ਟੋਰਾਂਟੋ, 17 ਮਈ (ਪੋਸਟ ਬਿਊਰੋ) : ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਵੱਲੋਂ ਐਡਮਿਸ਼ਨ ਮਾਪਦੰਡਾਂ ਤੋਂ ਲੈ ਕੇ ਏਰੀਆਜ਼ ਆਫ ਸਪੈਸ਼ਲਾਈਜ਼ੇਸ਼ਨ ਤੱਕ ਆਪਣੇ ਐਜੂਕੇਸ਼ਨਲ ਪ੍ਰੋਗਰਾਮਾਂ ਨੂੰ ਓਵਰਹਾਲ ਕੀਤਾ ਜਾ ਰਿਹਾ ਹੈ।
ਇਸ ਪਾਲਿਸੀ ਚੇਂਜ ਦਾ ਟੀਚਾ ਪ੍ਰੋਗਰਾਮਾਂ ਤੱਕ ਪਹੁੰਚ ਦੇ ਰਾਹ ਆਉਣ ਵਾਲੇ ਅੜਿੱਕਿਆਂ ਨੂੰ ਖ਼ਤਮ ਕਰਨਾ ਤੇ ਪ੍ਰੋਗਰਾਮਾਂ ਦੇ ਮਿਆਰ ਨੂੰ ਸੁਧਾਰਨਾ ਹੈ। ਪਰ ਬਹੁਤ ਸਾਰੇ ਵਿਦਿਆਰਥੀਆਂ ਦਾ ਮੰਨਣਾ ਹੈ ਕਿ ਹੋਵੇਗਾ ਇਸ ਤੋਂ ਉਲਟ।ਅਰਲ ਹੇਗ ਸੈਕੰਡਰੀ ਸਕੂਲ ਦੇ ਕਲਾਡ ਵਾਟਸਨ ਆਰਟਸ ਪ੍ਰੋਗਰਾਮ ਵਿੱਚ ਗ੍ਰੇਡ 11 ਵਿੱਚ ਫਿਲਮ ਮੇਜਰ ਕਰ ਰਹੇ ਜੇਮਜ਼ ਨੈਚਲ ਦਾ ਕਹਿਣਾ ਹੈ ਕਿ ਟੀਡੀਐਸਬੀ ਵੱਲੋਂ ਸਪੈਸ਼ਲਾਈਜ਼ਡ ਆਰਟਸ ਪ੍ਰੋਗਰਾਮਾਂ ਦੀ ਓਵਰਹਾਲਿੰਗ ਇਨ੍ਹਾਂ ਨੂੰ ਵਧੇਰੇ ਨਿਆਂ ਸੰਗਤ ਬਣਾਉਣ ਲਈ ਕੀਤੀ ਜਾ ਰਹੀ ਹੈ ਪਰ ਹਕੀਕਤ ਵਿੱਚ ਉਹ ਸਿੱਖਿਆ ਦੇ ਮਿਆਰ ਨੂੰ ਖਰਾਬ ਕਰ ਦੇਣਗੇ।
ਪ੍ਰਸਤਾਵਿਤ ਤਬਦੀਲੀਆਂ ਵਿੱਚ ਇਹ ਸ਼ਾਮਲ ਹੈ ਕਿ ਦਾਖਲੇ ਲਈ ਵਿਦਿਆਰਥੀਆਂ ਦਾ ਮੁਲਾਂਕਣ ਕਿਵੇਂ ਕੀਤਾ ਜਾਵੇਗਾ, ਆਡੀਸ਼ਨਜ਼ ਖ਼ਤਮ ਕਰ ਦਿੱਤੇ ਜਾਣਗੇ ਤੇ ਸਗੋਂ ਵਿਦਿਆਰਥੀ ਦੀ ਸਟੱਡੀ ਦੇ ਫੀਲਡ ਵਿੱਚ ਦਿਲਚਸਪੀ ਜਾਂ ਜਨੂੰਨ ਉੱਤੇ ਧਿਆਨ ਕੇਂਦਰਿਤ ਕੀਤਾ ਜਾਵੇਗਾ। ਪ੍ਰੋਗਰਾਮਾਂ ਵਿੱਚ ਵੀ ਤਬਦੀਲੀ ਦਾ ਪ੍ਰਸਤਾਵ ਪੇਸ਼ ਕੀਤਾ ਗਿਆ ਹੈ।ਇਸ ਵਿੱਚ ਵਧੇਰੇ ਜਨਰਲ ਪਹੁੰਚ ਆਰਟਸ ਐਜੂਕੇਸ਼ਨ ਲਈ ਅਪਨਾਈ ਗਈ ਹੈ ਜਿੱਥੇ ਵਿਦਿਆਰਥੀ ਪਹਿਲਾਂ ਪ੍ਰੋਗਰਾਮ ਵਿੱਚ ਦਾਖਲ ਹੁੰਦੇ ਹਨ ਤੇ ਫਿਰ ਜਿੱਥੇ ਉਹ ਅਪਲਾਈ ਕਰ ਸਕਦੇ ਹਨ ਉਹ ਤਬਦੀਲੀਆਂ।ਨੈਚਲ ਨੇ ਆਖਿਆ ਕਿ ਤੁਸੀਂ ਆਪਣੇ ਏਰੀਆ ਦੇ ਇੱਕ ਸਕੂਲ ਵਿੱਚ ਹੀ ਅਪਲਾਈ ਕਰ ਸਕਦੇ ਹੋਂ। ਜੇ ਤੁਹਾਡੇ ਏਰੀਆ ਵਿੱਚ ਸਕੂਲ ਹੈ ਤਾਂ ਤੁਸੀਂ ਕਿਤੇ ਹੋਰ ਜਾ ਕੇ ਅਪਲਾਈ ਨਹੀਂ ਕਰ ਸਕਦੇ। ਉਨ੍ਹਾਂ ਆਖਿਆ ਕਿ ਇਹ ਤਾਂ ਲੋਕਾਂ ਨੂੰ ਇੱਕ ਏਰੀਆ ਵਿੱਚ ਬੰਨ੍ਹ ਕੇ ਰੱਖਣ ਵਾਲੀ ਗੱਲ ਹੈ।
ਸੋਮਵਾਰ ਦੁਪਹਿਰ ਨੂੰ ਸੈਂਕੜੇ ਦੀ ਗਿਣਤੀ ਵਿੱਚ ਵਿਦਿਆਰਥੀਆਂ ਨੇ ਕਲਾਸਾਂ ਛੱਡ ਕੇ ਯੰਗ ਸਟਰੀਟ ਉੱਤੇ ਮੌਜੂਦ ਟੀਡੀਐਸਬੀ ਦੇ ਹੈੱਡ ਆਫਿਸ ਦੇ ਬਾਹਰ ਮੁਜ਼ਾਹਰਾ ਕੀਤਾ। ਵਿਦਿਆਰਥੀ ਬੋਰਡ ਨੂੰ ਇਨ੍ਹਾਂ ਤਬਦੀਲੀਆਂ ਉੱਤੇ ਮੁੜ ਵਿਚਾਰ ਕਰਨ ਦੀ ਮੰਗ ਕਰ ਰਹੇ ਸਨ।