ਅਨਿਲ ਕਪੂਰ ਨੇ ਪਿੱਛੇ ਜਿਹੇ ਇੱਕ ਇੰਟਰਵਿਊ ਦੌਰਾਨ ਖੁਲਾਸਾ ਕੀਤਾ ਹੈ ਕਿ ਫਿਲਮ ‘ਨੋ ਐਂਟਰੀ’ ਦਾ ਸੀਕਵਲ ਬਣਨ ਜਾ ਰਿਹਾ ਹੈ। ਨਾਲ ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਸਲਮਾਨ ਖਾਨ ਵੀ ਇਸ ਫਿਲਮ ਵਿੱਚ ਨਜ਼ਰ ਆਉਣਗੇ। ਇਸ ਦੀ ਸ਼ੂਟਿੰਗ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਸ਼ੁਰੂ ਕਰਨ ਦੀ ਉਮੀਦ ਹੈ।
ਅਨਿਲ ਨੇ ਅੱਗੇ ਕਿਹਾ, ‘‘ਲੋਕ ਫਿਲਮ ਦੀ ਉਡੀਕ ਕਰ ਰਹੇ ਹਨ। ਮੈਂ ਵੀ ਇਸ ਫਰੈਂਚਾਈਜ਼ੀ ਬਾਰੇ ਉਤਸ਼ਾਹਤ ਹਾਂ। ਅਨੀਸ ਬਜ਼ਮੀ ਅਤੇ ਸਲਮਾਨ ਜਲਦੀ ਹੀ ਸ਼ਟਿੰਗ ਦੀ ਟਾਈਮਲਾਈਨ ਤੈਅ ਕਰਨਗੇ।” ਇਸ ਫਿਲਮ ਵਿੱਚ ਤਿੰਨੋਂ ਐਕਟਰਾਂ ਦੇ ਟਿ੍ਰਪਲ ਰੋਲ ਵਿੱਚ ਹੋਣ ਦੀ ਸੰਭਾਵਨਾ ਹੈ। ਇਨ੍ਹਾਂ ਕਿਰਦਾਰਾਂ ਦੇ ਆਪੋਜ਼ਿਟ ਕਰੀਬ 10 ਮਹਿਲਾ ਕਿਰਦਾਰ ਹਨ। ਇਸ ਫਿਲਮ ਨਾਲ ਫਰਦੀਨ ਖਾਨ ਲੰਬੇ ਸਮੇਂ ਬਾਅਦ ਬਾਲੀਵੁੱਡ ਵਿੱਚ ਵਾਪਸੀ ਕਰਨਗੇ।