ਨਵੀਂ ਦਿੱਲੀ, 24 ਜੂਨ (ਪੋਸਟ ਬਿਊਰੋ)- ‘ਹੈਲੋੋ ਮੈਂ ਸ਼ੇਅਰ ਮਾਰਕੀਟ ਤੋਂ ਬੋਲਦੀ ਹਾਂ, ਜੇ ਤੁਸੀਂ ਸ਼ੇਅਰ ਮਾਰਕੀਟ ਵਿੱਚ ਟ੍ਰੇਡਿੰਗ ਕਰੋਗੇ ਤਾਂ ਮੈਂ ਤੁਹਾਨੂੰ ਮੋਟਾ ਮੁਨਾਫਾ ਦਿਵਾ ਸਕਦੀ ਹਾਂ। ਇਸ ਤਰ੍ਹਾਂ ਵਟਸਐਪ ਕਾਲ ਕਰਕੇ ਇੱਕ ਲੜਕੀ ਨੇ ਦੋ ਲੋਕਾਂ ਤੋਂ ਕਰੋੜਾਂ ਰੁਪਏ ਠੱਗ ਲਏ ਹਨ, ਜਿਸ ਬਾਰੇ ਪੁਲਸ ਜਾਂਚ ਕਰ ਰਹੀ ਹੈ।
ਵਸੰਤ ਵਿਹਾਰ ਦੀ ਅੰਕੁਰ ਕੌਸ਼ਿਕ ਨੂੰ 6 ਮਾਰਚ 2022 ਨੂੰ ਵਟਸਐਪ ਕਾਲ ਆਈ, ਜਿਸ ਵਿੱਚ ਇੱਕ ਲੜਕੀ ਨੇ ਆਪਣਾ ਨਾਮ ਐਨੀ ਦੱਸਿਆ ਅਤੇ ਕਿਹਾ ਕਿ ਉਹ ਸਿੰਗਾਪੁਰ ਤੋਂ ਇੱਕ ਟ੍ਰੇਡਿੰਗ ਕੰਪਨੀ ਤੋਂ ਗੱਲ ਕਰ ਰਹੀ ਹੈ। ਉਸ ਨੇ ਕਿਹਾ ਕਿ ਟ੍ਰੇਡਿੰਗ ਵਿੱਚ ਨਿਵੇਸ਼ ਕਰਨ ਉੱਤੇ ਕਈ ਗੁਣਾ ਰਿਟਰਨ ਮਿਲ ਸਕਦਾ ਹੈ।ਇਸ ਦੇ ਲਈ ਉਸ ਨੇ ਅੰਕੁਰ ਦੇ ਮੋਬਾਈਲ ਵਿੱਚ ਕੁਝ ਐਪਸ ਡਾਊਨਲੋਡ ਕਰਾਏ। ਇੱਕ ਮਹੀਨੇ ਦੇ ਅੰਦਰ ਅੰਕੁਰ ਦੇ ਮੋਬਾਈਲ ਵਿੱਚ ਡਾਊਨਲੋਡ ਐਪ ਦੇ ਵਾਲੇਟ ਵਿੱਚ 3.10 ਕਰੋੜ ਰੁਪਏ ਦਿਸਣ ਲੱਗੇ। ਉਨ੍ਹਾਂ ਨੇ ਕੰਪਨੀ ਵੱਲੋਂ ਕਿਹਾ ਕਿ ਕਰੀਬ 1.24 ਕਰੋੜ ਰੁਪਏ ਕਮੀਸ਼ਨ ਵਜੋਂ ਦੇਣ ਉੱਤੇ ਇਹ ਪੈਸੇ ਮਿਲੇਣਗੇ, ਅਜਿਹੇ ਵਿੱਚ ਉਨ੍ਹਾਂ ਨੇ ਉਹ ਪੈਸੇ ਦੇ ਦਿੱਤੇ। ਇਸ ਦੇ ਬਾਅਦ ਉਨ੍ਹਾਂ ਤੋਂ ਹੋਰ ਪੈਸੇ ਮੰਗੇ ਜਾਣ ਲੱਗੇ।ਇਸ ਉੱਤੇ ਉਨ੍ਹਾਂ ਨੂੰ ਠੱਗੀ ਦਾ ਅਹਿਸਾਸ ਹੋਇਆ। ਇਸੇ ਤਰ੍ਹਾਂਇੱਕ ਹੋਰ ਵਿਅਕਤੀ, ਜੋ ਥਿਨਲੇਸ ਨਮਗੈਸ ਕੰਪਨੀ ਵਿੱਚ ਕਈ ਸਾਲਾਂ ਤੋਂ ਕੰਮ ਕਰਦਾ ਹੈ, ਨੂੰ ਜੁਲਾਈ 2021 ਵਿੱਚ ਇੱਕ ਵਾਟਸਐਪ ਉੱਤੇ ਕਾਲ ਆਈ। ਉਸ ਦੇ ਨਾਲ ਵੀ ਇਸੇ ਤਰ੍ਹਾਂ 1.26 ਕਰੋੜ ਰੁਪਏ ਦੀ ਠੱਗੀ ਕੀਤੀ ਗਈ।