ਓਨਟਾਰੀਓ, 24 ਮਈ (ਪੋਸਟ ਬਿਊਰੋ) : ਅੱਜ ਓਨਟਾਰੀਓ ਦੀਆਂ ਮੁੱਖ ਸਿਆਸੀ ਪਾਰਟੀਆਂ ਦੇ ਆਗੂ ਗ੍ਰੇਟਰ ਟੋਰਾਂਟੋ ਏਰੀਆ ਵਿੱਚ ਕੈਂਪੇਨ ਚਲਾਉਂਦੇ ਨਜ਼ਰ ਆਉਣਗੇ।
ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਆਗੂ ਡੱਗ ਫੋਰਡ ਬਰੈਂਪਟਨ, ਓਨਟਾਰੀਓ ਰਵਾਨਾ ਹੋ ਗਏ ਹਨ ਤੇ ਅੱਜ ਸਵੇਰੇ ਉਹ ਇੱਥੇ ਅਹਿਮ ਐਲਾਨ ਕਰਨਗੇ। ਲਿਬਰਲ ਆਗੂ ਸਟੀਵਨ ਡੈਲ ਡੂਕਾ ਟੋਰਾਂਟੋ ਦੇ ਆਲੇ ਦੁਆਲੇ ਕੁੱਝ ਥਾਂਵਾਂ ਉੱਤੇ ਰੁਕਣਗੇ। ਐਨਡੀਪੀ ਆਗੂ ਐਂਡਰੀਆ ਹੌਰਵਥ ਨੂੰ ਪਿਛਲੇ ਹਫਤੇ ਕੋਵਿਡ-19 ਹੋ ਗਿਆ ਸੀ, ਪਰ ਅੱਜ ਉਹ ਪਿੱਕਰਿੰਗ, ਓਨਟਾਰੀਓ ਵਿੱਚ ਰੁਕ ਕੇ ਲਾਂਗ ਟਰਮ ਕੇਅਰ ਵਿੱਚ ਆਪਣੇ ਕਿਸੇ ਜੀਅ ਨੂੰ ਗੁਆ ਚੁੱਕੇ ਪਰਿਵਾਰਾਂ ਲਈ ਆਪਣੀ ਪਾਰਟੀ ਦੇ ਪਲੈਨ ਨੂੰ ਸਾਂਝਾ ਕਰੇਗੀ।
ਐਤਵਾਰ ਨੂੰ ਹੌਰਵਥ ਦੀ ਥਾਂ ਉੱਤੇ ਉਨ੍ਹਾਂ ਦੀ ਪਾਰਟੀ ਦੇ ਆਗੂ ਜਗਮੀਤ ਸਿੰਘ ਨੇ ਹਾਜ਼ਰੀ ਲਵਾਈ ਸੀ। ਗ੍ਰੀਨ ਆਗੂ ਮਾਈਕ ਸ਼ਰੇਨਰ ਨੂੰ ਵੀ ਕੋਵਿਡ-19 ਹੋ ਗਿਆ ਸੀ, ਪਰ ਉਹ ਵੀ ਅੱਜ ਵਰਚੂਅਲ ਕੈਂਪੇਨ ਹੀ ਚਲਾਉਣਗੇ।