ਸ਼ਵੇਤਾ ਤਿਵਾੜੀ ਦੀ ਬੇਟੀ ਪਲਕ ਤਿਵਾੜੀ ਜਲਦੀ ਹੀ ਫਿਲਮ ‘ਰੋਜ਼ੀ : ਦਿ ਸੈਫਰਨ ਚੈਪਟਰ’ ਤੋਂ ਡੈਬਿਊ ਕਰਨ ਵਾਲੀ ਹੈ। ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਹੀ ਉਸ ਦੀ ਲੋਕਪ੍ਰਿਅਤਾ ਅਸਮਾਨ ਛੂਹਣ ਲੱਗੀ ਹੈ।ਹਾਲ ਹੀ ਵਿੱਚ ਆਪਣੀ ਮਾਂ ਨਾਲ ਤੁਲਨਾ ਹੋਣ ਉੱਤੇ ਪਲਕ ਨੇ ਆਪਣੇ ਵਿਚਾਰ ਰੱਖੇ ਹਨ। ਉਸ ਨੇ ਕਿਹਾ ਕਿ ਸ਼ਵੇਤਾ ਨਾਲ ਉਸ ਦੀ ਤੁਲਨਾ ਤਾਂ ਹੋਣੀ ਹੀ ਹੈ, ਇਹੀ ਨਹੀਂ, ਉਹ ਤਾਂ ਇਸੇ ਤੁਲਨਾ ਨਾਲ ਵੱਡੀ ਹੋਈ ਹੈ।
ਉਹ ਕਹਿੰਦੀ ਹੈ, ‘‘ਮੈਂ ਲੋਕਾਂ ਦੀਆਂ ਅਜਿਹੀਆਂ ਗੱਲਾਂ ਤੋਂ ਡਰਦੀ ਨਹੀਂ, ਮੈਨੂੰ ਪਤਾ ਹੈ ਮੇਰੀ ਮਾਂ ਨੇ ਮੈਨੂੰ ਬਹੁਤ ਕੁਝ ਸਿਖਾਇਆ ਹੈ ਤੇ ਮੈਂ ਹਮੇਸ਼ਾ ਉਨ੍ਹਾਂ ਦਾ ਆਦਰ ਕਰਦੀ ਹਾਂ। ਮੈਂ ਐਕਟਿੰਗ ਬਾਰੇ ਜੋ ਕੁਝ ਵੀ ਸਿੱਖਿਆ, ਉਹ ਉਨ੍ਹਾਂ ਦਾ ਕੰਮ ਦੇਖ ਕੇ ਸਿੱਖਿਆ ਹੈ, ਜੇ ਲੋਕ ਕਹਿੰਦੇ ਹਨ ਕਿ ਮੈਂ ਓਨੀ ਬਿਹਤਰੀਨ ਨਹੀਂ ਤਾਂ ਇਸ ਨੂੰ ਮੰਨਦੀ ਹਾਂ, ਕਿਉਂਕਿ ਮਾਂ ਦੇ ਲੈਵਲ ਤੱਕ ਪਹੁੰਚਣ ਲਈ ਅਜੇ ਮੈਂ ਬਹੁਤ ਸਾਰਾ ਕੰਮ ਕਰਨਾ ਹੈ। ਉਮੀਦ ਹੈ ਕਿ ਇੱਕ ਦਿਨ ਅਜਿਹਾ ਹੋਵੇਗਾ।”