ਮੁੰਬਈ, 23 ਜੂਨ, (ਪੋਸਟ ਬਿਊਰੋ)- ਸਿ਼ਵ ਸੈਨਾ ਦੇ ਵਿਧਾਇਕਾਂ ਦੀ ਬਗਾਵਤ ਕਾਰਨ ਮਹਾਰਾਸ਼ਟਰ ਵਿੱਚ ਮਹਾਵਿਕਾਸ ਅਘਾੜੀ ਗਠਜੋੜ ਸਰਕਾਰ ਦਾ ਅੰਤ ਤੈਅ ਜਾਪਦਾ ਹੈ। ਇਸ ਮੌਕੇਸਿ਼ਵ ਸੈਨਾ ਨੇਤਾ ਸੰਜੇ ਰਾਉਤ ਨੇ ਕਿਹਾ ਕਿ ਜੇ ਬਾਗੀ ਵਿਧਾਇਕ 24 ਘੰਟਿਆਂ ਵਿੱਚ ਮੁੜ ਆਉਣ ਤਾਂ ਸਿ਼ਵ ਸੈਨਾ ਆਪਣਾ ਗੱਠਜੋੜ ਛੱਡਣ ਲਈ ਤਿਆਰ ਹੈ।
ਪਾਰਟੀ ਦੇ ਮੁੱਖ ਬੁਲਾਰੇ ਸੰਜੇ ਰਾਉਤ ਨੇ ਕਿਹਾ ਕਿ‘ਸਿ਼ਵ ਸੈਨਾ ਦੇ ਵਿਧਾਇਕਾਂ ਨੂੰ ਗੁਹਾਟੀ ਤੋਂ ਗੱਲ ਨਹੀਂ ਕਰਨੀ ਚਾਹੀਦੀ, ਮੁੰਬਈ ਮੁੜਨਾ ਤੇ ਮੁੱਖ ਮੰਤਰੀ ਨਾਲ ਇਸ ਬਾਰੇ ਵਿਚਾਰ ਕਰਨੀ ਚਾਹੀਦੀ ਹੈ। ਜੇ ਸਾਰੇ ਵਿਧਾਇਕ ਚਾਹੁਣ ਤਾਂ ਅਸੀਂ ਮਹਾਵਿਕਾਸ ਅਗਾੜੀ ਛੱਡਣਬਾਰੇ ਸੋਚਣਨੂੰ ਤਿਆਰ ਹਾਂ, ਪਰ ਉਹਏਥੇ ਆ ਕੇ ਮੁੱਖ ਮੰਤਰੀ ਨਾਲ ਗੱਲ ਕਰਨ।’ ਸੰਜੇ ਰਾਉਤ ਦੇ ਇਸ ਬਿਆਨ ਨਾਲ ਰਾਜਨੀਤੀ ਵਿੱਚ ਭੂਚਾਲ ਆ ਗਿਆ ਹੈ। ਇਸ ਤੋਂ ਪਹਿਲਾਂ ਸੰਜੇ ਰਾਉਤ ਨੇ 21 ਬਾਗੀ ਵਿਧਾਇਕਾਂ ਨਾਲ ਸੰਪਰਕ ਦਾ ਦਾਅਵਾ ਕਰ ਕੇ ਕਿਹਾ ਸੀ ਕਿ ਮੁੱਖ ਮੰਤਰੀ ਊਧਵ ਠਾਕਰੇ ਛੇਤੀ ਹੀ ਵਰਸ਼ਾ ਬੰਗਲੇ ਵਿੱਚ ਮੁੜਨਗੇ। ਉਨ੍ਹਾਂ ਕਿਹਾ ਕਿ ਗੁਹਾਟੀ ਤੋਂ 21 ਵਿਧਾਇਕਾਂ ਦਾ ਸਾਡੇ ਨਾਲ ਸੰਪਰਕ ਹੈ ਅਤੇ ਉਹ ਸਾਡੇ ਨਾਲ ਆਉਣਗੇ।
ਦੂਸਰੇ ਪਾਸੇ ਸਿ਼ਵ ਸੈਨਾ ਆਗੂ ਸੰਜੇ ਰਾਉਤ ਦੇ ਬਿਆਨ ਪਿੱਛੋਂ ਮਹਾਰਾਸ਼ਟਰ ਕਾਂਗਰਸ ਦੇ ਪ੍ਰਧਾਨ ਨਾਨਾ ਪਟੋਲੇ ਨੇ ਕਿਹਾ, ‘ਅਸੀਂ ਭਾਜਪਾ ਨੂੰ ਸੱਤਾ ਵਿੱਚ ਆਉਣ ਤੋਂ ਰੋਕਣ ਲਈ ਸਿ਼ਵ ਸੈਨਾ ਦੇ ਨਾਲ ਹਾਂ। ਸਾਰੀ ਖੇਡ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਕਾਰਨ ਹੋਈ ਹੈ। ਕਾਂਗਰਸ ਫਲੋਰ ਟੈਸਟ ਲਈਤਿਆਰ ਹੈ। ਅਸੀਂ ਮਹਾਵਿਕਾਸ ਅਗਾੜੀ ਦੇ ਨਾਲ ਹਾਂ ਤੇ ਰਹਾਂਗੇ, ਸਾਨੂੰ ਸੱਤਾ ਦਾ ਲਾਲਚ ਨਹੀਂ।’ ਪਟੋਲੇ ਨੇ ਕਿਹਾ ਕਿ ਜੇ ਸਿ਼ਵ ਸੈਨਾ ਕਿਸੇ ਹੋਰ ਦਾ ਗਠਜੋੜ ਕਰਨਾ ਚਾਹੁੰਦੀ ਹੈ ਤਾਂ ਸਾਨੂੰ ਸਮੱਸਿਆ ਨਹੀਂ। ਇਸ ਤੋਂ ਇਲਾਵਾ ਮਹਾ ਵਿਕਾਸ ਅਗਾੜੀਦੀ ਸਹਿਯੋਗੀ ਐੱਨਸੀਪੀ ਪਾਰਟੀ ਦੇ ਨੇਤਾ ਜਯੰਤ ਪਾਟਿਲ ਨੇ ਟਵੀਟ ਕੀਤਾ ਹੈ ਕਿ ਮਹਾਰਾਸ਼ਟਰ ਵਿਕਾਸ ਅਗਾੜੀ ਮਹਾਰਾਸ਼ਟਰ ਦੇ ਵਿਕਾਸ ਤੇ ਭਲਾਈ ਲਈ ਬਣਾਈ ਸਰਕਾਰ ਹੈ। ਅਸੀਂ ਅੰਤ ਤੱਕ ਊਧਵ ਠਾਕਰੇ ਨਾਲ ਮਜ਼ਬੂਤੀ ਨਾਲ ਖੜੇ ਹਾਂ। ਮੈਨੂੰ ਯਕੀਨ ਹੈ ਕਿ ਕੋਈ ਵੀ ਸੱਚਾ ਸਿ਼ਵ ਸੈਨਿਕ ਉਹ ਵਿਹਾਰ ਨਹੀਂ ਕਰੇਗਾ ਜੋ ਬਾਲਾ ਸਾਹਿਬ ਠਾਕਰੇ ਦੇ ਵਿਚਾਰਾਂ ਨਾਲ ਧੋਖਾ ਕਰਦਾ ਹੋਵੇ।’