ਲੰਡਨ, 22 ਜੂਨ (ਪੋਸਟ ਬਿਊਰੋ)- ਕੁਝ ਲੋਕ ਉਮਰ ਅਤੇ ਜ਼ੋਖਮ ਦੋਨੋਂ ਉੱਤੇ ਫਤਿਹ ਕਰਨ ਦਾ ਹੁਨਰ ਬਾਖੂਬੀ ਜਾਣਦੇ ਹਨ। ਮੌਤ ਨੂੰ ਨਾ ਸਿਰਫ਼ ਚਕਮਾ ਦੇਣ ਵਿੱਚ ਮਾਹਿਰ ਹੁੰਦੇ ਹਨ ਸਗੋਂ ਆਪਣੇ ਬੁਲੰਦ ਹੌਸਲਿਆਂ ਨਾਲ ਖੁਦ ਨੂੰ ਅਜਿਹਾ ਮਜ਼ਬੂਤ ਬਣਾ ਲੈਂਦੇ ਹਨ ਕਿ ਮੌਤ ਵੀ ਡਰਨ ਲੱਗੇ।
ਇੱਕ ਸੁਪਰਫਿਟ ਦਾਦੀ ਦੋ ਵਾਰ ਕੈਂਸਰ ਨੂੰ ਮਾਤ ਦੇ ਕੇ ਐਥਲੀਟ ਬਣ ਗਈ ਅਤੇ ਰਿਕਾਰਡਾਂ ਦੀ ਭਰਮਾਰ ਕਰ ਦਿੱਤੀ।75 ਸਾਲ ਦੀ ਉੇਮਰ ਪਾਰ ਸੁਪਰਫਿਟ ਗ੍ਰੇਨੀ ਪੈਟ ਰੀਵਸ ਨੂੰ 36 ਸਾਲ ਦੀ ਉਮਰੇ ਪਹਿਲੀ ਵਾਰ ਬ੍ਰੇਨ ਟਿਊਮਰ ਦਾ ਪਤਾ ਲੱਗਾ ਸੀ, ਪਰ ਮਾਯੂਸ ਹੋ ਕੇਹਿੰਮਤ ਹਾਰ ਕੇ ਬੈਠਣ ਦੀ ਥਾਂ ਉਸਨੇ ਲਿਫਟਿੰਗ ਸ਼ੁਰੂ ਕਰ ਦਿੱਤੀ। ਜਿਮ ਵਿੱਚ ਪਸੀਨਾ ਵਹਾਇਆ ਤੇ ਮੌਤ ਨੂੰ ਮਾਤ ਦਿੱਤੀ ਪਰ ਉਸ ਨੂੰ ਦੁਬਾਰਾ ਕੈਂਸਰ ਦਾ ਸਾਹਮਣਾ ਕਰਨਾ ਪਿਆ। 1982 ਤੋਂ ਬਾਅਦ ਤੋਂ ਦੋ ਵਾਰ ਕੈਂਸਰ ਵਰਗੀ ਜਾਨਲੇਵਾ ਬੀਮਾਰੀ ਦਾ ਸ਼ਿਕਾਰ ਹੋਈ ਪਰ ਖੁਦ ਨੂੰ ਮਜ਼ਬੂਤ ਬਣਾਈ ਰੱਖਣ ਦੇ ਲਈ ਪਾਵਰ ਲਿਫਟਿੰਗ ਅਤੇ ਮੈਰਾਥਨ ਵਿੱਚ ਇੰਨੀ ਐਕਟਿਵ ਹੋ ਗਈ ਕਿ 200 ਤੋਂ ਜ਼ਿਆਦਾ ਰਿਕਾਰਡ ਤੋੜ ਚੁੱਕੀ ਹੈ। 10 ਸਾਲਾਂ ਤਕ ਨੈਸ਼ਨਲ ਤੇ ਇੰਟਰਨੈਸ਼ਨਲ ਗਲੋਬਲ ਮੁਕਾਬਲਿਆਂ ਵਿੱਚ ਭਾਗ ਲੈ ਕੇ ਆਪਣੇ ਸੁਨਹਿਰੇ ਦਿਨਾਂ ਵਿੱਚ 42 ਕਿਲੋਗ੍ਰਾਮ ਵਰਗ ਵਿੱਚ 135 ਕਿਲੋਗ੍ਰਾਮ ਦੀ ਵੇਟ ਲਿਫਟਿੰਗ ਕੀਤੀ। ਕਿਸਮਤ ਇੱਕ ਵਾਰ ਫਿਰ ਉਸ ਨੂੰ ਅਜਮਾਉਣਾ ਚਾਹੁੰਦੀ ਸੀ ਅਤੇ 48 ਸਾਲ ਦੀ ਉਮਰ ਵਿੱਚ ਫਿਰ ਟਰਮੀਨਲ ਕੈਂਸਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਵਾਰ 1993 ਵਿੱਚ ਉਸ ਨੇ ਆਸਟਿਯੋਸਾਰਕੋਮਾ ਹੋ ਗਿਆ, ਜੋ ਇੱਕ ਤਰ੍ਹਾਂ ਦਾ ਹੱਡੀ ਦਾ ਕੈਂਸਰ ਸੀ।ਪੈਟ ਨੇ 2022 ਵਿੱਚ 60 ਕਿਲੋਗ੍ਰਾਮ ਚੁੱਕ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ, ਜੋ ਉਸਦੀ ਉਮਰ ਅਤੇ ਭਾਰ ਵਰਗ ਲਈ ਇੱਕ ਨਵਾਂ ਰਿਕਾਰਡ ਸੀ। 2005 ਵਿੱਚ ਬ੍ਰਿਟਿਸ਼ ਡਰੱਗ ਫਰੀ ਪਾਵਰ ਲਿਫਟਿੰਗ ਐਸੋਸੀਏਸ਼ਨ ਵਿੱਚ ਸ਼ਾਮਲ ਹੋਣ ਪਿੱਛੋਂ ਪੈਟ ਨੇ ਲੱਗਭਗ 200 ਰਿਕਾਰਡ ਤੋੜੇ ਅਤੇ ਉਹ 135 ਕਿਲੋਗ੍ਰਾਮ ਭਾਰ ਚੁੱਕ ਸਕਦੀ ਹੈ।