ਬਾਲਾਸੌਰ, 30 ਜੂਨ (ਪੋਸਟ ਬਿਊਰੋ)- ਭਾਰਤ ਨੇ ਉੜੀਸਾ ਨੇੜੇ ਚਾਂਦੀਪੁਰ ਵਾਲੀਟੈਸਟਿੰਗ ਰੇਂਜ (ਆਈ ਟੀ ਆਰ) ਤੋਂ ਦੇਸ਼ ਵਿੱਚ ਵਿਕਸਿਤ ਕੀਤੇ ਤੇਜ਼ ਰਫਤਾਰ ਨਾਲ ਵੱਡੇਰੇ ਟੀਚੇ ਵਾਲੇ ਮਨੁੱਖ ਰਹਿਤ ਜਹਾਜ਼ ਅਭਿਆਸ ਦਾ ਸਫਲ ਟੈਸਟ ਕੀਤਾ ਹੈ। ਇਸ ਬਾਰੇ ਬਿਆਨ ਵਿੱਚ ਕਿਹਾ ਗਿਆ ਕਿ ਜਹਾਜ਼ ਨੇ ਘੱਟ ਉਚਾਈ ਉੱਤੇ ਉਡਾਣ ਭਰੀ, ਜਿਸ ਨੂੰ ਲਗਾਤਾਰ ਕਾਇਮ ਰੱਖਿਆ ਗਿਆ ਅਤੇਟੈਸਟਿੰਗ ਦੀ ਨਿਗਰਾਨੀ ਆਈ ਟੀ ਆਰ ਵੱਲੋਂ ਤੈਨਾਤ ਰਾਡਾਰ ਤੇ ਇਲੈਕਟਰੋ ਆਪਟੀਕਲ ਟਾਰਗੈਟਿੰਗ ਸਿਸਟਮ ਸਮੇਤ ਹੋਰ ਉਪਕਰਨਾਂ ਰਾਹੀਂ ਕੀਤੀ ਗਈ।
ਡੀ ਆਰ ਡੀ ਓ (ਫੌਜੀ ਖੋਜ ਸੰਸਥਾ) ਦੇ ਐਰੋਨਾਟੀਕਲ ਵਿਕਾਸ ਵਿਭਾਗ ਨੇ ‘ਅਭਿਆਸ' ਦਾ ਡਿਜ਼ਾਈਨ ਤਿਆਰ ਕੀਤਾ ਅਤੇ ਜਹਾਜ਼ ਨੂੰ ਵਿਕਸਤ ਕੀਤਾ ਹੈ।ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਡੀ ਆਰ ਡੀ ਓ ਅਤੇ ਹਥਿਆਰਬੰਦ ਬਲਾਂ ਨੂੰ ‘ਅਭਿਆਸ' ਦੇ ਸਫਲ ਉਡਾਣ ਲਈ ਵਧਾਈ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਸਿਸਟਮ ਦੇ ਵਿਕਾਸ ਨਾਲ ਹਵਾਈ ਟੀਚਿਆਂ ਦੀਆਂ ਜ਼ਰੂਰਤਾਂ ਪੂਰੀਆਂ ਕਰਨ ਵਿੱਚ ਮਦਦ ਮਿਲੇਗੀ।