Welcome to Canadian Punjabi Post
Follow us on

25

June 2022
ਬ੍ਰੈਕਿੰਗ ਖ਼ਬਰਾਂ :
ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਨੇ ਬਾਦਲ ਪਰਵਾਰ ਦਾ ਸੁਖਵਿਲਾਸ ਰਿਜ਼ੋਰਟ ਵੀ ਨਿਸ਼ਾਨੇ ਉੱਤੇ ਰੱਖਿਆਅਫਗਾਨਿਸਤਾਨ ਵਿੱਚ 6.1 ਸਕੇਲ ਦੀ ਤੀਬਰਤਾ ਦਾ ਭੂਚਾਲ, ਮੌਤਾਂ ਦੀ ਗਿਣਤੀ 1000 ਨੂੰ ਟੱਪੀਦੋ ਖੇਤੀਬਾੜੀ ਅਫਸਰਾਂ ਨੇ 2 ਕਰੋੜ 55 ਲੱਖ ਦੀ ਕਣਕ ਮੰਡੀ ਵਿੱਚ ਵੇਚ ਦਿੱਤੀਸੰਜੇ ਪੋਪਲੀ ਦੀ ਗ੍ਰਿਫ਼ਤਾਰੀ ਪਿੱਛੋਂ ਭ੍ਰਿਸ਼ਟਾਚਾਰ ਵਿਰੋਧੀ ਹੈਲਪਲਾਈਨ ਉੱਤੇ ਸ਼ਿਕਾਇਤਾਂ ਵਧੀਆਂਊਧਵ ਠਾਕਰੇ ਸਰਕਾਰ ਦਾ ਸੰਕਟ: ਏਕਨਾਥ ਸਿ਼ੰਦੇ ਵੱਲੋਂ 40 ਵਿਧਾਇਕ ਨਾਲ ਹੋਣ ਦਾ ਦਾਅਵਾਮੱਧ ਪ੍ਰਦੇਸ਼ ਦੀ ਸਿ਼ਵਰਾਜ ਸਰਕਾਰ ਵੱਲੋਂ 200 ਨਰਸਿੰਗ ਕਾਲਜਾਂ ਦੀ ਮਾਨਤਾ ਰੱਦਭਾਰਤੀ ਮੂਲ ਦੀ ਡਾ. ਆਰਤੀ ਪ੍ਰਭਾਕਰ ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਪ੍ਰਮੁੱਖ ਵਿਗਿਆਨ ਸਲਾਹਕਾਰ ਬਣੀਰਾਸ਼ਟਰਪਤੀ ਲਈ ਭਾਜਪਾ ਗੱਠਜੋੜ ਵੱਲੋਂ ਦ੍ਰੋਪਦੀ ਮੁਰਮੁਰ ਉਮੀਦਵਾਰ ਹੋਵੇਗੀ
ਮਨੋਰੰਜਨ

ਅਜੇ ਤਾਂ ਫਿਲਮੀ ਸਫਰ ਸ਼ੁਰੂੁ ਕੀਤੈ : ਅਨੰਨਿਆ ਪਾਂਡੇ

May 23, 2022 04:48 PM

ਅਨੰਨਿਆ ਪਾਂਡੇ ਨੇ ਸਾਲ 2019 ਵਿੱਚ ਫਿਲਮ ‘ਸਟੂਡੈਂਟ ਆਫ ਦੀ ਈਅਰ 2’ ਨਾਲ ਆਪਣਾ ਡੈਬਿਊ ਕੀਤਾ ਸੀ। ਇਸ ਫਿਲਮ ਵਿੱਚ ਉਹ ਤਾਰਾ ਸੁਤਾਰੀਆ ਤੇ ਟਾਈਗਰ ਸ਼ਰਾਫ ਨਾਲ ਨਜ਼ਰ ਆਈ ਸੀ। ਫਿਲਮ ਇੰਡਸਟਰੀ ਵਿੱਚ ਤਿੰਨ ਸਾਲ ਪੂਰੇ ਕਰ ਚੁੱਕੀ ਅਨੰਨਿਆ ਇੰਨੇ ਘੱਟ ਸਮੇਂ ਵਿੱਚ ਹੀ ਛੇ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਹੈ। ਦਮਦਾਰ ਐਕਟਿੰਗ ਦੇ ਦਮ ਉੱਤੇ ਉਹ ਖੁਦ ਨੂੰ ਇੱਕ ਸਟਾਰ ਦੇ ਰੂਪ ਵਿੱਚ ਸਥਾਪਤ ਕਰਨ ਵਿੱਚ ਸਫਲ ਰਹੀ ਹੈ। ਅੱਗੋਂ ਉਸ ਦੀਆਂ ਪੱਕੀਆਂ ਸਹੇਲੀਆਂ ਸੁਹਾਨਾ ਖਾਨ ਅਤੇ ਸ਼ਨਾਯਾ ਕਪੂਰ ਵੀ ਐਕਟਿੰਗ ਦੀ ਦੁਨੀਆ ਵਿੱਚ ਸਫਲਤਾ ਪਾਉਣ ਦੀ ਇੱਛਾ ਨਾਲ ਆਪਣੇ ਐਕਟਿੰਗ ਕਰੀਅਰ ਸ਼ਰੂ ਕਰਨ ਜਾ ਰਹੀਆਂ ਹਨ। ਸੁਹਾਨਾ ਦਾ ਡੈਬਿਊ ਫਿਲਮ ‘ਦਿ ਆਰਚੀਜ਼’ ਨਾਲ ਅਤੇ ਸ਼ਨਾਯਾ ਦਾ ‘ਬੇਧੜਕ’ ਨਾਲ ਹੋਵੇਗਾ। ਪਿੱਛੇ ਜਿਹੇ ਜਦੋਂ ਅਨੰਨਿਆ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ਆਪਣੀਆਂ ਇਨ੍ਹਾਂ ਦੋ ਸਹੇਲੀਆਂ ਨੂੰ ਉਨ੍ਹਾਂ ਦੇ ਐਕਟਿੰਗ ਡੈਬਿਊ ਉੱਤੇ ਕੁਝ ਟਿਪਸ ਦੇਣਾ ਚਾਹੇਗੀ ਤਾਂ ਉਸ ਨੇ ਕਿਹਾ, ‘‘ਮੈਂ ਕੌਣ ਹਾਂ ਉਨ੍ਹਾਂ ਨੂੰ ਟਿਪਸ ਦੇਣ ਵਲੀ। ਮੈਂ ਖੁਦ ਅਜੇ ਆਪਣਾ ਫਿਲਮੀ ਸਫਰ ਸ਼ੁਰੂ ਕੀਤਾ ਹੈ। ਇਹ ਗੱਲ ਜ਼ਰੂਰ ਹੈ ਕਿ ਜਦੋਂ ਅਸੀਂ ਬਹੁਤ ਛੋਟੀਆਂ ਸੀ ਤਾਂ ਤਿੰਨੇ ਐਕਟ੍ਰੈਸ ਬਣਨਾ ਚਾਹੁੰਦੀਆਂ ਸੀ। ਅਸੀਂ ਹਮੇਸ਼ਾ ਐਕਟਿੰਗ ਅਤੇ ਐਕਟ੍ਰੈਸ ਬਣਨ ਦੇ ਸਫਰ ਬਾਰੇ ਗੱਲ ਕਰਦੀਆਂ ਸੀ। ਅਸੀਂ ਸਾਰੇ ਇੱਕ ਦੂਸਰੇ ਤੋਂ ਟਿਪਸ ਲੈਂਦੇ ਹਾਂ।”
ਅਨੰਨਿਆ ਨੇ ਨਾਲ ਤਾਰਾ ਸੁਤਾਰੀਆ, ਸਾਰਾ ਅਲੀ ਖਾਨ ਤੇ ਜਾਹਨਵੀ ਕਪੂਰ ਨੇ ਵੀ ਆਪਣੇ-ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਕੀ ਅਨੰਨਿਆ ਇਨ੍ਹਾਂ ਵਿੱਚੋਂ ਕਿਸੇ ਵੀ ਪ੍ਰਤੀਯੋਗਤਾ ਬਾਰੇ ਦਬਾਅ ਮਹਿਸੂਸ ਕਰਦੀ ਹੈ ਤਾਂ ਉਸ ਨੇ ਕਿਹਾ, ‘‘ਸਾਰਾ, ਜਾਹਨਵੀ ਤੇ ਤਾਰਾ ਤੋਂ ਦਬਾਅ ਤੋਂ ਵੱਧ ਮੈਂ ਪ੍ਰੇਰਿਤ ਮਹਿਸੂਸ ਕਰਦੀ ਹਾਂ। ਸਾਰੀਆਂ ਬਹੁਤ ਚੰਗਾ ਕੰਮ ਕਰ ਰਹੀਆਂ ਹਨ। ਹਰ ਕੋਈ ਆਪਣੇ ਕਰੀਅਰ ਵਿੱਚ ਅੱਗੇ ਵਧ ਰਿਹਾ ਹੈ, ਅਜਿਹੇ ਵਿੱਚ ਮੈਂ ਉਨ੍ਹਾਂ ਲੋਕਾਂ ਨੂੰ ਮੋਟੀਵੇਸ਼ਨ ਵਾਂਗ ਦੇਖਦੀ ਹਾਂ।” ਅਨੰਨਿਆ ਛੇਤੀ ਹੀ ਸਾਊਥ ਦੇ ਸੁਪਰਸਟਾਰ ਵਿਜੇ ਦੇਵਰਕੋਂਡਾ ਨਾਲ ‘ਲਾਈਗਰ’ ਵਿੱਚ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ਦੇ ਨਾਲ ਉਸ ਦੀ ਗਿਣਤੀ ਪੈਨ ਇੰਡੀਆ ਸਿਤਾਰਿਆਂ ਵਿੱਚ ਹੋਣ ਲੱਗੇਗੀ।

Have something to say? Post your comment