋਸਾ ਸਿਰਫ ਕੁੱਕੀ ਗੁਲਾਟੀ ਤੇ ਭੂਸ਼ਣ ਕੁਮਾਰ ਨੇ ਪ੍ਰਗਟਾਇਆ। ਇਸ ਫਿਲਮ ਵਿੱਚ ਮਨੁੱਖੀ ਰਿਸ਼ਤਿਆਂ ਦੇ ਵੱਖਰੇ ਪਹਿਲੂ ਨੂੰ ਦਿਖਾਇਆ ਗਿਆ ਹੈ।
ਅਪਾਰਸ਼ਕਤੀ ਨੇ ਕਿਹਾ ਕਿ ਉਸ ਨੇ ਆਪਣੇ ਇਸ ਕਿਰਦਾਰ ਲਈ ਕਸ਼ਮੀਰੀ ਭਾਸ਼ਣ ਸਿੱਖਣ ਵਾਸਤੇ ਕਾਫੀ ਮਿਹਨਤ ਕੀਤੀ। ਇਸ ਤੋਂ ਇਲਾਵਾ ਕਿਰਦਾਰ ਦੀ ਮੰਗ ਅਨੁਸਾਰ ਕੁਝ ਭਾਰ ਵੀ ਘਟਾਇਆ ਅਤੇ ਉਸ ਨੂੰ ਆਪਣੇ ਵਾਲ ਵੀ ਛੋਟੇ ਕਰਨੇ ਪਏ। ਇਸ ਫਿਲਮ ਵਿੱਚ ਆਰ ਮਾਧਵਨ, ਖੁਸ਼ਾਲੀ ਕੁਮਾਰ ਤੇ ਦਰਸ਼ਨ ਕੁਮਾਰ ਵੀ ਅਹਿਮ ਭੂਮਿਕਾਵਾਂ ਵਿੱਚ ਹੋਣਗੇ। ਇਹ ਫਿਲਮ 23 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ।