ਅਭਿਨੇਤਾ ਰਣਬੀਰ ਕਪੂਰ ਆਪਣੇ ਸਹਿਯੋਗੀ ਕਲਾਕਾਰਾਂ ਸੰਜੇ ਦੱਤ, ਵਾਣੀ ਕਪੂਰ ਅਤੇ ਨਿਰਦੇਸ਼ਕ ਕਰਣ ਮਲਹੋਤਰਾ ਨਾਲ ਫਿਲਮ ‘ਸ਼ਮਸ਼ੇਰਾ’ ਦਾ ਟਰੇਲਰ ਲਾਂਚ ਕਰਨ ਲਈ ਤਿੰਨ ਸ਼ਹਿਰਾਂ ਦਾ ਦੌਰਾ ਕਰਨਗੇ। ਰਣਬੀਰ ਦਾ ਕਹਿਣਾ ਹੈ ਕਿ ਉਹ ਫਿਲਮ ‘ਸ਼ਮਸ਼ੇਰਾ’ ਦੀ ਮਸ਼ਹੂਰੀ ਲਈ ਬਹੁਤ ਉਤਸ਼ਾਹਤ ਹੈ।
ਦੱਸਣਾ ਬਣਦਾ ਹੈ ਕਿ ਫਿਲਮ ‘ਸ਼ਮਸ਼ੇਰਾ’ ਦੀ ਕਹਾਣੀ ਕਾਲਪਨਿਕ ਸ਼ਹਿਰ ਕਾਜ਼ਾ ਉਤੇ ਆਧਾਰਤ ਹੈ, ਜਿੱਥੇ ਇੱਕ ਕਬੀਲੇ ਦੇ ਯੋਧੇ ਨੂੰ ਤਾਨਾਸ਼ਾਹ ਜਰਨੈਲ ਸ਼ੁੱਧ ਸਿੰਘ ਵੱਲੋਂ ਕੈਦ ਵਿੱਚ ਤਸੀਹੇ ਦਿੱਤੇ ਜਾਂਦੇ ਹਨ। ਕਰਣ ਮਲਹੋਤਰਾ ਦੇ ਨਿਰਦੇਸ਼ਨ ਵਾਲੀ ਇਸ ਫਿਲਮ ਦਾ ਨਿਰਮਾਣ ਆਦਿੱਤਿਆ ਚੋਪੜਾ ਵੱਲੋਂ ਕੀਤਾ ਗਿਆ ਹੈ। ਇਹ ਫਿਲਮ 22 ਜੁਲਾਈ ਨੂੰ ਹਿੰਦੀ, ਤਮਿਲ ਅਤੇ ਤੇਲਗੂ ਭਾਸ਼ਾ ਵਿੱਚ ਰਿਲੀਜ਼ ਹੋਵੇਗੀ।