ਜਲੰਧਰ, 30 ਜੂਨ (ਪੋਸਟ ਬਿਊਰੋ)- ਪੰਜਾਬ ਪਾਵਰਕਾਮ ਨੇ ਪੰਜਾਬ ਵਿੱਚ 14207 ਮੈਗਾਵਾਟ ਵੱਧ ਤੋਂ ਵੱਧ ਬਿਜਲੀ ਦੀ ਮੰਗ ਨੂੰ ਪੂਰਾ ਕਰਨ ਲਈ ਕੱਲ੍ਹ ਇੱਕ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ ਤੇ ਇਸ ਦੇ ਪਿਛਲੇ 14056 ਮੈਗਾਵਾਟ ਦੇ ਰਿਕਾਰਡ ਨੂੰ ਪਛਾੜ ਦਿੱਤਾ ਹੈ। ਇਸੇ ਤਰ੍ਹਾਂ ਪਾਵਰਕਾਮ ਨੇ ਕੱਲ੍ਹ 3220 ਲੱਖ ਯੂੁੁਨਿਟਾਂ ਦੇ ਪਹਿਲੇ ਰਿਕਾਰਡ ਦੇ ਮੁਕਾਬਲੇ 3256 ਲੱਖ ਯੂਨਿਟਾਂ ਨੂੰ ਸਪਲਾਈ ਕੀਤੀ। ਪਿਛਲੇ ਸਾਲ ਉਸੇ ਦਿਨ ਬਿਜਲੀ ਦੀ ਮੰਗ 12794 ਮੈਗਾਵਾਟ ਸੀ।
ਵਰਨਣ ਯੋਗ ਹੈ ਕਿ ਪੰਜਾਬ ਵਿੱਚ ਕੱਲ੍ਹ 15 ਵਿੱਚੋਂ 13 ਥਰਮਲ ਯੂੁਨਿਟ ਚੱਲਦੇ ਹਨ। ਰੋਪੜ ਥਰਮਲ ਪਲਾਂਟ ਦੇ ਸਾਰੇ ਚਾਰ ਯੂਨਿਟ ਤੇ ਲਹਿਰਾ ਮੁਹੱਬਤ ਵਾਲੇ ਤਿੰਨ ਯੂਨਿਟ 1330 ਮੈਗਾਵਾਟ ਬਿਜਲੀ ਚੱਲਦੇ ਹਨ। ਪ੍ਰਾਈਵੇਟ ਸੈਕਟਰ ਵਿੱਚ ਰਾਜਪੁਰਾ ਥਰਮਲ ਦੇ ਦੋਵੇਂ ਯੂਨਿਟ, ਤਲਵੰਡੀ ਸਾਬੋ ਦੇ ਤਿੰਨ ਵਿੱਚੋਂ ਦੋ ਯੂਨਿਟ ਅਤੇ ਜੀ ਵੀ ਕੇ ਵਾਲੇ ਦੋਵੇਂ ਯੂਨਿਟ 2980 ਮੈਗਾਵਾਟ ਬਿਜਲੀ ਪੈਦਾ ਕਰ ਰਹੇ ਹਨ। ਤਲਵੰਡੀ ਸਾਬੋ ਯੂਨਿਟ ਬਾਇਲਰ ਦੀ ਸਮੱਸਿਆ ਕਾਰਨ ਬੰਦ ਹੋ ਗਿਆ ਹੈ। ਹਾਈਡਰੋ ਜਨਰੇਸ਼ਨ ਲੱਗਭਗ 740 ਮੈਗਾਵਾਟ ਹੈ। ਰੋਪੜ ਅਤੇ ਲਹਿਰਾ ਮਹੱਬਤ ਪਲਾਂਟਾਂ ਵਿੱਚ ਕੋਲੇ ਦਾ ਭੰਡਾਰ 20 ਦਿਨਾਂ ਅਤੇ 14 ਦਿਨਾਂ ਦੇ ਕੋਲੇ ਦੇ ਸਟਾਕ ਲਈ ਕਾਫ਼ੀ ਹੈ। ਰਾਜਪੁਰਾ ਥਰਮਲ ਕੋਲ 21 ਦਿਨਾਂ ਦਾ ਸਟਾਕ ਹੈ। ਤਲਵੰਡੀ ਸਾਬੋ (5 ਦਿਨ) ਅਤੇ ਜੀਵੀਕੇ (3 ਦਿਨ) ਵਿੱਚ ਕੋਲੇ ਦੀ ਭੰਡਾਰ ਚਿੰਤਾ ਵਾਲਾ ਹੈ। ਕਈ ਸਾਲਾਂ ਪਿੱਛੋਂ ਰਣਜੀਤ ਸਾਗਰ ਡੈਮ ਪ੍ਰੋਜੈਕਟ ਦਾ ਇੱਕ ਯੂਨਿਟ ਕੰਡੈਂਸਰ ਮੋਡ ਵਿੱਚ ਚਲਾਇਆ ਜਾ ਰਿਹਾ ਹੈ ਤਾਂ ਜੋ ਸਿਸਟਮ ਵੋਲਟੇਜ ਵਿੱਚ ਸੁਧਾਰ ਤੇ ਗਰਿੱਡ ਸਥਿਰਤਾ ਲਈ ਰਿਐਕਟਿਵ ਪਾਵਰ ਪੈਦਾ ਹੋ ਸਕੇ।
ਇਸ ਦੌਰਾਨ ਪੰਜਾਬ ਦੇ ਨਾਲ ਲੱਗਦੇ ਹਰਿਆਣਾ ਵਿੱਚ ਬਿਜਲੀ ਦੀ ਮੰਗ ਨੇ ਵੀ 12540 ਮੈਗਾਵਾਟ ਦੀ ਵੱਧ ਤੋਂ ਵੱਧ ਬਿਜਲੀ ਦੀ ਮੰਗ ਨੂੰ ਪੂਰਾ ਕਰਨ ਦਾ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ।