ਕਰਣ ਜੌਹਰ ਦੀ ਅਗਲੀ ਫਿਲਮ ‘ਜੁਗ ਜੁਗ ਜੀਓ’ ਰਿਲੀਜ਼ ਦੇ ਪਹਿਲੇ ਤੋਂ ਵਿਵਾਦਾਂ ਵਿੱਚ ਘਿਰੀ ਹੋਈ ਹੈ। ਰਾਂਚੀ ਦੇ ਰਾਈਟਰ ਨੇ ਕਰਣ ਉਤੇ ਫਿਲਮ ਦੀ ਕਹਾਣੀ ਕਾਪੀ ਕਰਨ ਦਾ ਦੋਸ਼ ਲਾਇਆ ਸੀ। ਹਾਲ ਹੀ ਵਿੱਚ ਫਿਲਮ ਉੱਤੇ ਲੱਗੇ ਕਾਪੀਰਈਟ ਕੇਸ ਵਿੱਚ ਰਾਂਚੀ ਸਿਵਲ ਕੋਰਟ ਨੇ ਇੱਕ ਹੁਕਮ ਦਿੱਤਾ ਹੈ। ਕਮਰਸ਼ੀਅਲ ਕੋਰਟ ਦੁਆਰਾ ਦਿੱਤੇ ਹੁਕਮ ਵਿੱਚ ਰਿਲੀਜ਼ ਤੋਂ ਪਹਿਲਾਂ ਫਿਲਮ ਦੀ ਸਕਰੀਨਿੰਗ ਕੋਰਟ ਵਿੱਚ ਕੀਤੀ ਜਾਏਗੀ।
ਰਾਂਚੀ ਬੇਸਡ ਰਾਈਟਰ ਵਿਸ਼ਾਲ ਸਿੰਘ ਨੇ ਕਰਣ ਉਤੇ ਦੋਸ਼ ਲਗਾਇਆ ਹੈ ਕਿ ‘ਜੁਗ ਜੁਗ ਜੀਓ’ ਦਾ ਕੰਟੈਂਟ ਉਸ ਦੀ ਕਹਾਣੀ ‘ਪਤਨੀ ਰਾਣੀ’ ਵਰਗਾ ਹੈ। ਉਸ ਨੇ ਕਿਹਾ ਕਿ ਉਸ ਦੀ ਕਹਾਣੀ ਫਿਲਮ ਵਿੱਚ ਬਿਨਾਂ ਉਨ੍ਹਾਂ ਨੂੰ ਕ੍ਰੈਡਿਟ ਦਿੱਤੇ ਯੂਜ਼ ਕੀਤੀ ਗਈ ਹੈ। ਉਸ ਨੇ ਫਿਲਮ ਉਤੇ ਰੋਕ ਲਾਉਣ ਲਈ ਕਿਹਾ ਹੈ, ਨਾਲ 1.5 ਕਰੋੜ ਰੁਪਏ ਦੇ ਮੁਆਵਜ਼ੇ ਦੀ ਮੰਗ ਵੀ ਕੀਤੀ ਹੈ। ਸਿਨੇਮਾਘਰ ਵਿੱਚ ਰਿਲੀਜ਼ ਤੋਂ ਪਹਿਲਾਂ ਦੀ ਸਕਰੀਨਿੰਗ ਕੋਰਟ ਵਿੱਚ ਹੋਵੇਗੀ। ਜਸਟਿਸ ਐੱਮ ਸੀ ਝਾਅ ਫਿਲਮ ਦੇਖਣ ਪਿੱਛੋਂ ਫੈਸਲਾ ਲੈਣਗੇ ਕਿ ‘ਜੁਗ ਜੁਗ ਜੀਓ’ ਨੇ ਕਾਪੀਰਾਈਟ ਐਕਟ ਦਾ ਉਲੰਘਣ ਕੀਤਾ ਹੈ ਜਾਂ ਨਹੀਂ। ਕਰਣ ਨੇ ਫਿਲਮ ਨੂੰ ਪ੍ਰੋਡਿਊਸ ਕੀਤਾ ਹੈ। ਫਿਲਮ ਨੂੰ 24 ਜੂਨ 2022 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤਾ ਜਾਏਗਾ।