ਜਲੰਧਰ, 30 ਜੂਨ (ਪੋਸਟ ਬਿਊਰੋ)- ਡਿਪਟੀ ਕਮਿਸ਼ਨਰ ਘਨਸ਼ਾਮ ਥੋਰੀ ਨੇ ਜ਼ਿਲ੍ਹੇ ਵਿੱਚੋਂਵਿਦੇਸ਼ ਭੇਜਣ ਅਤੇ ਸੈਂਟਲ ਕਰਨ ਦੇ ਬਹਾਨੇ ਭੋਲੇ-ਭਾਲੇ ਲੋਕਾਂ ਨਾਲ ਠੱਗੀ ਮਾਰਨ ਵਾਲੇ ਟ੍ਰੈਵਲ ਏਜੰਟਾਂ ਦੇ ਖ਼ਿਲਾਫ਼ ਪਿੱਛਲੇ ਸਖ਼ਤ ਰੁਖ ਧਾਰਨ ਕੀਤਾ ਹੋਇਆ ਹੈ। ਇਸ ਦੌਰਾਨ ਡਿਪਟੀ ਕਮਿਸ਼ਨਰ ਦੇ ਹੁਕਮ ਉੱਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਛੋਟੀ ਬਾਰਾਦਰੀ ਦੀ ਆਇਰਨ ਅਕੈਡਮੀ ਦੇ ਖ਼ਿਲਾਫ਼ ਸਖਤ ਕਾਰਵਾਈ ਕਰਦੇ ਹੋਏ ਉਸ ਲਾਈਸੈਂਸ ਸਸਪੈਂਡ ਕਰ ਦਿੱਤਾ ਹੈ। ਡੀ ਸੀ ਨੇ ਇਸ ਕੇਸ ਦੀ ਜਾਂਚ ਐਡੀਸ਼ਨਲ ਡਿਪਟੀ ਕਮਿਸ਼ਨਰ ਅਮਿਤ ਸਰੀਨ ਨੂੰ ਸੌਂਪ ਦਿੱਤੀ ਸੀ।
ਸ਼ਿਕਾਇਤਕਰਤਾ ਨੇ ਇਸ ਅਕੈਡਮੀ ਵੱਲੋਂ ਫੇਸਬੁੱਕ ਉੱਤੇ ਪਾਈ ਇਸ ਦੀ ਐਡ ਦਾ ਜ਼ਿਕਰ ਵੀ ਕੀਤਾ ਸੀ, ਜਿਸ ਉੱਤੇ ਪ੍ਰਸ਼ਾਸਨ ਨੇ ਅਕੈਡਮੀ ਨੂੰ ਨੋਟਿਸ ਜਾਰੀ ਕਰਨ ਬਾਰੇ ਰਿਕਾਰਡ ਵੇਖਿਆ ਤਾਂ ਅਕੈਡਮੀ ਨੂੰ ਲਾਇਸੈਂਸ ਕਿਸੇ ਹੋਰ ਥਾਂ ਦਾ ਜਾਰੀ ਹੋਇਆ ਸੀ।ਇਸ ਬਾਰੇ ਏ ਡੀ ਸੀ ਅਮਿਤ ਸਰੀਨ ਨੇ ਆਇਰਨ ਅਕੈਡਮੀ ਤੋਂ ਜਵਾਬ ਮੰਗਿਆ ਤਾਂ ਅਕੈਡਮੀ ਦੇ ਸੰਚਾਲਕ ਨੇ ਪ੍ਰਸ਼ਾਸਨ ਨੂੰ ਸਪੱਸ਼ਟੀਕਰਨ ਦਿੱਤਾ ਕਿ ਉਸ ਨੇ ਆਪਣਾ ਦਫ਼ਤਰ ਸ਼ਿਫਟ ਕਰ ਲਿਆ ਸੀ, ਪਰ ਕੋਰੋਨਾ ਦੀ ਮਹਾਮਾਰੀ ਕਾਰਨ ਉਹ ਇਸ ਸਬੰਧੀ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਸਬੰਧਤ ਵਿਭਾਗ ਨੂੰ ਜਾਣਕਾਰੀ ਨਹੀਂ ਦੇ ਸਕੇ। ਇਸ ਉੱਤੇ ਏ ਡੀ ਸੀ ਜਵਾਬ ਤੋਂ ਸੰਤੁਸ਼ਟ ਨਹੀਂ ਹੋਏ।ਉਨ੍ਹਾਂ ਦੀ ਰਾਏ ਸੀ ਕਿ ਕੋਰੋਨਾ ਦੇ ਕਹਿਰ ਘਟੇ ਲੰਬਾ ਸਮਾਂ ਬੀਤ ਚੁੱਕਾ ਹੈ ਅਤੇ ਉਨ੍ਹਾਂ ਨੇ ਅਕੈਡਮੀ ਦਾ ਲਾਇਸੈਂਸ ਨੂੰ ਸਸਪੈਂਡ ਕਰ ਦਿੱਤਾ ਹੈ।
ਇਸੇ ਤਰ੍ਹਾਂ ਦੇ ਇੱਕ ਕੇਸ ਵਿੱਚ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਇੱਕ ਹੋਰ ਟ੍ਰੈਵਲ ਏਜੰਸੀ ਆਰ ਐਸ ਗਲੋਬਲ ਉੱਤੇ ਨੂੰ ਸ਼ੋਅ-ਕਾਜ ਨੋਟਿਸ ਜਾਰੀ ਕੀਤਾ ਹੈ। ਇਸ ਦੇ ਖ਼ਿਲਾਫ਼ ਪ੍ਰਸ਼ਾਸਨ ਨੂੰ ਸ਼ਿਕਾਇਤ ਮਿਲੀ ਸੀ ਕਿ ਸੰਚਾਲਕ ਬਿਨਾ ਪਰਮਿਸ਼ਨ ਦੇ ਆਈਲੇਟਸ ਕਰਵਾ ਰਿਹਾ ਹੈ। ਸ਼ਿਕਾਇਤ ਦੇ ਨਾਲ ਏਜੰਟ ਵੱਲੋਂ ਆਈਲੇਟਸ ਸੈਂਟਰ ਸਬੰਧੀ ਸ਼ਿਕਾਇਤ ਵੀ ਨੱਥੀ ਸੀ। ਜਦੋਂ ਇਸ ਦੇ ਰਿਕਾਰਡ ਦੀ ਪੜਤਾਲ ਕੀਤੀ ਤਾਂ ਆਰ ਐਸ ਗਲੋਬਲ ਨੂੰ ਕੰਸਲੇਟੈਂਸੀ ਅਤੇ ਟ੍ਰੈਵਲ ਏਜੰਸੀ ਦਾ ਲਾਇਸੈਂਸ ਮਿਲਿਆ ਸੀ, ਜਦਕਿ ਆਰ ਐਸ ਗਲੋਬਲ ਬਿਨਾਂ ਲਾਇਸੈਂਸ ਦੇ ਆਈਲੇਟਸ ਸੈਂਟਰ ਚਲਾ ਰਿਹਾ ਸੀ। ਇਸੇ ਨੂੰ ਦੇਖਦੇ ਹੋਏ ਡਿਪਟੀ ਕਮਿਸ਼ਨਰ ਨੇ ਉਕਤ ਟ੍ਰੈਵਲ ਏਜੰਟ ਨੂੰ ਵੀ ਇਸ ਮਾਮਲੇ ਵਿੱਚ ਸ਼ੋਅ-ਕਾਜ ਨੋਟਿਸ ਜਾਰੀ ਕੀਤਾ ਹੈ।